منتدى الأرانب للجميع
 - كيفية التعامل مع الإناث الرافضه للتلقيح حصريا على منتدى الأرانب للجميع  343215

أهلا وسهلا بك زائرنا الكريم ، في منتديات الأرانب للجميع .
المرجو منك أن تقوم بتسجـيل الدخول لتقوم بالمشاركة معنا. إن لم يكن لـديك حساب بعـد ، نتشرف بدعوتك لإنشائه بالتسجيل لديـنا . سنكون سعـداء جدا بانضمامك الي اسرة المنتدى . مع تحيات الإدارة

 - كيفية التعامل مع الإناث الرافضه للتلقيح حصريا على منتدى الأرانب للجميع  Rabbit10


منتدى الأرانب للجميع
 - كيفية التعامل مع الإناث الرافضه للتلقيح حصريا على منتدى الأرانب للجميع  343215

أهلا وسهلا بك زائرنا الكريم ، في منتديات الأرانب للجميع .
المرجو منك أن تقوم بتسجـيل الدخول لتقوم بالمشاركة معنا. إن لم يكن لـديك حساب بعـد ، نتشرف بدعوتك لإنشائه بالتسجيل لديـنا . سنكون سعـداء جدا بانضمامك الي اسرة المنتدى . مع تحيات الإدارة

 - كيفية التعامل مع الإناث الرافضه للتلقيح حصريا على منتدى الأرانب للجميع  Rabbit10

منتدى الأرانب للجميع
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

منتدى الأرانب للجميع دخول

أول منتدى عربى رائد في مجال تربية الأرانب ومستلزماتها ... يضم صفوة خبراء المجال ويعتبر الوجهة الأولى لمربي الأرانب فى العالم العربي ، حيث يساعد أصحاب الأرانب والحيوانات بأمورتربيتها ورعايتها وكيفية التعامل معها ، تجد به أيضا كل ما يهمك عن الزراعة وتربية


كيفية التعامل مع الإناث الرافضه للتلقيح حصريا على منتدى الأرانب للجميع

power_settings_newقم بتسجيل الدخول للرد

06122011
كيفية التعامل مع الإناث الرافضه للتلقيح حصريا على منتدى الأرانب للجميع

السلام عليكم ورحمه الله وبركاته

من ضمن أسباب رفض الأنثى للتلقيح الأسباب التاليه
1ـ حداثه سن الأنثى ونقص نمو الأعضاء التناسليه عندها
2ـ وجود إلتهابات فى المبايض أو الرحم أو عنق الرحم
3ـ ارتفاع درجه الحراره فى الصيف وهذا يجعل الأنثى أقل رغبه فى التلقيح
4ـ تربيه الذكور مع الإناث فى جماعات وليس فى أقفاص متفرده والمهندسبن بينصحوا
إن تربيه الإناث من الممكن (فى حالات الضروره) تربيتها فى جماعات مع مراعاه وجود أماكن للولاده بنفس عدد الإناث
يعنى لوعندك 5 إناث على الأرض لازم يكون موجود فى نفس المكان خمس أماكن للولاده أما الذكور فالأفضل أن يكون
كل ذكر فى قفص منفرد لزياده ترغيب الأنثى فى الذكر
5ـ من الممكن أن يكون الخوف سبب رئيسى فى عدم قبول الأنثى للتلقيح حتى لو كانت الأنثى قديمه
وولدت أكثر من مره لأن وقتها بيكون الخوف سبب عارض
زى ما يكون فى عند الجيران فرح والدى جى شغال طول الليل ممكن تيجى تلقح الأنثى بالليل تلاقيها رافضه التلقيح
رغم إن عمرها ما رفضت ـ فقط هو الخوف من الحاجه الجديده اللى أول مره تتعرض ليها هو اللى سبب ليها ده
طيب لو النثى لا خايفه ولا صغيره فى السن ولا مريضه ولا عندها أى حاجه ممكن تخليها ترفض التلقيح
وكمان هانفترض انك نزلتها لذكر مدرب وجاهز

