منتدى الأرانب للجميع
لماذا يكرة الاخوان باسم يوسف  343215

أهلا وسهلا بك زائرنا الكريم ، في منتديات الأرانب للجميع .
المرجو منك أن تقوم بتسجـيل الدخول لتقوم بالمشاركة معنا. إن لم يكن لـديك حساب بعـد ، نتشرف بدعوتك لإنشائه بالتسجيل لديـنا . سنكون سعـداء جدا بانضمامك الي اسرة المنتدى . مع تحيات الإدارة

لماذا يكرة الاخوان باسم يوسف  Rabbit10


منتدى الأرانب للجميع
لماذا يكرة الاخوان باسم يوسف  343215

أهلا وسهلا بك زائرنا الكريم ، في منتديات الأرانب للجميع .
المرجو منك أن تقوم بتسجـيل الدخول لتقوم بالمشاركة معنا. إن لم يكن لـديك حساب بعـد ، نتشرف بدعوتك لإنشائه بالتسجيل لديـنا . سنكون سعـداء جدا بانضمامك الي اسرة المنتدى . مع تحيات الإدارة

لماذا يكرة الاخوان باسم يوسف  Rabbit10

منتدى الأرانب للجميع
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

منتدى الأرانب للجميع دخول

أول منتدى عربى رائد في مجال تربية الأرانب ومستلزماتها ... يضم صفوة خبراء المجال ويعتبر الوجهة الأولى لمربي الأرانب فى العالم العربي ، حيث يساعد أصحاب الأرانب والحيوانات بأمورتربيتها ورعايتها وكيفية التعامل معها ، تجد به أيضا كل ما يهمك عن الزراعة وتربية


لماذا يكرة الاخوان باسم يوسف

power_settings_newقم بتسجيل الدخول للرد

14042013
لماذا يكرة الاخوان باسم يوسف


besm


لماذا يكره الاخوان باسم يوسف



لماذا يكره الاخوان باسم يوسف ،،، سؤال دائما كان يتردد فى صدرى رغم اعجابى الشديد به بصفة عامة واعتراضى عليه فى بعض المواقف

فوجدت هذا المقال الجميل الذى تناوله صاحبة بالتحليل البسيط والغنى فى نفس الوقت ارجو ان ينال اعجابكم ،،، المقال نقلا عن صحيفة البيان

الاماراتية وايضا موجود فى صفحة الوفد ،،، بالمناسبة لست اخوانيا ،،، ولا احسب على اى تيار سياسى او دينى



تجاوز الدور الذي يلعب المذيع المصري الساخر باسم يوسف، مجرد إضحاك جمهوره في المسرح ومشاهديه في البيوت، حتى لو كان ضحكا كالبكاء على أحوال مصر تحت حكم جماعة الإخوان،

