منتدى الأرانب للجميع
 - شفاط لكل عشه ولاده حصريا على منتدى الأرانب للجميع  - صفحة 2 343215

أهلا وسهلا بك زائرنا الكريم ، في منتديات الأرانب للجميع .
المرجو منك أن تقوم بتسجـيل الدخول لتقوم بالمشاركة معنا. إن لم يكن لـديك حساب بعـد ، نتشرف بدعوتك لإنشائه بالتسجيل لديـنا . سنكون سعـداء جدا بانضمامك الي اسرة المنتدى . مع تحيات الإدارة

 - شفاط لكل عشه ولاده حصريا على منتدى الأرانب للجميع  - صفحة 2 Rabbit10


منتدى الأرانب للجميع
 - شفاط لكل عشه ولاده حصريا على منتدى الأرانب للجميع  - صفحة 2 343215

أهلا وسهلا بك زائرنا الكريم ، في منتديات الأرانب للجميع .
المرجو منك أن تقوم بتسجـيل الدخول لتقوم بالمشاركة معنا. إن لم يكن لـديك حساب بعـد ، نتشرف بدعوتك لإنشائه بالتسجيل لديـنا . سنكون سعـداء جدا بانضمامك الي اسرة المنتدى . مع تحيات الإدارة

 - شفاط لكل عشه ولاده حصريا على منتدى الأرانب للجميع  - صفحة 2 Rabbit10

منتدى الأرانب للجميع
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

منتدى الأرانب للجميع دخول

أول منتدى عربى رائد في مجال تربية الأرانب ومستلزماتها ... يضم صفوة خبراء المجال ويعتبر الوجهة الأولى لمربي الأرانب فى العالم العربي ، حيث يساعد أصحاب الأرانب والحيوانات بأمورتربيتها ورعايتها وكيفية التعامل معها ، تجد به أيضا كل ما يهمك عن الزراعة وتربية


شفاط لكل عشه ولاده حصريا على منتدى الأرانب للجميع

power_settings_newقم بتسجيل الدخول للرد

17012012
شفاط لكل عشه ولاده حصريا على منتدى الأرانب للجميع

السلام عليكم ورحمه الله وبركاته

 - شفاط لكل عشه ولاده حصريا على منتدى الأرانب للجميع  - صفحة 2 154090648

المروحه دى من النوع اللى بيستخدم لتهويه كيسه الكمبيوتر فى الصيف
أو فى أنواع الأجهزه اللى بتسخن سخونه شديده
على افتراض أنه تم تركيب هذه المروحه فى عشه الولاده عند الأرانب
وتم تشغيلها أثناء الصيف
لتشغيلها كشفاط طارد للهواء فى عشه الولاده ولتغيير وتجديد الجو بشكل عام للأم وللخلفات
إذا تم عمل ذلك
أولا / هل ستكون مفيده فى تجديد الهواء ؟
ثانيا / المروحه كأى مروحه أخرى يصدر عنها نسبه اهتزازات هى اهتزازات خفيفه ولكنها موجوده
هذه الإهتزازات هل من الممكن أن تكون مصدر إزعاج للأم والخلفات ؟

وشكرا على آرائكم مقدما

تم اضافة المشاركة الأخيره للموضوع لتسهيل وتجميع الموضوع
ادارة المنتدى

السلام عليكم ورحمه الله وبركاته
بتوفيق من الله سبحانه وتعالى تم التوصل لفكره لتركيب الشفاط على عشه الولاده
مع تلافى أى اهتزاز أو صوت أو إزعاج سواء للأم أو للخلفات

أنا عملت شكل بالورق الكارتون يقرب الفكره اللى عايز أشرحها

صوره 1
هانفترض إن الكرتونه الموجود عليها المروحه هى غطاء عشه الولاده الصاج
وأن الفتحه الموجوده بجانب المروحه هى التى سيتم تركيب الشفاط عليها

 - شفاط لكل عشه ولاده حصريا على منتدى الأرانب للجميع  - صفحة 2 508212608

و اللى هايركز فى الصوره هايلاحظ إن فى كرتونه تانيه وراها

صوره 2
وده شكل للشفاط اللى متركب على الفتحه وواضح فى الصوره إن فى كرتونه تانيه وراها بفتحتين على الأجناب

