منتدى الأرانب للجميع
مشروع الارانب فى ظل ارتفاع العلف وانخاض السعر والطلب  343215

أهلا وسهلا بك زائرنا الكريم ، في منتديات الأرانب للجميع .
المرجو منك أن تقوم بتسجـيل الدخول لتقوم بالمشاركة معنا. إن لم يكن لـديك حساب بعـد ، نتشرف بدعوتك لإنشائه بالتسجيل لديـنا . سنكون سعـداء جدا بانضمامك الي اسرة المنتدى . مع تحيات الإدارة

مشروع الارانب فى ظل ارتفاع العلف وانخاض السعر والطلب  Rabbit10


منتدى الأرانب للجميع
مشروع الارانب فى ظل ارتفاع العلف وانخاض السعر والطلب  343215

أهلا وسهلا بك زائرنا الكريم ، في منتديات الأرانب للجميع .
المرجو منك أن تقوم بتسجـيل الدخول لتقوم بالمشاركة معنا. إن لم يكن لـديك حساب بعـد ، نتشرف بدعوتك لإنشائه بالتسجيل لديـنا . سنكون سعـداء جدا بانضمامك الي اسرة المنتدى . مع تحيات الإدارة

مشروع الارانب فى ظل ارتفاع العلف وانخاض السعر والطلب  Rabbit10

منتدى الأرانب للجميع
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

منتدى الأرانب للجميع دخول

أول منتدى عربى رائد في مجال تربية الأرانب ومستلزماتها ... يضم صفوة خبراء المجال ويعتبر الوجهة الأولى لمربي الأرانب فى العالم العربي ، حيث يساعد أصحاب الأرانب والحيوانات بأمورتربيتها ورعايتها وكيفية التعامل معها ، تجد به أيضا كل ما يهمك عن الزراعة وتربية


مشروع الارانب فى ظل ارتفاع العلف وانخاض السعر والطلب

power_settings_newقم بتسجيل الدخول للرد

pollمشروع الارانب فى ظل ارتفاع العلف وانخاض السعر والطلب

المشروع بيكسب الحمد لله
14
15%
المشروع لا يحقق ربح او خسارة
26
28%
المشروع خاسر فى ظل ارتفاع العلف وانخفاض السعر
26
28%
لا اعلم
26
28%
مجموع عدد الأصوات:
92

25062011
مشروع الارانب فى ظل ارتفاع العلف وانخاض السعر والطلب

مشروع الارانب فى ظل ارتفاع العلف وانخاض السعر والطلب

سعر طن العلف الان 2750-2800-3000 ومع انخفاض اسعار الارانب وانخفاض الطلب عليها ايضا


ما قوة مشروع الارانب لديك ؟؟؟ بمعنى اخر مازل هناك مكسب يشجع على الاستمرار او الموضوع مش جايب همه ،، او نزيف الخسارة بدء مع الثورة ومازالت المشروعات تدمى

ارجو الا تبخلوا بما لديكم وبالبرد على الاستفتاء

تعاليق

masrawaya
أنا طبعا مقدرش احكم على قوة المشروع حيث اني لسه بدأة فيه بس انا شارية العلف من شهر واحد 2200 الطن و مش عارفة انه غلي كده
tarkaan1975
على ما اسمع ان العلف وصل فعلا 3000 جنيه بعد الثورة
و لكنه رجع لقواعده من فترة و في حدود 2300 جنيه
والله اعلى و اعلم
و يا ريت حد من الاخوة الموزعين يفيدنا برضه ؟
ام عمر
المشروuع حاليا محلك سر تقريبا بيقضى مصاريفة وربنا يستر والازمة دىتعدى


عدل سابقا من قبل ام عمر في الإثنين يونيو 27, 2011 12:56 am عدل 1 مرات
fahd3650
المشروع بيلم اللى بتصرفة وبتتعب لوجة الله الكريم
لولا انى بحب اتفرج على الأرانب كنت صفيت
محمد الروبي
يا ا/حسام السوال ده في الصيف الكل هايقول مش جايب همه وبعدين افضل شي انك توصل الانتاج لحد
محل الفراخ فيه حوالي 3 ج فرق في الكيلو
وبعدين انا شايف الاخوه بيصرفو كتير في العلاج
HOUSAMMI
محمد الروبي كتب:
يا ا/حسام السوال ده في الصيف الكل هايقول مش جايب همه وبعدين افضل شي انك توصل الانتاج لحد
محل الفراخ فيه حوالي 3 ج فرق في الكيلو
وبعدين انا شايف الاخوه بيصرفو كتير في العلاج


اخى محمد انا لم اقصد صيفا ولا شتاءً تحديدا وانما بصفة عامة يعنى انتاجية السنة مربحة ام خاسرة