فالأهم هو تحريض مواطنيه على التفكير بعمق في أمور سياسية ودينية تحيط بهم، تتحكم فيهم وتحكم مصائرهم وتحدد مستقبلهم.. هو حالة تمرد على منطق القطيع، وسؤال حاد ينهش في صحة المسلمات التي تنتشر بين الناس كاليقين! وهذا هو سر كراهية الإخوان والتيارات الدينية له، والدافع الحقيقي لعمليات الاستئصال التي يسعون إليها معه، مستغلين ثغرات في النظام القانوني، ونائبا عاما عينه الرئيس محمد مرسي بالمخالفة للدستور وتقاليد قضائية عريقة.
قد تؤلمهم سخرية باسم يوسف منهم، وتوجعهم "الإفيهات" التي يطلقها عليهم، لكنهم يقدرون على تحملها والتعايش معها، أما ما يفزعهم حقا ويربك كل حساباتهم، فهو فضحه بالوقائع والأدلة للمسافة الهائلة بين الصحيح والخاطئ في ما يقولون ويفعلون، وتعريته لقدر التناقض بين ألسنتهم وتصرفاتهم.
ولم يصبروا عليه منذ الحلقات الأولى لبرنامجه في نهاية نوفمبر الماضي، وعملوا على التقليل من شأنه وإهانته، فوصفوه بأنه "أراجوز"، ولم يكونوا يدرون أن الوصف أقرب إلى الصحة، فالأراجوز في التراث الشعبي المصري ليس "مضحكاتيا"، "يُطري" على قلوب الناس بحكايات وحركات فكاهية، وإنما كان دوما أداة الناس في السخرية من الحكام الظالمين والمماليك، الذين نهبوا الثروات ونكلوا بالعباد وعاثوا فسادا في الأرض الطيبة!
ولم يرتدع المذيع المشاغب أو يشعر بالخوف، بل زاد من سخريته الجارحة الكاشفة للأقنعة الزائفة، لشخصيات اعتادت الضحك على الناس واللعب على أوتار مشاعرهم، باسم الدين والثورة ومصالح الوطن والمشروع الإسلامي.
وهذا هو جوهر قضية باسم يوسف مع الدكتور محمد مرسي رئيس جمهورية مصر، وقد تكون أشهر قضية بين مذيع ورئيس في العالم أجمع.
ولم يكن اتهام باسم من بضعة محامين مغمورين تابعين للجماعة، بإهانة الرئيس وازدراء الأديان في بلاغ مقدم إلى النائب العام، إلا محاولة فاشلة لكتم صوته وإزاحة صورته من أمام المشاهدين، وصلت في بعض جوانبها إلى تهديدات رسمية بإغلاق القناة التي تذيع برنامجه! وكان يمكن للمحاولة أن تنجح ولو نسبيا، خاصة في وجود نائب عام يلاحق خصوم الإخوان ومنتقديهم بشراسة، مستخدما بلاغات ضدهم من مدعين غير ذي صفة، لولا رد الفعل العالمي المناصر لـ"باسم يوسف"، والدعم الذي لقيه من أستاذه ومثله الأعلى جون ستيوارت، صاحب أشهر برنامج سياسي ساخر في الولايات المتحدة الأميركية.
ولن يتوقف الرئيس ولا الإخوان ولا التيارات الدينية عن مطاردة باسم وبرنامجه، فالصراع بينهما هو جزء من الصراع الكبير في مصر كلها، صراع على المستقبل بين دولتين: دولة ديمقراطية بقواعد عصرها وزمنها ما زالت بعيدة، ودولة دينية بقواعد عصرٍ فات وزمن قديم تلوح في الأفق.
وبالفعل، يمثل باسم يوسف عائقا رهيبا أمام أمرين في غاية الأهمية للتيارات الدينية السياسية في مصر..
الأمر الأول: هو أخونة الدولة المصرية، والتمكين منها، بما يضمن دوام حكم الجماعة لأطول فترة ممكنة.
والأمر الثاني: سيطرة شيوخ الفضائيات والدعاة الجدد على قطاعات عريضة من المصريين، وهي في الغالب القطاعات الأقل تعليما وثقافة، والأكثر فقرا ومعرفتها بالدين معرفة سمعية عما يقوله هؤلاء الشيوخ في المساجد والزوايا والفضائيات.. وأي تحليل لنتائج التصويت في انتخابات الرئاسة الماضية أو الاستفتاء على الدستور، تبين أن الرئيس محمد مرسي حصل على أعلى الأصوات في المحافظات الأكثر فقرا والأقل ثقافة، وهو نفس ما حدث مع الدستور.
والسؤال: ما هي القدرات التي يملكها مذيع ساخر وتمثل عائقا أمام تيار سياسي له الغلبة في الشارع؟!
إجابة هذا السؤال تعود بنا إلى وصف الأراجوز الذي أطلقه خصوم باسم يوسف عليه، وكلمة أراجوز يرجعها بعض مؤرخي الفنون إلى اللغة القبطية، وأنها مشتقة من "إراجوس"، وتعني "صانع كلام خاص"، ويرجعها البعض إلى أصل تركي "قره قوز"، لكن هذا التفسير يتناقض مع التاريخ، لأن مصر عرفت فن الأراجوز واشتهرت به في أواخر العصر المملوكي (1250-1517)، أي قبل الغزو العثماني لمصر بفترة طويلة..
فكيف اشتق المصريون من اللغة التركية التي لا يعرفونها؟! المهم أن الأراجوز استخدم منذ ولادته، للتنفيس عن مشكلات اجتماعية وسياسية في قالب ساخر، لم يكن التعبير عنها متاحا في تلك الأزمنة التي اتسمت بالديكتاتورية الدينية والسياسية.
أي أن خطورة الأراجوز في قدرته على الوصول إلى بسطاء الناس والتأثير عليهم، من خلال السخرية والتنكيت، وهم نفس البسطاء الواقعين تحت أجنحة الإخوان وحلفائهم من التيارات الدينية..
باختصار؛ نزل باسم يوسف إلى الساحة التي تلعب فيها هذه التيارات منفردة، ولم تستطع الأحزاب السياسية أن تخاطبها أو تستميلها إليها. وهذه الساحة في عرف التيارات الدينية "ممنوع الاقتراب أو التصوير"، فهي أشبه بملكية خاصة، وإذا خرجت من دائرة السيطرة، تتغير قواعد اللعبة السياسية في مصر من الألف إلى الياء!
وهذا بالضبط ما يصنعه باسم يوسف.. والحرب مستمرة..