[ندعوك للتسجيل في المنتدى أو التعريف بنفسك لمعاينة هذا الرابط]
وإن القفص مستدير وليس مربع حتى لا تلصق مؤخرتها بركن القفص
زى الأقفاص دى
 - كيفية التعامل مع الإناث الرافضه للتلقيح حصريا على منتدى الأرانب للجميع  372469737
ورغم كل ده رافضه التلقيح وده طبعا دلع سخيف إحنا مش محتاجينه طيب نتصرف إزاى
كتير من المربين الخبره فى التربيه بيستعملوا الأستك فى تلقيح الإجبارى
أستك عادى جدا زى بتاع البيجامات موجود عند أى عطار وفى الأسواق
و بيستعملوه بإنهم يربطوا ذيل الأنثى بالأستك ويشدوا الذيل من أعلى الأرنبه وبنفس اليد الممسكه للأستك
يتم إمساك الأرنبه من الأذنين مع جزء من فراء خلف الرقبه واليد الأخرى بيتم حمل الأرنبه بها وتقديمها للذكر
من فتحه جانبيه للقفص أو بيشيلفوا العلافه ويدخلوا الأنثى من مكان العلافه مع رفع مؤخره الأرنبه قليلا
لإعطاء فرصه للذكر أن يقوم بالتلقيح
لكن بيقابلهم مشكلتين
الأولى ممكن يكون الذكر بيرفض الأنثى المربوطه ويبقى كده ماعملناش حاجه
والمشكله الثانيه ممكن الذكر يطلع بأظافره على إيدك ويخربشك وانت أكيد مش محتاج تتخربش
أو حتى يتعمد يخربشك علشان تترك الأنثى
والحل مع الأنثى اللى بتتدلع الدلع السخيف ده هو برضه الأستك بس الإختلاف فى طريقه استخدامه
بدل ما تمسك الأرنبه بالأستك بالطريقه دى هانعمل طريقه أخرى
1 ـ نقوم بربط الأستك لتكوين حلقه كامله به (دايره)
2ـ طرف الدائره يتم تثبيته فى ذيل الأنثى ليس بالربط وإنما نعملها (شنيطه)
ووصفها انك تطبق الأستك المعمول دائره وتيجى على الطرف المتنى و تثنيه على نفسه مره أخرى لكن بعكس تطبيقه الأستك الأولى وبعد شد الأستك والتأكد من ثباته فى ذيل الأنثى
نأتى للطرف الثانى من الأستك نثبته على ظهر الأنثى بحيث تدخل كل قدم من الأقدام الأماميه للأرنبه بجانب من الدائره
ويتصل الجانبين من الأعلى خلف رقبه الأنثى
يعنى كأنك بتلبسها شنطه المدرسه
والنتيجه هى أنثى (متكتفه) من كل ناحيه وذيلها مرفوع وقابله للتلقيح حتى لو كانت رافضه
ومجرد ما تنزل للذكر بيعتليها على طول
بس المهم لو انت فى الظروف العاديه بتقدم الأنثى للذكر مرتين فى ظروف التلقيح الإجبارى قدمها للذكر 4 مرات
مثلا مرتين بعد الفجر ومرتين فى العشاء أو ثانى يوم مثلا لأن نتيجه التلقيح الإجبارى هى 50 % كما يؤكد الكثير من المربين والخبراء
يا رب أكون قدرت أوصل المعلومه


قبل أى شئ أنا متأسف جدا جدا جدا على التأخير فى موضوع الصور
ويارب تكون الصور واضحه ومبينه الأمر بسهوله

صوره ـ 1
طبعا لأنى مش اعرف اوضل الأمر على ذيل الأرنبه فاستعملت قلم واعتبروا القلم هو الذيل
وده شكل الأستك المربوط على القلم (ذيل الأرنبه)

 - كيفية التعامل مع الإناث الرافضه للتلقيح حصريا على منتدى الأرانب للجميع  961459041

صوره ـ 2
وده شكل الأرنبه وهى مربوط فيها الأستك واللى مايعرفش الربطه دى بتتعمل ازاى مش مهم
المهم انك تربط الأستك فى الذيل بأى ربطه تعرفها ويكون الأستك بنفس الشكل الدائرى اللى فى الصوره


 - كيفية التعامل مع الإناث الرافضه للتلقيح حصريا على منتدى الأرانب للجميع  481211471

صوره ـ 3
ده شكل الأرنبه من الأعلى وهى ملفوف الأستك حواليها الأجناب باينه وواضحه
والأستك من على الظهر أنا رافعه بإيدى علشان يبقى واضح فى الصوره
زى ماقلنا كأنها بتلبسها شنطه المدرسه


 - كيفية التعامل مع الإناث الرافضه للتلقيح حصريا على منتدى الأرانب للجميع  749824974

صوره ـ 4
ده شكل الأرنبه من الخلف ـ الوضع اللى بتنزل بيه للذكر ذيلها مرفوع ومشدود للأعلى
من غير ما تمسكها بإيدك وبفضل الله الذكر بيلقحها على طووووووووول
ونأسف على التأخير مره تانيه وعلى عدم جوده الصور
بكره ربنا يكرم بموبايل احسن من كده


 - كيفية التعامل مع الإناث الرافضه للتلقيح حصريا على منتدى الأرانب للجميع  885888323


