منتدى الأرانب للجميع
لماذا الهجوم على المسيحيين بهذا الشكل 343215

أهلا وسهلا بك زائرنا الكريم ، في منتديات الأرانب للجميع .
المرجو منك أن تقوم بتسجـيل الدخول لتقوم بالمشاركة معنا. إن لم يكن لـديك حساب بعـد ، نتشرف بدعوتك لإنشائه بالتسجيل لديـنا . سنكون سعـداء جدا بانضمامك الي اسرة المنتدى . مع تحيات الإدارة

لماذا الهجوم على المسيحيين بهذا الشكل Rabbit10


منتدى الأرانب للجميع
لماذا الهجوم على المسيحيين بهذا الشكل 343215

أهلا وسهلا بك زائرنا الكريم ، في منتديات الأرانب للجميع .
المرجو منك أن تقوم بتسجـيل الدخول لتقوم بالمشاركة معنا. إن لم يكن لـديك حساب بعـد ، نتشرف بدعوتك لإنشائه بالتسجيل لديـنا . سنكون سعـداء جدا بانضمامك الي اسرة المنتدى . مع تحيات الإدارة

لماذا الهجوم على المسيحيين بهذا الشكل Rabbit10

منتدى الأرانب للجميع
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

منتدى الأرانب للجميع دخول

أول منتدى عربى رائد في مجال تربية الأرانب ومستلزماتها ... يضم صفوة خبراء المجال ويعتبر الوجهة الأولى لمربي الأرانب فى العالم العربي ، حيث يساعد أصحاب الأرانب والحيوانات بأمورتربيتها ورعايتها وكيفية التعامل معها ، تجد به أيضا كل ما يهمك عن الزراعة وتربية


لماذا الهجوم على المسيحيين بهذا الشكل

power_settings_newقم بتسجيل الدخول للرد

29032013
لماذا الهجوم على المسيحيين بهذا الشكل

انا تصفحت حاجات كتير فى المنتدى المتعلقة بالسياسة

و لاحظت فيها هجوم غريب الشكل على المسيحيين

و انا باسال نفسى ليه الهجوم ده

هل لان المنتدى مثلا مفهوش مسيحيين يردوا على الهجمات الشرسة دى
هل لان فعلا فى مسيحيين كتير انتخبوا شفيق

هل كرها فيهم ؟؟؟

هل الناس شايفة انهم مش مشاركين فى الثورة

طب واحد زى جورج اسحق و لا زى الشهيد مينا دانيال و لا غيرهم دول مثلا شفافين محدش شايفهم

هل لان البعض بيعتبرهم كفرة ملاحدة و مكانهم مش مصر مكانهم فى اى حتة تانى

انا و مسيحيين كتير انتخبنا حمدين صباحى تدعيما للثورة و قاطعنا ىف المرحلة التانية لعدم اقتناعنا بشفيق او مرسى و اعرف مسيحيين كتير انتخبوا مرسى

بس فى نقطة عايز اقولها بعد 7 شهور من حكم مرسى

ان كل المسلميين و المسيحيين اللى اعرفهم و كانوا منتخبين شفيق بيقولوا لى ها ايه رايك يا عم الثورجى البلد طلعت لقدام ها عاجبك حال البلد