نبيل عمر يكتب :باسم يوسف والرئيس مرسي

تعاليق

علاء عبد الرازق
يا استاذ حسام بغض النظر عن تأييدك لباسم يوسف او اعتراضك عليه .... انا ليه وجهة نظر لو تسمح لي اقولها
الاسلوب هو اساس اي شيء ... انت تقدر تقنعني وتقنع الناس بوجهة نظرك طالما كان اسلوبك هادئ وصوتك منخفض وكنت متأكد من وجهة نظرك اللي بتدافع عنها ... والعكس صحيح تماما ... اذا كنت علي حق واسلوبك خاطئ وصوتك عالي لن تقنع احد بموقفك وسيضيع حقك

باسم يوسف بالغ جدا في انتقاد الاخوان وانتقاد الرئيس وانتقاد الشيوخ ... واستخدم اساليب اقل ما توصف به انها سافله ولا يتقبلها المجتمع المصري " المتدين " سواء مسلمين او نصاري ....

تقبل تحياتي
HOUSAMMI
علاء عبد الرازق كتب:
يا استاذ حسام بغض النظر عن تأييدك لباسم يوسف او اعتراضك عليه .... انا ليه وجهة نظر لو تسمح لي اقولها
الاسلوب هو اساس اي شيء ... انت تقدر تقنعني وتقنع الناس بوجهة نظرك طالما كان اسلوبك هادئ وصوتك منخفض وكنت متأكد من وجهة نظرك اللي بتدافع عنها ... والعكس صحيح تماما ... اذا كنت علي حق واسلوبك خاطئ وصوتك عالي لن تقنع احد بموقفك وسيضيع حقك

باسم يوسف بالغ جدا في انتقاد الاخوان وانتقاد الرئيس وانتقاد الشيوخ ... واستخدم اساليب اقل ما توصف به انها سافله ولا يتقبلها المجتمع المصري " المتدين " سواء مسلمين او نصاري ....

تقبل تحياتي



بسم الله الرحمن الرحيم

ازيك يا أ/ علاء

لا عادى جدا انك تختلف معايا ( ولا انا كاتب الموضوع ده ليه ) مش عشان التاييد اكيد Very Happy

بس اهم حاجة يبقى حوارنا مع بعض بكل ادب بكل منطق بكل حب لان انا ولا انت مش نكسب حاجة خاااااااااااالص من طرف بعينه

نرجع للمووضع

1- اتفق معك اخى على ان المدعو باسم يوسف تجاوز فى فى اكثر من موقف خاصة فيما يخص رئيس الجمهورية

واختلف معك فيما عدا ذلك ولو قريت المقال كويس هتعرف ايه اهمية واحد زى باسم يوسف فى مصر


2- دايما ياصاحبى ( واسمحلى اناديك باللفظ ده ) ماتزعلش من البينقدك طالما انت فتحت له الباب مش مهم الاسلوب لان انت الملام الوحيد

، خلى باسم يوسف وحش ،،، ارجع للموقف الى عيب عليه هتلاقيه صح للاسف ،،،


3- الاسلوب الى بينتهجه باسم اسلوب معروف من زمان وتطور من اول بشار و غير من شعراء الهجاء

الى فن الاراجو ز والكوميديا السوداء وغيره ولست خبيرا فى الادب ،، بس تقديم الموقف بشكل فكاهى وان اختلف طريقة التقديم

طريقة من توصيل الفكرة

4- الاسلوب الهادى والظريف الى انت تقصدة برع فيه الاخوان بالاستيلاء على عقول البسطاء بسم الدين وفى احتلال منابر المساجد

فى كل الخطب وفى الدعاء على الكفرة ( بالمناسبة اصبحت كلمة كافر مرادف لكل ماهو ليس سلفى او اخوانى ) احترس ،،،


5- فى حوار قاله احد قادة الاخوان يبشر فيه القوم بظهور تطور جديد فى البشرية يسمى جنس الاخوان

وان الاخوان الحلوين دول مايصحش يتزاوجو مع غيرهم من االناس التانية اطلع على الحلقة الاخيرة من باسم يوسف

لو هو ده الفكر الاخوانى فابشر بعصر جديد من الفاشية ومن النازية ومن دولة الخمينى ( الاخوانية فى مصر )