 - شفاط لكل عشه ولاده حصريا على منتدى الأرانب للجميع  - صفحة 2 393305590

الفتحات دى هى اللى هايتم منها سحب الهواء الفاسد من عشه الولاده
وتجديد الهواء بشكل عام فى العين


صوره 3
وده شكل للشفاط من الخارج

 - شفاط لكل عشه ولاده حصريا على منتدى الأرانب للجميع  - صفحة 2 678938081

صوره 4
وده الشكل اللى هايكون ظاهر للأرنبه من الداخل

 - شفاط لكل عشه ولاده حصريا على منتدى الأرانب للجميع  - صفحة 2 163857394

أما عن طريقه تثبيت الشفاط فى العشه فلن تكون عن طريق المسامير
وإنما سيتم لصق الشفاط من الحواف فى الصاج بتاع العشه عن طريق السيليكون
ولمن لا يعرفه هو ماده لاصقه تباع فى محلات الديكور ومحلات الأدوات الصحيه
وتكون ماده أشبه بالعجينه وتبدأ فى الجفاف عند ملامستها للهواء
الميزه فى السيليكون أنه عند الجفاف يصبح أشبه بالكاوتش بل ويكون أكثر مرونه منه

الفكره العامه

@ وجود حائل يمنع الأرنبه من رؤيه الشفاط يمنع تماما فكره الخوف من وجوده لأن الأرنبه
ترى أمامها مجرد لوح صاج ثابت تراه أمامها دائما ولا تغيير فيه لأنه جزء من عشه الولاده (صوره رقم 4 )

@ وجود فتحات على أجناب هذا الحائل ( صوره رقم 2) ستسمح للشفاط بالقيام بعمله المطلوب منه
دون أن تراه الأرنبه أو الخلفات

@ التثبيت عن طريق اللصق بالسيليكون سيمنع تماما أى صوت أو اهتزاز ينتج عن الشفاط لسببين
الأول / السيليكون بعد جفافه يصبح أكثر مرونه من الكاوتش فيمتص أى اهتزاز للشفاط ولا يصل أبدا إلى الصاج
الثانى / ثبيت الشفاط بمسامير قد يحدث اهتزاز ولو بسيط أو بالتعبير الدارج (زنه مزعجه) لأنك موصل
جسم صلب (الشفاط) بجسم صلب (عشه الولاده) عن طريق شئ صلب ( المسامير )
ولو
ده تم يبقى لازم علشان نمنع أى زنه أن تكون كل أجزاء البطاريه أشبه بكتله
واحده ومثبته ببعضها تثبيت من حديد وهو ما لا يمكن تحقيقه فيكون الإستغناء
عن المسامير واستعمال لاصق مرن هو الحل الأمثل

وأتمنى لو فى أى تعديل أوز فكره أفضل للتثبيت
أتمنى الطرح والمناقشه
وشكرا للجميع



عدل سابقا من قبل a.abdelghani في الخميس يناير 19, 2012 9:47 pm عدل 1 مرات (السبب : التثبيت وتعديل العنوان)

تعاليق

محمد طويله
أبــو أدهــم كتب:
طيب يا محمد الصور مش ظاهرة عندى أنا كمان


من عينيا يا ابو أدهم
إن شاء الله بكره هارفع الصور مره تانيه
وأحط الروابط بتاعتها اللى تفتح بمجرد الضغط عليها
اشرف غيث
محمد ياطويلة ياأبو دماغ جميلة
محمد طويله
شكرا لكم اخوتى

عارف الجندبي
و اشرف غيث
محمد طويله
بخصوص عدم ظهور الصور
عند د/ ابراهيم وعند أبو أدهم

هذه روابط للصور مباشره من على موقع التحميل
وإذا لم تظهر الصور عندكم أنا مستعد تمام الإستعداد
إنى أوصل لحد عندك وأظبطلك جهاز الكمبيوتر من الألف للياء
وتحت أمر الجميع


شكل المروحه
[ندعوك للتسجيل في المنتدى أو التعريف بنفسك لمعاينة هذا الرابط]
صوره 1 ـ شكل افتراضى للجانب الصاج
الذى سيتم تركيب الشفاط عليه من الكارتون وبجانبه المروحه