اتمنى بقى اسمع الرد منكم

تعاليق

a.abdelghani
?
احنا هنا فى المنتدى بنهاجم المسيحين !!!!!!!!!
scratch scratch
طيب معلش ادينى لينكات المواضيع اللى المنتدى بيهاجم فيها المسيحين
محمد طويله
أخى الكريم
أول نقطه
إنت بتقول ((انا تصفحت حاجات كتير فى المنتدى المتعلقة بالسياسة
و لاحظت فيها هجوم غريب الشكل على المسيحيين ))
أنا واحد من الناس ماشوفتش حاجه زى دى وهاستأذنك لو تنزل روابط الموضوعات اللى فيها الهجوم ده
علشان نتكلم فيها مع بعض
ثانى نقطة
كلامك ((هل لان البعض بيعتبرهم كفرة ملاحدة و مكانهم مش مصر مكانهم فى اى حتة تانى))
مش هاقول ان مفيش الكلام ده
هو موجود فعلا بس ناس قليله ملهمش اى وصف عندى غير إنها ضيقوا الأفق وعندهم مشكله كبيره جدا جدا جدا فى الفهم واستيعاب الأمور وهاقولك على حاجه غايبه عن ناس كتير
الرسول محمد عليه الصلاه والسلام فى بداية حياته كان بيخرج فى التجاره مع جده
وبعدها خرج كعامل أو أمين (موظف) على تجاره زوجته حتى صار له تجاره خاصة به شخصيا
وكان عند العرب وقتها رحتين للتجاره رحله للشام ومنطقه العراق (وكانت تحت حكم المجوس )
ورحله لليمن وكانت تحت حكم النصارى ولم يحدث من الرسل عليه الصلاة والسلام أن أمر أبدا
أى من عملائه على التجارة (الموظفين اللى بيشتغلوا تحت ايده)
إنهم يتعاملوا مع المسلمين بس وبلاش أى ديانه تانيه
ومما هو مذكور فى التاريخ ايضا إن المسلمين فى البدايه عندما لاقوا التعذيب من قريش أمرهم الرسول
أن يهاجروا إلى الحبشه (إثيبوبيا حاليا) لأن فيها ملك لا يظلم عنده أحد يعنى رجل عادل فى حكمه
الموقفين دول أنا مش بحكين تسالى وقت أنا بس حبيت أوضح ليك إن الناس اللى بتقول الكلام ده
وبيعتبر المسيحيين مش عارف ايه زى ما انت كاتب دول ناس معلوماتهم ضيقه جدا وبياخدوا الكلام وبيطبوقه من غير ما يحاولوا يفهموا
وأكرر ليك دول عدد قليل قياسا إلى الناس اللى بتعامل المسييحين معامله زى المسلمين بالظبط
وبعد 7 شهور من حكم مرسى أقدر أوقلك ان مرسى فى رأيى حاكم ضعيف ولو لم يفق من ضعفه
لوصل إلى الفشل الكامل فى الحكم يعنى هو أخد أول خطوات الفشل
وبعدين المسيحيين لو مكانهم مش مصر يبقى فين إن شاء الله
اللى ينطق الجمله دى بالذات يبقى أعمى وغبى واتكلم فيه زى ما تتكلم
المسيحيين فى مصر هم أهل البلد وجاءهم الإسلام من الجزيره العربيه مع قوافل التحاره ومع الفتح الإسلامى
والقارئ المنصف للتاريخ واكرر القارئ المنصف وليس المتحامل لطرف على حساب آخر
هايأكد على أكتر من حاجه
1ـ إن المسيحيين فى مصر وهم أهل البلد الأصليين وإنهم مش هنود حر علشان نقتلهم أو ننفيهم بره البلد
2ـ المسيحيين فى مصر رحبوا ترحيب كبير جدا بقدوم الفتح الإسلامى لما سمعوه عن المسميلن من السماحه والعدل وإنهم هايرحموهم من حكم الرومان الطاغى حتى إن بعض المسيحيين وقتها كانوا بيساعدوا المسلمين عسكريا وبالأموال علشان يخلصوا من حكم الرومان
3ـ عندنا حديث واضح جدا عن الرسول عليه الصلاه والسلام بيوصي المسلمين بقبط مصر وبيوصيهم بأخذ جند كثير من أهل مصر فإن كان هناك من يقول مثل حديثك هذا فهى يخالف وصيه الرسول
ويخالف قول الله سبحانه وتعالى (لكم دينكم ولى دين)
أنا بقولك كل الكلام ده علشان إنت لما تسمع كلام زى كده لازم تعرف انه بيخرج من إنسان مش فاهم هو بيقول ايه بالظبط ولو كان بيعتقد انه بيطبق افسلام فهو بكه بيخالف أبسط القواعد الأساسيه فى الإسلام
يا أخى ده الرسول كان عايش جنب الكفار فى مكه و(لكم ديكنم وليا دين)

نيجى ليك انت شخصيا
ماتعرفش حد من المسمين حواليك كويس خالص مفيش حد بيرمى عليه الصباح والمساء
مفيش واحد قالك ألف سلامه عليك لما كنت تعبان يعنى خلاص كل اللى حواليك بيحاربوك
هاقولك على حاجه ممكن ماتصدقنيش فيها
لى جار فى آخر الشارع (أ/سمير) مسيحى مفيش أى علاقه بينى وبينه نهائى ولا صباح ولا مسا ولا غيره
عرفت ان والدته اتوفت روحت عزيته وقلت له البقاء لله معاملته اتغيرت 180 درجه وبقى بينى وبينه موده كبيره جدا
وجارى المسلم اللى اللى بيته لازق فى بيتى لو يطول يولع فيا هايعملها من غير تردد رغم انى كنت جدع وراجل معاهم فى حاجات كتير جدا
والدين معامله يا أخى
أعبد اللى تعبده بس عاملنى كويس إحنا محتاجين ايه من بعض غير المعامله الكويسه ؟
وأنا فى انتظار روابط المواضيه اللى بتقول ان فيها تحامل على المسيحيين
avatar
اولا انا اسف لان اسلوبى كان عنيف و مهم حصل المفروض ما يكونش اسلوبى بالحدة دى

يا سيدى الفاضل حضرتك بتسالنى مفيش حواليه مسلمين كويسين احب اقول لحضرتك 4/3 اصحابى مسلمين اساسا و ده اللى صدمنى فى الحاجات اللى شفتها من ضمن الناس حتى اللى ليا بهم علاقة كويسة د/ بليغ حمدى و يمكن هو اللى خلانى اخش المنتدى