عبدالسلام عزت
ليس باسم يوسف وحدة ابراهيم عيسى - يوسف الحسينى - عمرواديب- لميس الحديدى - خيرى رمضان - مجدى الجلاد- توفيق عكاشة - احمد شوبير وغيرهم وغيرهم وغيرهم
الاخوان كل من يعارضهم يهاجموة وفى الاخر يقولوا احنا بتوع ديقراطية
ديمقراطية اية بقى
وعجبى
علاء عبد الرازق
يا صاحبي انت بتنتقد اسلوب الاخوان الهادئ الظريف وبتقول انهم بيكفروا اللي مش سلفي ولا اخواني وانهم سيطروا علي عقول البسطاء ... علي فكره انا بكالوريوس تجاره دفعة 99 وشغال بقالي اكتر من 15 سنه في مجال الكمبيوتر ولله الحمد " أعتبرني بسيط "

اما اسلوب باسم اللي بتقول انه تطور من ايام بشار والاراجوز وتقديم الموقف بشكل فكاهي انا مش معترض عليه ... بس مينفعش نجيب " كلوت " وننشره ونقول كوميديا ومينفعش الالفاظ اللي بتتقال زي " مخصي " وشخير والكلام ده ... انت نفسك لو قاعد وفاتح التلفزيون وبتتفرج عليه وجنبك مراتك او بنتك هتتكسف وهتقلب القناه فورا

وعلي فكره ... " اقسم بالله اقسم بالله اقسم بالله انا مش اخواان ولا عمري انضميت ليهم ولا هنضم " انا انسان مسلم سني بصلي وبصوم وبعبد ربنا بعيدا عن اي اتجاهات سياسيه ..

نيجي بقي للنقطه المهمه قوي ... انا شايف الهجوم علي الاخوان هو مجرد كره لأشخاص ... عاوزك بعد اذنك تقولي ايه اللي عملوه الاخوان من يوم ما نجحوا في مجلس الشعب اللي الدستوريه حلته والي الان .. وهنمسك نقطه نقطه ونتكلم فيها بكل حب وود وهدوووووووووووء :)
علاء عبد الرازق
عبدالسلام عزت كتب:
ليس باسم يوسف وحدة ابراهيم عيسى - يوسف الحسينى - عمرواديب- لميس الحديدى - خيرى رمضان - مجدى الجلاد- توفيق عكاشة - احمد شوبير وغيرهم وغيرهم وغيرهم
الاخوان كل من يعارضهم يهاجموة وفى الاخر يقولوا احنا بتوع ديقراطية
ديمقراطية اية بقى
وعجبى


استاذ عبد السلام ... ازيك الاول :)
ابراهيم عيسي تهجم علي الصحابه وغير في تاريخ الإسلام وتهجم علي الاسلام نفسه لما قال انه مش بالتمسك بالاسلام وبالشريعه هنتقدم
يوسف الحسيني ماركسي علماني مناهض لاي حاجه فيها اسلام .. وشغال في قناة ساويرس اللي هو نفسه قال علي نفسه انه كلب ساويرس
عمرو اديب ده مينفعش يكون اعلامي ... مينفعش تبقي قاعد تسمع اعلامي بيتكلم في التلفزيون وتلاقيه سب الدين ... مينفعش
لميس الحديدي .. تعرف انها كانت ماسكه حملة تلميع جمال مبارك قبل الثوره !!
وباقي الاسماء كل واحد فيه عيوب الدنيا كلها ...
يا اخي عبد السلام الاعلاميين دول مش حاسين بجوع ولا حرمان ولا حاسين بانعدام امن وكل همهم توليع البلد علشان مصلحة اصحاب القنوات اللي مشغلينهم اللي هما كلهم من النظام القديم واللي استفادوا منه وعملوا مليارات من دم الشعب الغلبان .. والاعلاميين دول نفسهم اقل واحد فيهم بياخد شهريا مش اقل من مليون جنيه " واحنا هنا قاعدين نحسب الارنبه هتولد كام وهنبيع بكام وهنكسب كام جنيه "