تقصد العلاج كعلاج ام اضافات المياة من فيتامنيات واملاح

حكاية الفرارجى دى جربتها شوية ومش نفعت معاية ؟؟؟ عشان كدة ماقدرش احكم عليها

اهم حاجة انت صوت ولا لا ؟
swissmc
مشكوووووووووووووووووووووووووور
oso
من راي المتواضع
لو المزرعة من النوع المغلق والمكيف اكيد حتكسب لانك طول السنة بتنتج
ولو العلف بتشترية وانت اللي مركبة مش جاهز..اكيد حتكسب
لو الحتة اللي انت فيها ممكن تسوق للفرارجية او تبيع قطاعي للاهالي ...اكيد حتكسب
اجمع دول كلهم لو انت حققت نصفهم حتكسب
اقل من كدة يبقي تخسر او يدوب تجيب حقها
أبــو أدهــم
المشروع يا دوب جايب همه ... لأن العلف غالى والسعر منخفض لكيلو الأرنب

يا جماعة الخير ضرب السياحة أثر بشكل سلبى واضح على اسعار الأرانب لأن الطلب عليها قل جداً
أبــو أدهــم
المشروع يا دوب جايب همه ... لأن العلف غالى والسعر منخفض لكيلو الأرنب

يا جماعة الخير ضرب السياحة أثر بشكل سلبى واضح على اسعار الأرانب لأن الطلب عليها قل جداً
محمد الروبي
انا عايز اسمع رايك ياعم حسام
HOUSAMMI
oso كتب:
من راي المتواضع
لو المزرعة من النوع المغلق والمكيف اكيد حتكسب لانك طول السنة بتنتج
ولو العلف بتشترية وانت اللي مركبة مش جاهز..اكيد حتكسب
لو الحتة اللي انت فيها ممكن تسوق للفرارجية او تبيع قطاعي للاهالي ...اكيد حتكسب
اجمع دول كلهم لو انت حققت نصفهم حتكسب
اقل من كدة يبقي تخسر او يدوب تجيب حقها



م / اسامة كل المزارع فى مصر مش مغلقة الا مارحم ربى واقصد بالغلق هنا الغلق الكامل يعنى التحكم فى درجة الحرارة العنبر

كمان معظم الناس بتشترى علف المصانع

عملية التوزيع مش سهلة مع الانتاج يعنى اما توزع واما تنتج ولا اقصد بطبيعة الحال المزرعة الصغيرة اقصد المزرعة ذات الحجم المعقول ،، يعنى

حسب رايك احتمال الخسارة هو الاقرب




الجزار1 كتب:
المشروع يا دوب جايب همه ... لأن العلف غالى والسعر منخفض لكيلو الأرنب

يا جماعة الخير ضرب السياحة أثر بشكل سلبى واضح على اسعار الأرانب لأن الطلب عليها قل جداً


الجزار1 كتب:
المشروع يا دوب جايب همه ... لأن العلف غالى والسعر منخفض لكيلو الأرنب

يا جماعة الخير ضرب السياحة أثر بشكل سلبى واضح على اسعار الأرانب لأن الطلب عليها قل جداً


الطلب على الارانب يخضع الى فئة خاصة جدا فى مصر وهم المرضى والسياح والفنادق قليل اوى من الناس الى يقول انا رايح اشترى ارنب

كله نازل على الفراخ واللحمة




محمد الروبي كتب:
انا عايز اسمع رايك ياعم حسام



الى محمد الروبى :

الحقيقة ان تجربتى مع الارانب تجربة قاصية جدا وبصراحة شديدة جدا وكلامى هنا منصب على المشروع الاقتصادى مش انك بتعمله جنب شغلك

لا ،، يعنى قاعد ومتفرغ له يعنى فيه كل صفات المشروع التجارى ،،، هتلاقى ايه بقى

،،، قلة العمالة المدربة الامينة

،، قلة الامانة فى كل موردى الخدمات وطال ذلك نسبة عظيمة من المهندسين وكبار التجار تلاقى الواحد داخل عليك وعلامة الصلاة فى وشة اد كدة

وعلامات الغنى ايضا مما ينفى فى قلبك كل موانع الشك ان ده حرامى وبعد كام شهر من الخسارة تعرف انه ورد لك زبالة الزبالة

ناهيك اخى عن العلف وردائته

ناهيك اخى ،، ان السوق مش فى ايدك ولا يخضع الى ميزان العرض والطلب ده مزاج التاجر والفرارجى يعنى مالوش بورصة كل حاجة بتغلى

غير سعر البيع ،،،

اختصار ا كل عوامل الانتاج والبيع رديئة ،،،، اخبرنى بربك فمن ياتى الربح ،،، اقسم بالله العظيم ان هذا ليس براى ولكن عن تجربة واقعية

بس الصحيح والعبارة الى دايما بكررها الارانب زى المخدرات الى رباه مرة لازم يرجع لها تانى