[ندعوك للتسجيل في المنتدى أو التعريف بنفسك لمعاينة هذا الرابط]
صوره ـ2 ـ الفتحات التى سيتم منها سحب الهواء
[ندعوك للتسجيل في المنتدى أو التعريف بنفسك لمعاينة هذا الرابط]
صوره ـ 3 ـ شكل الشفاط من الخارج
[ندعوك للتسجيل في المنتدى أو التعريف بنفسك لمعاينة هذا الرابط]
صوره ـ 4 ـ الوجه الظاهر للأرنبه بشكل دائم
[ندعوك للتسجيل في المنتدى أو التعريف بنفسك لمعاينة هذا الرابط]
محول الكهرباء
[ندعوك للتسجيل في المنتدى أو التعريف بنفسك لمعاينة هذا الرابط]
عادل حميده
لكن كده حيكون من الصعب اخي الغالي بسبب :

1- فصل بيوت الولد و تنظيفها جيدا بالماء و الصابون بعد كل خلفه استعدادا للخلفه الجديده

2- ايضا المحول المستخدم لتحويل الــ 220 فولت لــ 12 فولت استخدامه حيكون مكلف في استهلاك الكهرباء و حيسخن و اقصي خارج منه 12 فولت بس فلو تم توصيل عليه اكثر من مروحه في اكثر من بيت ولد المحول مش حيستحمل يومين و حينحرق

3- البطاريات حتبقي عامله زي شبكات العنكبوت من الاسلاك اللي عليها لانه لايمكن لصقها بالبطاريه لان الارنب الصغيره او الكبيره ممكن تقرضها

فيا اخ محمد انت ايه رأيك في حل اسهل شويه ؟؟

انا من كام يوم كنت بقرأ عن موضوع (الرضاعه الحبيسه) و اليوم في اثناء اكمالي للقراءه و جدت احد الاشخاص و قد كتب انه حينما يستخدم هذا النظام يتمكن من فتح الابواب الصاج في اعلي البطاريات اثناء الصيف

بكده مع شفاطات كويسه ( ودي موجوده اصلا ) و كمان ممكن لو بتربي بكميات محدوده تحط مروحه و تسلطها للسقف فالهوا حينزل من باب بيت الولد العلوي المفتوح في صوره غير مباشره و خفيفه
محمد طويله
أخى عادل حميده

من ناحيه التهويه بمراوح السقف أنا شخصيا لا افضلها اطلاقا
لأنها ليست كما تقول تنزل الهواء بصوره غير مباشره وخفيفه بل على العكس تماما
تكون كأنما يكون مسلط بشكل مباشر على الأرانب الموجوده تحتها
أما باقى الأرانب الغير موجود تحت المروحه مباشره فقد لا يصلها الهواء
ولذلك أنا افضل استعمال مراوح جانبيه لتقليب الهواء فى المكان مع وجود الشفاطات طبعا

أما من ناحيه المحول فكلامك سليم 100% والحل ممكن يكون استخدام باور للكمبيوتر مثلا
بدلا من المحول أو محول من نوع قوى أو عدم تشغيل المحول بشكل متواصل

ومسأله غسيل عشه الولاده الغسيل بيكون بقطعه اسفنج او ليف بالصابون أو برش المطهرات مثلا
يعنى المروحه الموجوده فى باب عشه الولاده ممكن جدا نحافظ عليها بعيد عن الميه

بس برضه خد بالك ان الموضوع كله حتى الآن هو مجرد فكره نظريه حتى الآن
أنا نفسى رغم انى صاحب الفكره لسه ماجربتهاش بشكل عملى

والحل الأسهل والأقرب من كل الكلام ده هو تجهيز العنبر بتكييف كهربائى
وده مكلف طبعا زى ما الكل عارفين والمكيف الصحراوى بيرفع نسبه الرطوبه فى المكان
وعموما أنا عندى فكره ممكن أعملها فى مكان التربيه عندى
لو ربنا اكرمنى ونفعت معايا أكيد مش هابخل بيها على المنتدى

