مناقشه اسعار الارانب

السلام عليكم اخواني في الله
بعد اسعار الارانب المتدنيه الي وصلت ل 17.5 لازم نكلم في الموضوع ده لان احنا المنتجين سواء كنا من اصحاب الالف ام او اصحاب 2 ام فهل يرضينا ان تصل الاسعار الى هذا الحد مع ارتفاع طن العلف الى 2600 ان وجد بهذا السعر مع ان اسعار الكيلو كانت تصل لل20 ايام ما كان طن العلف ما بين 1900 - 2000 جنيه
اسف على المقدمه الطويله بس المقدمه دي ببساطه تبين بعض ما يواجه المربين هذه الايام دلوقتي بقى ادخل في الموضوع
دلوقتي التاجر او السمسار هو المستفيد الوحيد من مجهودنا فنحن الذي ننتج وهو الذي يكسب فحلها زي ما قال الكثير ان المربي يبقى هو التاجر بكده يقدر يوصل السعر ل 22 او 21 وتبقى عامل واجب مع الفررجي وهنا هتوجهنا المشكله التنيه وهي ان الفررجي عايز حد يكون عنده ارانب باستمرار وده مش بيحصل وهنا فيه 3 حلول:
1- انك تغري الفررجي بسعر اقل ( وده مش حل عملي اوي)
2- انك تقنع الفررجي انك هتجيلو كل يوم وترحلو لحد ما تخلص الكميه الي عندك ( وده حل مش عملي وهتخسر سمعتك)
3 - انك تعمل جدول للتلقيح يعني ببساطه تقسم كل الاناث الي عندك على السنه ودي بتتعمل بالطريقه دي (عدد بطون الام في السنه )*(عدد الامهات الموجوده)= (عدد البطون الي بتحصل عليها في السنه) / (12 - شهور السنه) = (عدد البطون في الشهر ) / (4عدد الاسبيع) = (عدد التلقيحات في الاسبوع) * (متوسط وزن الانتاج من الام )مثال:
10 امهات مثلا(10 *8 [متوسط البطون للام في العام] =80 / 12= 6 تقريبا[عدد التلقيحات في الشهر] يعني ببساطه كل 5 ايام نلقح ام ومتوسط انتاج الام من 8 الى 9 كيلو في البطن ) ولو مشروع100 ام يبقى 2 ام يوميا
كده نكون عرفنا احنا هننتج قد ايه في الاسبوع ونتفق مع الفررجي انك هتوردلو الكميه دي كل اسبوع او كل يوم حسب الانتاج كثافه الانتاج الي عندك وهنا هتقبلنا مشكلتين
1- انك لو لسه بتبتدي مشروع انك مش هتلقح كله مره وحده ويبقى الامهات كلها شغاله وانما هتلقح على مدار الشهر وده هيخلي امهات تاكل وهي مش شغاله ودي تحلها بالصبر
2- ان التلقيح ميمسكش او متحملش يعني ودي حلها حجتين فيتمين ه سلنيوم و التلقيح 4 مرات مرتين العشاء ومرتين الفجر
والطريقه دي انا ماشي عليها بقالي سنه والحمد الله مبعتش خلال السنه دي باقل من 20 جنيه الكيلو بس علشان تنفذ الطريقه دي محتاجه صبر قوه ايمان وقوه ايمان بالفكره
وبكده هنقدر نتخلص من جشع السمسار
يا ريت يا جماعه الي عنده اي ملحظه يقلي [center]