عبدالسلام عزت
اخى علاء ازيك الاول عامل اية
صلى على النبى واهدى مفيش حاجة تستاهل
بالنسبة الى الاخوان بربك ودينك انت راضى عن ال هما عاملينة فى البلد دة
بالنسبة ل الاعلاميين
باسم يوسف انا معاك بنسبة كبيرة ان اسلوبة وفى حاجات بيعملها مبتعجبنيش وغلط ومينفعش يعملها بس زى ما ا؟ حسام قال سيبك من ال بيقولة بطريقتة فكر فى الكلام والنقد ال بيتكلم علية تبص تلاقية صح يعنى ابسط حاجة فى رئيس فى الدنيا يقعد يقول القرد والقراداتى ولا يتكلم انجليزى يتكلم غلط ويفضحنا ويقول البيرونى هو ال اكتشف الدورة الدموية والفضايح ال من النوع دة
بلاش دة سيبك من دة انت بتقول الاخوان عملوا اية
بداية من الاعلان الدستورى ال قسم البلد دة دة يصح يقولة ومبتكلمش عن النائب العام انة شالة وجاب واحد تانى مع انى معترض بس سيبك من دى يحصن قراراتة ضد الطعن والقضاء دة كلام والناس قبلها بيومين كانوا عندة ومفيش فايدة
فين حق جنودنا ال ماتوا فى رفح لية الى الان مش راضى تطلع مين ال قتلهم مع ان التقرير موجود
13 الف اخوانى فى مفاصل الدولة ومش انا ال بقول دة حزب النور السلفى ال بيقول بتاع قال الله وقال الرسول
بلاش كدة فضيحة قصر الاتحادية وخروج الاخوان على المعتصمين وضرب النساء وغيرة صحيح فى ناس منهم ماتوا لكن مين ال ابتدى وطلع يضرب الاول ولا ضرب ميرفت موسى على وشها بالقلم
كل ماتحصل حاجة فى البلد الرئيس نايم ولا هو هنا وشاطر بس كل جمعة يلم فريق حراسات ويروح يصلى دة عبدالناصر كان بيصلى فى جامع جمب بيتة تقليللا للحراسات
والاخ العريان ال كل يوم يطلع شبة الاهطل يقول تصريحات وكلام ينرفز شوية يرجع اليهود وغيرة وغيرة ولا المرشد ال بيقول طظ فى مصر
ولا احكام القضاء ال على مزاجهم يهللوا ويكبروا وال مش على مزاجهم يبقى القضاء فاسد
وبقولك احترم القضاء وهو اول واحد يتحداها ومينفذهاش والادلة كتير
بالنسبة ل الاعلاميين اولا انا مسمعتش ابراهيم عيسى قال ال انت قولت علية دة ولو عندك حاجة ياريت تنزل فيديو هو بيقول فية الكلام دة ابراهيم عيسى انابشوفة بيستشهد بالقران والرسول والصحابة على طول
يوسف الحسينى معلش مش ماركسى ولا اى حاجة من دى يوسف من الثوار الاوائل وشاب محترم جدا وال انت نتعرفوش ان قناة 25 يناير الاخوانية عرضت علية يسيب اون تى فى ويروح يقد عندها برنامج اسبوعى بحوالى 2 مليون جنية ورفض
قناة اون تى فى مش بتاع ساويرس دى بتاع مستسمر تونسى
بالنسبة لعمرو اديب انا ليا علية بعض الاعتراضات لكن فى مواضيع بيتكلم فيها كويس
لميس حتى لو زى ما انت بتقول المهم بعد الثورة افكر بعقلى فى ال بتقولة واحكم علية وبصراحة بتتكلم بردة فى اخطاء للرئيس والحكومة فعلا اخطاء قاتلة وميتسكتش عليها
ولو بصينا لكل حاجة فبل الثورة مش هنمشى طيب ما الشيخ الجليل مصطفى اسماعيل كان قارئ الملك فاروق وام كلثوم كانت بتغنيلة وشوف عبدالناصر كرمهم وعمل معاهم اية بعدالثورة
دة مش مقياس
اخى الكريم الرك على ال ماسك العصاية من فوق يا تمشيها صح وبما يرضى الله محدش هيفتح بقة ومحدش هيتكلم عليك غلطة واحدة ي تمشى حسب الاهوا الحزبية والجماعة وساعتها هتلاقى طوفان من كل مكان
وبالنسبة للفلوس ياعم دة رزق يعنى ال شغالين فى قناة الاخوان م بياخدوش ملايين والشاطر ومالك وغيرهم وابن مرسى ال شغلة فى الطيران ب اكتر من 30 الف وهو لسة خارج وانا وانت بقالنا 12 سنة قاعدين
يلا ربنا يرفع عنا مانزل بنا
ويخلليلنا الارانب هى ال بتنفعنا لما بنجوع بناكلها
اتمنى لك التوفيق
علاء عبد الرازق
فيه حاجات كتير يا عبد السلام من اللي انت قولتها غير صحيحه وللأسف انت بتسمعها في القنوات الفضائيه ومبتفكرش حتي ان كانت صح ولا لأ ...
باسم يوسف انتقد المعونات اللي قطر بتديها لمصر وعمل اوبريت مخصوص لو شفته اسمه " قطري حبيبي " مبهدل فيه قطر ... يا اخي هو يعني الدوله الوحيده اللي في الخليج لما تمد لنا ايديها واحنا مزنوقين وتدينا من خيرها تستحق اننا نبهدلها بالشكل ده .. طيب فين السعوديه وفين الكويت والامارات وباقي الدول !! نهاجم اللي يساعدنا ونسكت عن اللي سايبنا نغرق !! واوعي تقولي قطر هتشتري قناة السويس احسن ازعل منك لو صدقت الكلام ده
وبخصوص الانجليزي وكلام الرئيس هو راجل بسيط يا اخي .. راجل بسيط من الشعب وبيتكلم بلغتنا .. ولما اتكلم انجيليزي قال البنزين والكحول لا يختلطان .. يعني مينفعش تسوق سيارتك وانت شارب كحول ودي كلمه دارجه بيقولوها الامريكان