شكرا لك على مرورك
عادل حميده
M.Tawela كتب:
أخى عادل حميده

من ناحيه التهويه بمراوح السقف أنا شخصيا لا افضلها اطلاقا
لأنها ليست كما تقول تنزل الهواء بصوره غير مباشره وخفيفه بل على العكس تماما
تكون كأنما يكون مسلط بشكل مباشر على الأرانب الموجوده تحتها
أما باقى الأرانب الغير موجود تحت المروحه مباشره فقد لا يصلها الهواء
ولذلك أنا افضل استعمال مراوح جانبيه لتقليب الهواء فى المكان مع وجود الشفاطات طبعا

أما من ناحيه المحول فكلامك سليم 100% والحل ممكن يكون استخدام باور للكمبيوتر مثلا
بدلا من المحول أو محول من نوع قوى أو عدم تشغيل المحول بشكل متواصل

ومسأله غسيل عشه الولاده الغسيل بيكون بقطعه اسفنج او ليف بالصابون أو برش المطهرات مثلا
يعنى المروحه الموجوده فى باب عشه الولاده ممكن جدا نحافظ عليها بعيد عن الميه

بس برضه خد بالك ان الموضوع كله حتى الآن هو مجرد فكره نظريه حتى الآن
أنا نفسى رغم انى صاحب الفكره لسه ماجربتهاش بشكل عملى

والحل الأسهل والأقرب من كل الكلام ده هو تجهيز العنبر بتكييف كهربائى
وده مكلف طبعا زى ما الكل عارفين والمكيف الصحراوى بيرفع نسبه الرطوبه فى المكان
وعموما أنا عندى فكره ممكن أعملها فى مكان التربيه عندى
لو ربنا اكرمنى ونفعت معايا أكيد مش هابخل بيها على المنتدى

شكرا لك على مرورك


ربنا يخليك يا اخ محمد و شيء متوقع منك دوما هو انك لا تبخل بافكارك و انا من اشد المعجبين بمشاركاتك بالمنتدي
الصراحه بشعر انك فنان و مخترع اكتر منك مربي و لو شاءت الظروف و اتيح لك خط انتاج بطاريات فحتعمل في تلك الصناعه انقلاب
محمد طويله
شكرا لك أخى عادل حميده

وبالمناسبه كلامك ده فكرنى بجمله سمعتها من جدى الله يرحمه
لما كان يشوفنى مستعجل فى حاجه أو غضبان وهاخد قرار وأنا منفعل يقول لى
(( يا ابنى اصبر الدنيا مايغلبهاش إلا طويل البال ))

وفعلا وجدت إن الصبر بيعالج مشكلات كثيره وضخمه والحل بيجيلك لحد عندك
بس انت اصبر وسلمها لله
asemwla
جزاك الله خيرا
انا كنت عامل تكيف فى توكتك بسعر جميل لما اجهزو تانى هجيب صورتو وتصميمو للمنتدى الحبيب ممكن نستفيد منو ان شاء الله


لا الفكره تقريبا واحده بس لو نفذناها بالشكل الى انا بصممو الوقتى سوف نستطيع عمل تكيف بسعر لا يزيد عن 150 جنيه

عادل حميده
asemwla كتب:
جزاك الله خيرا
انا كنت عامل تكيف فى توكتك بسعر جميل لما اجهزو تانى هجيب صورتو وتصميمو للمنتدى الحبيب ممكن نستفيد منو ان شاء الله


لا الفكره تقريبا واحده بس لو نفذناها بالشكل الى انا بصممو الوقتى سوف نستطيع عمل تكيف بسعر لا يزيد عن 150 جنيه



في انتظار طرح فكرتك اخي الفاضل
محمد طويله
فى انتظار عرض فكرتك أخى الفاضل asemwla
a.abdelghani
محمد بيه طويله
فينك يا راجل من زمان
ليك وحشه
محمد طويله
a.abdelghani كتب:
محمد بيه طويله
فينك يا راجل من زمان
ليك وحشه


ألف شكر لك على السؤال
وإن شاء الله انتظروا منى مفاجأه قريبا
HOUSAMMI

المروحة او الشفاط هسحب الهواء من من بيت الولادة

عشان بيدخل بدالها هو سخن برضة من المزرعة ؟؟!!