محمد الروبي
انا هاقعد معاك انت واي حد واقوك ازاي تكسب
أبــو أدهــم
محمد الروبي كتب:
انا هاقعد معاك انت واي حد واقوك ازاي تكسب


قووووووووووووووووووووووووول
عمرو عقبه
بالورقه والقلم أنا الشهر ده كسب معايا - مع انه لسه مخلصش - بالظبط 58.5 جنيه.. مع ان عندى 8 أمهات فى الانتاج وبحط دشيش وعيش على العلف.. وبصنع بوكسى بنفسى بتكاليف منخفضه.. وببيع بسعر الحمد لله كويس للفرارجى.. ووالله فى شهور بدفع من جيبى..
وأقول ياترى بتوع المزارع بيعملوا إيه؟؟؟؟
بس زى ما قال أخونا حسام..
الموضوع عامل زى الادمان ..
لا دا هوه ادمااااااااااااااااااااااااااااااااااااااااااان..
إدمان إنك تقعد فى وسطهم..
إدمان أنك تمسك أرنبه تحطه على رجلك وتمشى إيدك على شعره..
ربنا يكون فى عون أصحاب المزارع والسلام..

عمرو عقبه
والله يا روبى لو كتبت لينا 1 - 2 - 3 .... نعمل ايه يبقا كتر الف خيرك
محمد الروبي
هافتح مناقشه
oso
في الانتظار
waitting
avatar
الأخوة الأفاضل

انا عندي النية اني اشتغل في الأرانب وأعمل مزرعة ومش عارف الوقت مناسب ولا لألأ
علما بأني كنت بأربي الأرانب بكمية صغيرة 20 أم بس تركتها من سنتين لظروف سفري
هل اتوكل علي الله وأبدأ التنفيذ ولا أنتظر شوية
أرجو من لديه أي معلومات مفيده ألا يبخل علينا بها
جمعه احمد حمدى
قول علشان انا لسه عايز أعمل مشروع ده فا ايه رايكم
اشرف عماره
الاخوه المحترمين
لمن يريد عمل مزرعه كبيره تحياتى
انا واحد من اعضاء المنتدى وكنت مربى ارانب فى بيتى من2007كان مزرعه صغيره 40ام
وكانت ممتازه لانى باشتغل بنفسى وفى بيتى ولا ايجار ولا عماله وانا المهتم والمتابع والدخل كان ممتاز ابيع بعشره اصرف خمسه وادخر خمسه يعنى مصروفات العلف والعلاج النص والربح النص
حبيت ابدء من جديد اجرت عنبر 500 متر وعملت مزرعه نموزجيه فعلا
من شهر8|2011 والى الان ما يحدث انى مش ملاحق على مصاريف العلف والادويه والعماله يعنى باختصار انا موظف لمصنع العلف ويادوب اقدر ادفع مرتبات وممكن مابيكفيش
الخلاصه ونصيحه امينه لمن يريد التجربه
اذا كان فى ملكك وانت الوحيد ال هاتتابع والعدد لايتجاوز 50 ام انت كسبان
تطمع وتحاول تتهور زيى هاتتبهدل
avatar
مشروع الأرنب اعتبره من المشاريع الجيدة والمربحة بس هى العملية عايزة شوية تظبيط بين الدخل وامصروف مع الأخذ بالأسباب كاملة من تغذية ونظافة واشراف بيطرى ......وربنا يوفق الجميع
ahmed khafagy
مع أن تعليقات حضراتكم أفادتني جدا في فهم الصوره ولكن ارجو ان تسمحو لي أن أطلب من الأخوه ال بيربو ارانب حاليا سواء كان بيكسب او بيخسر انو يدينا ارقام عمليه
وحتي لو بتخسر لازم تحلل خسارتك وتعرف هي جايه منيين
الاول لازم تعرف مشروع ناجح فنيا والا لا بمعني هل أمهات الارانب عندك تنتج العدد المناسب بما ينفي عملية النقص الفني في الانتاج وبعد كده تحلل ارقامك ال لازم تكون مسجله وبدقة شديده عشان تعرف وتعرف الناس ال ذيي الخساره جايه منيين
تحياتي للجميع
أبو شبل
والله ياجماعه انا مش بحسب لها بس انا بكبر مشروعى منه فيه وبطلع من الفطام عندى امهات للتربيه واللى ببيعه بجيب بيه علف وبحاول ادخر اى حاجه عشان اجيب بطاريات وكل فين وفين لما بقدر اوفر منهم اى حاجه وطبعا مش هنتكلم على فترة الصيف لانى بدفع من جيبى فيها وعلى فكره طن العلف دلوقتى 2700 جنيه تركيبه مزرعه وسعر الارانب من اسبوع 18 جنيه
power_settings_newقم بتسجيل الدخول للرد
remove_circleمواضيع مماثلة
privacy_tip صلاحيات هذا المنتدى:
لاتستطيع الرد على المواضيع في هذا المنتدى