وموضوع الاعلان الدستوري هو اتنازل والغاه ... ومتنساش ان المحكمه الدستوريه العليا اللي كل القضاه اللي فيها معينهم حسني مبارك ومراته كانوا هيحلوا مجلس الشوري كمان وكانوا هيبطلوا الانتخابات الرئاسيه وكنا هنرجع لنقطة ما قبل الصفر وكانت البلد مش مستحمله ...
موضوع جنودنا اللي ماتوا في رفح دي كانت مسئولية طنطاوي وعنان وشالهم فيها وقدر يمسك البلد كحاكم مدني وخلصنا من حكم الجيش اللي كان من ايام عبد الناصر
وال 13 الف اخواني اللي مسكوا في مفاصل الدوله وتقرير حزب النور ... رئيس حزب النور نفسه طلع كدب وقال انا مسلمتش الرئاسه اي تقارير فيها اسماء ولا وظائف ...
بالنسبه لقصر الاتحاديه .. ده رئيس منتخب وفيه 13 مليون بني ادم مصري منتخبينه .. لازم تحترم رأي الناس دي ... لما يتم اقتحام القصر الجمهوري ويموتوه تبقي ضاعت هيبة الدوله ومش هتقوم لنا قومه تاني ولولا نزول الاخوان لقصر الاتحاديه كان زمانا في دوامه كبيره مش عارفين نطلع منها ... وعلي فكره اللي ماتوا كلهم من الاخوان لان مكنش معاهم سلاح وانضرب عليهم بالخرطوش والرصاص الحي ومات منهم 10 .. الله يرحمهم
وموضوع ميرفت موسي ده ... البنت طالما خرجت من بيتها واتظاهرت واعتصمت وشتمت وقلت ادبها متقوليش بقي عيب متمدش ايدك عليها ... مينفعش يا باشا كل حاجه وليها حدود
ده اللي قدرت ارد عليك فيه لحد دلوقتي ... وعلي فكره انا معاك ان محمد مرسي ليه اخطاء كتير جدا وبينام عن حاجات كتير لازم ياخد فيها قرارات وانا نفسي بقعد اشتم واتضايق ... ولكن في الاخر كل واحد وليه اسلوبه وده رئيس لدوله كبيره مليانه مشاكل .. المفروض نساعد ونزق معاه مش نشتغل عكس اتجاهه علشان كلنا يا باشا في مركب واحده لو غرقت هتغرق بينا كلنا ....... معلش كان لازم ارد علي كلامك نقطه نقطه وانا عارف اني زهقتك .. ليلتك سعيده يا حاج bounce
أبو شبل
والله ياجماعه حواركم فى غاية الجمال ويدل على اننا ناس مثقفين
ربنا يلم شملنا ولا يفرقنا أبدا
عبدالسلام عزت
لا اخى الكريم علاء كلامك على دماغى من فوق
بس بردة حتى لو ال بتقولة صح هو مرسى المسئول فى ال بيحصل دة هو لازم يبقى عارف انة رمز ل بلد كبير لازم ياخد بالة من كل حرف بيقولة مينفعش نقول دة ابن بلد زينا
لازم يلم الشعب ويثبت انة كبير البلد وميحسسش حد انة رئيس ل جماعة معينة ومهمل فى باقى الطوائف
لو عمل كدة الناس هتشيلة على دماغها من فوق
لكن ل الاسف هو تصرفاتة وقرارتة بتخلى الناس دايما توقعة فى الغلط ودة مينفعش يبقى فى رئيس الجمهورية
بالنسبة ل الاعلان الدستورى هو لغاة صحيح بس اثارة لسة باقية والنائب العام اهة خد حكم ومش راضى ينفذة
كدة مينفعش حسنى مبارك كان مع كل ال بيعملة بس مكنش بيغلط غلاطات بسيطة زى دى تسقطة من عين الناس
وفى النهاية ربنا يهدى الجميع والبلد تقوم على رجلها
بالتوفيق
بلال
أميييييييييييييييييييييييييييييييييييين يارب العالمين
بلال
بكل صراحه ياجماعه
انا ضد الاخوان فى كل حاجه
مينفعش الاخوان تمسك البلد ( مش عشان هما اخوان )
بس البلد كبيره عليهم
سياستهم وفكرهم وتعصبهم لرأيهم أكبر غلط فى عالم السياسه
يعنى ممكن تلاقى واحد اخوان تكلمه فى موضوع ميعجبوش
يتكلم معاك بطريقه مش كويسه ويسيبك ويمشى
انا بتكلم على نماذج حصلت معايا
HOUSAMMI
علاء عبد الرازق كتب:
يا صاحبي انت بتنتقد اسلوب الاخوان الهادئ الظريف وبتقول انهم بيكفروا اللي مش سلفي ولا اخواني وانهم سيطروا علي عقول البسطاء ... علي فكره انا بكالوريوس تجاره دفعة 99 وشغال بقالي اكتر من 15 سنه في مجال الكمبيوتر ولله الحمد " أعتبرني بسيط "