هذا عوضا عن انه هيخلى بيت الولادة تيار هوا مستمر يعدى على النتاج الضعيف

بس ده كله لو كفائة المروحة جيدة طيب لو مش جيدة يبقى مافيش جدوى منها ،،

بس الفكرة النظرية و المشاركة كمان نظرية بس ،، والتجربة خير بيان يعنى لو تقدر تعمل كدة عند ام واحدة

يبقى هو مش الفيصل هو بداية الكلام ،،، مع خالص احترامى لافكارك المتميزة وخلى بالك ان اديسون عمل

700 تجربة عشان يوصل للمبة مع خالص تقديرى
محمد طويله
كلامك حقيقى
وفعلا لازم من التجربه قبل التأكيد على فاعليه الفكره
وبناء على ذلك مانقدرش نحكم إن هايكون فى تيار على الخفات أو مفيش من غير تجربه !!!
بس بشكل عام فعلا لابد من تجربه أى فكره حتى نؤكد مدى نجاحها
avatar
احييك استاذ محمد ع الفكره الهايله

واكيد طبعا جربتها عمليا ممكن تعرفنا الفروق اللي اكتشفتها بعد التجربه العمليه؟

واذا كانت الفروق واضحه واثبتت جدواها في تعديل بسيط ممكن نعمله عليها يحل لنا كل المشكلات اللي حددها الساده الاعضاء
محمد طويله
للأسف يا أخى الفاضل حتى الآن لم أجرب الموضوع بشكل عملى
حتى أؤكد مدى فاعليته
m.allii2
والله روعه الفكره يا استاذنا
abdallahmoursy
الف شكر على طرح هذا الموضوع
وأتمنى لكـى دائم التميز في الإنتقاء
موضوع مفيد ومتكامل
سلمت يداك
gamal0122401
جزاك الله خيرا
احمدمليحه
انا لسه مشترك فى المنتدى ومبتدئى فى تربيه الارانب بس انا عندى الحل وجربته وممكن درجه حراره الغرف لا تزيد عن 30 درجه وغير مكلف وممكن تتعمل فى غرفه 4*4 وهى مبرد الهواء
birooooo
اكثر من رائع واكثر من ممتاز افكار جميلة جدا
ahmedelkhalel
محمد طويله كتب:
هههههههههههه
مادومت بتتكلم جد فى موضوع الشاى يا عمرو ولو كان الموضوع فعلا يهمك
فأنا شخصيا فى أغلب الأيام فى وقت الصبح أول ما أصحى من النوم الصبح أشرب
كوب قهوه على السطح عندى وأنا بتابع الزرع بتاعى على السطح وبالنسبه لنوعيه الشاى
أنا بشرب شاى ليبتون خرز وأحيانا أشرب فنجان قهوه عربى (من المره) بعد صلاه العصر

من ناحيه المروحه فهى فكرتها انها تكون شفاط تخرج الهواء الفاسد من عشه الولاده
سواء تنفس الصغار أو تبولهم أو أم مش محترمه تبول فى العشه
ومشكلتها فى حاجتين
الأولى / انها هاتكون شئ غريب بالنسبه للأم لأنك حتى لو وضعت شئ ثابت
داخل عشه الولاده هايكون مصدر إزعاج كبير جدا للأم والخلفات فما بالك بشئ متحرك !
ففعلا زى ما انت قلت لازم تكون الأم مش شايفه المروحه بس مساله الخروم دى مع دوران المروحه أكيد
الأرنبه هتلاحظ دوران الريشه مع الإضاءه إلا أن تكون عمياء
الثانيه / هى صوت المروحه الأمر يحتاج للتثبيت بطريقه لا تجعل للمروحه أدنى صوت
حتى لو اهتزت يبقى لازم مايكونش ليها صوت
وبالنسبه للفيديو  أنا كمان شوفته بس ده بيتطلب تجهيز بطاريات من البدايه لهذا الموضوع
ودى تكلفه أنا شخصيا لا أستطيع تحملها

وإن شاء الله غدا أعرض الفكره اللى سأستقر عليها


يمكن اضافة كرتونة على المروحة لعمل ظل يجعلاها لاترى ريشة المروحة وهى تتحرك

شكرا على الموضوع الرائع
power_settings_newقم بتسجيل الدخول للرد
remove_circleمواضيع مماثلة
privacy_tip صلاحيات هذا المنتدى:
لاتستطيع الرد على المواضيع في هذا المنتدى