كل اللى حضرتك ذكرته انا مش مختلف معاك فيه طبعا لانه تاريخ

لكن فى واحد اسمه Heavy Equipment كلامه صعب بصراحة

و بصراحة انا حاولت اجيب البوستات اللى قريتها تانى بس مش عرفت اجيبها كلها لانى كنت باقرا بشكل عشوائى

جايز برده لان بقالى فترة بره مصر فاتصدمت من اللى شفته

على العموم باعتذر مرة تانى على الاسلوب و دى لينكات من اللى شفتها و نصيحة يا ريت تمسحوها بدل ما حد تانى يفهم الموضوع غلط

http://www.rabbitsforall.com/t4385-topic

http://www.rabbitsforall.com/t8223-topic و شوف كلامه عن قداسة البابا شنودة اللى كله افترا

فى تانى شوفته بس بصراحة مش فاكر فى اى بوست

فى الاخر احب اشكر اهتمامكم و باعتذر مرة تانى على اسلوبى اللى كان عصبى شوية و شاكر محبتكم فى احتمالى و انا فى الوسط اللى عايش فيه من اكتر الناس المهتمين بتقوية لعلاقة بين المسلمين و المسيحيين و زى ما قلت من شوية معظم اصحابى مسلمين و بنا يعدى ببلدنا لبر الامان

محمد طويله
العفو يا مينا
إنت بس غيور على دينك زى أى واحد مننا بيكون غيور على دينه
يمكن ده اللى خلى اسلوبك ناشف شويه
بس الموضوعات اللى انت حطيت الروابط بتاعتها دى كان فيها نقاش بين اطراف
ورأى ورأى مخالف حتى فى موضوع فيهم م/بليغ بيرد بشده على هيفى
وبالمناسبه هيفى ده انا اللى عزلته من الإشراف بسبب سوء ادبه فى الكلام مع الناس
وبعدين انا هاخد من كلامك كلمه واحده إنت بتقول ان 3/4 اصحابك مسلمين
أعتقد انك لو شايف فيهم ناس مش كويسه يبقى مش هاتصاحبهم من البدايه
وده برضه معناه انك متفهم مسأله ان فى ناس متشددة ومش فاهمة اللى بتقوله وناس معتدله وعارفه الصح إيه
وإلا كنت أخدت أصحابك بذنب الناس اللى بيسيئوا بأسلوبهم الخاطئ للإسلام ولنفسهم
قبل ما تكون الإساءه للمسيحين
وفى المقابل برضه ماينفعش حد يقف ليك ويقول أهه مسيحى ومش طايق المسيحيين وبيصاحب مسلمين !!!
إحنا فى النهايه كلنا واحد ولو حصلت مصيبه فى البلد كلنا اللى هانشيل الطين مع بعض
وأول ناس هاتجرى وتستخبى هم المتشددين من الطرفين
أما المعتدلين واللى بيفهموا هم اللى هايجمعوا الناس على بعض
وفى النهايه اتشرف بصداقتك إن كنت تقبل طبعا
وأرجو انك تدوام معانا على التواجد فى المنتدى
ويارب ربنا يكرمنا بواحد كده يكون راجل يرش ميه ويلم الناس دى فى بيوتها
ويمسك البلد مسكه صح
بلال
حضرتك أخ فاضل وعزيز علينا كلنا
avatar
متشكر يا جماعة على روحكم الطيبة و اسف لاسلوبى مرة تانى

يا بشمهندس شرف ليا انك تكون صديقى

انا باشبه على اسم حضرتك لو كنت حضرتك مشارك زمان فى منتدى البيطرة العربية

و انا ان شاء الله معاكم طبعا فى المنتدى لان ناس محترمة زيكم الواحد ما يسبهاش

يا اخ بلال ربنا يديم الاخوة و المعزة كلنا يا رب امين
a.abdelghani
ماشى يا عم مينا
يا عم انت خلتنى اشك فى ان المنتدى شغال بيولع فى الفتنه
بس برضه عشان ما تظلمش بليغ راجع روده فى اللينكات اللى انت حاططها

avatar
اظلم بليغ ؟؟؟؟!!!!

ليه يا عم انا ما جبتش سيرته اساسا انا بينى و بينه كل خير

ده هو اللى معرفنى على المنتدى

حصل خير

محمد طويله
فعلا يا مينا انا ليا عضويه فى البيطره العربيه
وعضوياتى كلها بإسم من إتنين إما tawela أو m.tawela
مفيش غير الفيس بس هو اللى مكتوب فيه عضويتى باسمى mohamed tawela
HOUSAMMI


بسم الله

Very Happy Very Happy Very Happy Very Happy Very Happy Very Happy Very Happy Very Happy Very Happy Very Happy Very Happy Very Happy

الحمد الله
power_settings_newقم بتسجيل الدخول للرد
remove_circleمواضيع مماثلة
privacy_tip صلاحيات هذا المنتدى:
لاتستطيع الرد على المواضيع في هذا المنتدى