اما اسلوب باسم اللي بتقول انه تطور من ايام بشار والاراجوز وتقديم الموقف بشكل فكاهي انا مش معترض عليه ... بس مينفعش نجيب " كلوت " وننشره ونقول كوميديا ومينفعش الالفاظ اللي بتتقال زي " مخصي " وشخير والكلام ده ... انت نفسك لو قاعد وفاتح التلفزيون وبتتفرج عليه وجنبك مراتك او بنتك هتتكسف وهتقلب القناه فورا

بسم الله

انا متفق معاك تماما ً فى هذا ومتاكد انه يخرج على النص فى كثير من الاحيان ،، بس التقييم العام ايه ؟؟؟؟

والموضوعات الى بيطرحها حقيقية ولا مختلقة ،،، بغض النظر عن اسلوب العرض


وعلي فكره ... " اقسم بالله اقسم بالله اقسم بالله انا مش اخواان ولا عمري انضميت ليهم ولا هنضم " انا انسان مسلم سني بصلي وبصوم وبعبد ربنا بعيدا عن اي اتجاهات سياسيه ..

انا برضة زيك بالضبط ويمكن بعيد اكتر منك على السياسة بس فيه مواقف وارء بتستفزنى وتخلينى لازم اكلم ،،، يعنى لما تدخل الجامع

بيت ربنا تلاقى الشيخ ،،، بيدعى على كل الفئات ماعدا الاخوان والسلفيين ،،، وتحس من صميم قبلك وات متاكد انه الشيخ بطيخة

لا يفقه شيئ فى اى حاجة يبقى لازم تضايق غاضب1 ،،، لما تلاقى ريئيس جمهورية مصر مش عارق يقول كلمتين على بعض وتفتكر السادات

وجمال يبقى لازم تضايق غاضب1 ،،،، لما تلاقى مافيش حاجة تتغير الا للاسوء يبقى لازم تضايق غاضب1 ،،، لما تلاقى دولة قطر المتقزمة دورها يتزايد

على حساب مصر ،، ولما رئيس مصر بيعمل علاقات مشبوهة مع ايران و حماس و قطر يبقى لازم تقف ادام المراية وتقول انا بتقلب

ياجماعة ، غاضب1 ،،،،،،،،،( ايه ده الرد حلو انا هعمله موضوع لوحده هههههههههه )


نيجي بقي للنقطه المهمه قوي ... انا شايف الهجوم علي الاخوان هو مجرد كره لأشخاص ... عاوزك بعد اذنك تقولي ايه اللي عملوه الاخوان من يوم ما نجحوا في مجلس الشعب اللي الدستوريه حلته والي الان .. وهنمسك نقطه نقطه ونتكلم فيها بكل حب وود وهدوووووووووووء :)

ههههه طيب تمام احنا كدة متفقين ايه الى عملوه الاخوان الا الان صفرررررررررررررررررررررررررررررررر

وعلى فكرة انا رشحت مرسى وكنت بدافع عنه حتى ادام اويا وامى وكل الى انا اعرفه

بس لازم تعترف ان احنا اخدنا صبونه كبيرة اوى تكفينا عن شراء الصابون طووووووووووووول العمر

بلال
احنا اتزمبقنا بأكبر زمبوقه فى حياتنا
وربنا يستر
HOUSAMMI
بلال كتب:
بكل صراحه ياجماعه
انا ضد الاخوان فى كل حاجه
مينفعش الاخوان تمسك البلد ( مش عشان هما اخوان )
بس البلد كبيره عليهم
سياستهم وفكرهم وتعصبهم لرأيهم أكبر غلط فى عالم السياسه
يعنى ممكن تلاقى واحد اخوان تكلمه فى موضوع ميعجبوش
يتكلم معاك بطريقه مش كويسه ويسيبك ويمشى
انا بتكلم على نماذج حصلت معايا