عدل سابقا من قبل M.Tawela في الخميس نوفمبر 29, 2012 4:03 pm عدل 2 مرات (السبب : تعديل العنوان والتثبيت)

تعاليق

احمد عرابي
الف شكر ع المعلومة دي
بس لو في صورة لطريقة التكتيف دي تبقى كملت جميلك علينا
oso
وبالنسبة لاختلال مكونات العليقة
وفشل في تمثيل الفوسفور في الجسم؟؟
محمد طويله
احمد عرابي كتب:
الف شكر ع المعلومة دي
بس لو في صورة لطريقة التكتيف دي تبقى كملت جميلك علينا



والله كن عايز أعمل صور يا أحمد
بس للأسف الأيام دى مش عندى ولا أرنب أنا صفيت المشروع
بسبب مشغوليتى فى المبانى
والحمد لله المبانى خلصت على كل الفلوس اللى معايا وهى لسه ما خلصتش
وشكلها كده والله أعلم هابدأ من تحت الصفر مره تانيه ده لو عرفت أوصل للصفر أصلا
بس مش مشكله أنا راضى وبحمد ربنا على اللى أنا فيه سواء كتير أو قليل
بإذن الله أول ما يتوفر قدامى أى أرنب إن شاء الله هاعمل صور للموضوع
محمد طويله
oso كتب:
وبالنسبة لاختلال مكونات العليقة
وفشل في تمثيل الفوسفور في الجسم؟؟


إختلال مكونات العليقه والفشل فى تمثيل الفسفور
ده سبب للعقم عند الإناث وليس سبب لرفض التلقيح
يعنى ممكن تقبل التلقيح بس العليقه غير متوازنه فيكون التبويض
عند الأنثى شبه معدوموده اسمه عقم مؤقت يزول بزوال المسبب
يعنى لو اتعالجت بتشتغل تمام وزى الفل ولو اتعالجت وماشتغلتش تبقى عاقر وتستبعد


ولازم نفرق يا جماعه بين العقم وبين رفض التلقيح

العقم / هو عدم القدره على الحمل لأى سبب كان
رفض التلقيح / هو رفض الأنثى للذكر أى لا تسمح للذكر بأن يعتليها للقيام بالتلقيح
أبــو أدهــم
حلوة طريقة التكتيف دى يا محمد

لكن أنا بفضل إنى أفتش فى الأنثى الرافضة للذكر ، وبالتأكيد هلاقى فيها مشكلة ، وبعلاج المشكلة هتسمح للذكر بالقيام بواجبه بشكل طبيعى.

ده طبعاً لا يقلل من شأن فكرتك

تقبل التحية
oso
شكرا علي التوضيح
محمد طويله
الجزار1 كتب:
حلوة طريقة التكتيف دى يا محمد

لكن أنا بفضل إنى أفتش فى الأنثى الرافضة للذكر ، وبالتأكيد هلاقى فيها مشكلة ، وبعلاج المشكلة هتسمح للذكر بالقيام بواجبه بشكل طبيعى.

ده طبعاً لا يقلل من شأن فكرتك

تقبل التحية


شكرا ليك أخى الكريم
بس لو راجعت الموضوع هتلاقى إنى كاتب إن عمليه التكتيف بالطريقه دى
لا نلجأ إليها إلا فى حاله إن الأنثى سليمه ومافيهاش أى عارض يمنع التلقيح
ورغم ذلك ( بتتدلع دلع سخيف وبترفض التلقيح)
وقتها بس يتم اللجوء إلى التلقيح بهذه الطريقه
يعنى بنراجع على الأنثى أولا ولو مش فيها أى مانع يمنع التلقيح
بنشوف موضوع الأستك
محمد طويله
oso كتب:
شكرا علي التوضيح


العفو ـ تحت أمرك
عمرو عقبه
الله ينور يا عبقرينو..
والله أنا لسه عامل موضوع الفتله النهارده (اصلى بربط ديلها بفتله مش أستك) وفعلا مش لاقى فيها أى عيب ظاهر الارنبه زى الفل.. حتى المهبل لونه أحمر حتى مش ابيض..
المهم..
مشكور وفى انتظار المزيد..
وجميله فكرة (ألبسها شنطة المدرسه)..
ابو علوه
جزاك الله الف خير
تسلم ايدك
ودماغك
احمد عرابي
هم كل بتوع الشرقية مصفيين علشان المباني زيي ولا ايه
ع العموم ربنا يعينك ويعيني انا كمان و نبتدي مع الارانب سوا ان شاء الله من تاني
محمد طويله
عمرو عقبه كتب:
الله ينور يا عبقرينو..
والله أنا لسه عامل موضوع الفتله النهارده (اصلى بربط ديلها بفتله مش أستك) وفعلا مش لاقى فيها أى عيب ظاهر الارنبه زى الفل.. حتى المهبل لونه أحمر حتى مش ابيض..
المهم..
مشكور وفى انتظار المزيد..
وجميله فكرة (ألبسها شنطة المدرسه)..