ماهو لو انت من جنس الاخوان ماكنش سابك ومشى cheers cheers cheers cheers

بس هو شايف انه من جنس ارقى ومايصحش يتناقش معاك bom bom bom
بلال
كلامك مظبوط فكرهم وتعصبهم لرأيهم
وحش وحش وحش جدا جدا جدا
عبدالسلام عزت
اتفق مع ا. بلال
علاء عبد الرازق
ايه ده انا لوحدي هنا والكل ضدي .... خلونا في الارانب احسن يا جودعان لماذا يكرة الاخوان باسم يوسف  960297
عبدالسلام عزت
اخى الكريم علاء محدش ضدك ولا حاجة انت على دماغنا بس المشكلة ان المشاكل ال بتحصل فى البلد وقلة خبرة وسوء الادارة هى السبب فى ان الناس خلاص بقت مش طايقة
علاء عبد الرازق
الله يكرمك يا أخ عبد السلام والله يعلم ربنا اني انا سعيد جدا بوجودي معاكو هنا في المنتدي وتبادل الخبرات ... وانا ولله الحمد اعلم جيدا ثقافة الحوار واعرف احترم رأي الأخر وتقديره لان الانسان الواعي المفروض يتعلم ويزود خبراته من كل شيء حوله حتي لو كان الشيء ده ضد تفكيره ... ربنا يديم الود يا باشا وتحيه كبيره للاخ حسام والاستاذ بلال ولكل الناس المحترمه اللي في المنتدي ... Very Happy
HOUSAMMI
علاء عبد الرازق كتب:
ايه ده انا لوحدي هنا والكل ضدي .... خلونا في الارانب احسن يا جودعان لماذا يكرة الاخوان باسم يوسف  960297



هههههههه لا ماتخافش

لو عمرو عقبة هنا

ودكتور ابراهيم

ماكنتش هتبقى لوحدك

انصار الاخوان كتير
العربي
والله كلامك صح يا اخ بلال انت لو جيت تعارض اي واحد اخواني بيكلمك علي انه فعلا اعلي منك تعالي شوفهم عندنا اول مادخلوا البرلمان كل اللي له معرفه وظفه في الحكومه والله في واحد عندنا ابنه بيمشي في الشارع زي الاهطل وما يعرف حاجه في اي حاجه اتفاجءت انه اتوظف وعيين كمان مراته ، هما بصراحه حاسين ان البلد دي بتاعتهم ،ما فيش فرق بينهم وبين الحزب الوطني
يعني راح حزب وطنى وجالنا
حريه وعداله وربنا يسترها بقي
بلال
ربنا يستر
بس هما مش هيطولو فيها بأمر الله ( لعدم الخبره وكمان عدم الاداره )
بليغ حمدى
بسم الله
فى معلومة بس قالها الاستاذ علاء غير دقيقة وهى ان المعتصمين اللى لا يتجاوز عددهم 30 واحد كانوا ناويين يقتلوا الرئيس ويقتحموا القصر دا مش منطقى اصلا ولا دليل عليه والاهم ان كل اللى مات كان اخوان هذا اكبر دليل انهم مش كويسين لانهم كذبوا بشكل فادح واعلم يا اخى ان من بين اللى مات واحد مسيحى فهل هذا اخوان ؟ وابو ضيف الصحفى كان اخوان ؟ والنيابة نفسها ذكرت ان الاخوان كانوا 2 والباقى مش اخوان والنقطة الاخيرة ان الاخوان مكنوش مسلحين ولن اقول لك انظر للفيديوهات التى صورتهم بالسلاح لكن ارجع لخبر القبض على 4 اخوان معهم سلاح فى سيارتهم والنيابة تحقق معهم
احذر اخى من تضليلهم وحكم العقل فى اى معلومة حتى لا تنخدع من احد
بلال
ياباشمهندس بليغ
الاخوان عباره عن رئيس الحماعه او بعنى اصح المرشد بيقول حاجه ايان كانت صح او غلط
الناس اللى فى الجماعه بيقولو وراه أمييييييييين
من غير حتى ما يدوا لنفسهم فرصه يفكروا فى الموضوع
والمشكله الاكبر انهم يكون مصممين على حاجه هما نفسهم مش عارفين قيادات الاخوان قالو عليها صح ليه
وكلامى موجه للشباب اللى لسه فى سنى
power_settings_newقم بتسجيل الدخول للرد
remove_circleمواضيع مماثلة
privacy_tip صلاحيات هذا المنتدى:
لاتستطيع الرد على المواضيع في هذا المنتدى