تحت أمرك يا عمرو ويا رب تكون الفكره واضحه
أنا تعبت كتير علشان ألاقى ألفاظ تشرح الوضع
ولو عندى أى أرنب كنت نزلت ليه صوره أسهل


عدل سابقا من قبل M.Tawela في الخميس ديسمبر 08, 2011 12:06 pm عدل 1 مرات
محمد طويله
ابو علوه كتب:
جزاك الله الف خير
تسلم ايدك
ودماغك


أى خدمه يا علاء
محمد طويله
احمد عرابي كتب:
هم كل بتوع الشرقية مصفيين علشان المباني زيي ولا ايه
ع العموم ربنا يعينك ويعيني انا كمان و نبتدي مع الارانب سوا ان شاء الله من تاني


إنت كمان بتبنى !! وفلوسك خلصت زيى ولا لسه ؟
الحمد لله أنا الآن مديون وعلى الله السداد
ولو ناوى تبدأ تانى ربنا يعينك ويقويك
ويا ريت تدعيلى فى المحنه اللى أنا فيها
ميدو روسيا
تسلم يا باشا
mrehab.aboziad
ممكن تحطلنا صورة للأم وهيا متكتفة بالطريقة اللي قلت عليها علشان تكون الفكرة أوضح
بس يا ريت تكون الصورة باينة بشكل كامل وواضحة
محمد طويله
حاضر
قريب إن شاء الله
وأنا أعتذر لأخى أحمد عرابى لأنه وعدته أن أنزل الصوره وقت أن تتوافر عندى الأرانب
ولم أفعل حتى الان ـ معلش ياحمد
ملحوقه
hassan77707
جزاك الله خيرا
محمد طويله
قبل أى شئ أنا متأسف جدا جدا جدا على التأخير فى موضوع الصور
ويارب تكون الصور واضحه ومبينه الأمر بسهوله

صوره ـ 1
طبعا لأنى مش اعرف اوضل الأمر على ذيل الأرنبه فاستعملت قلم واعتبروا القلم هو الذيل
وده شكل الأستك المربوط على القلم (ذيل الأرنبه)

 - كيفية التعامل مع الإناث الرافضه للتلقيح حصريا على منتدى الأرانب للجميع  961459041

صوره ـ 2
وده شكل الأرنبه وهى مربوط فيها الأستك واللى مايعرفش الربطه دى بتتعمل ازاى مش مهم
المهم انك تربط الأستك فى الذيل بأى ربطه تعرفها ويكون الأستك بنفس الشكل الدائرى اللى فى الصوره


 - كيفية التعامل مع الإناث الرافضه للتلقيح حصريا على منتدى الأرانب للجميع  481211471

صوره ـ 3
ده شكل الأرنبه من الأعلى وهى ملفوف الأستك حواليها الأجناب باينه وواضحه
والأستك من على الظهر أنا رافعه بإيدى علشان يبقى واضح فى الصوره
زى ماقلنا كأنها بتلبسها شنطه المدرسه


 - كيفية التعامل مع الإناث الرافضه للتلقيح حصريا على منتدى الأرانب للجميع  749824974

صوره ـ 4
ده شكل الأرنبه من الخلف ـ الوضع اللى بتنزل بيه للذكر ذيلها مرفوع ومشدود للأعلى
من غير ما تمسكها بإيدك وبفضل الله الذكر بيلقحها على طووووووووول
ونأسف على التأخير مره تانيه وعلى عدم جوده الصور
بكره ربنا يكرم بموبايل احسن من كده


 - كيفية التعامل مع الإناث الرافضه للتلقيح حصريا على منتدى الأرانب للجميع  885888323
m.allii2
فنان يا استاذ محمد
محمد طويله
الله يصلح حالك يا رب
شكرا على الإطراء
ام عمار ياسر
سلمت يداك
بارك الله فيك اخى محمد وجزاك الله خير
الصور واضحة وزى الفل
بلال
عندى الامهات رافضه التلقيح بصوره وحشه مع الرغم انهم بصحه جيده
بلال
عاوز حل فعلى وسريع للمشكله وجربت كل الحلول ممكن حد يساعدنى
power_settings_newقم بتسجيل الدخول للرد
privacy_tip صلاحيات هذا المنتدى:
لاتستطيع الرد على المواضيع في هذا المنتدى