سؤال عن استخدام البيوتكس

اولا بتوفيق وربنا معاكى بالنسبه للصغار لا يجب رشهم حتى لا يبردوا ويموتوا منك اما بالنسبه للكبار فالرش مره فى الاسبوع كويس جدا 1 سم / لتر وياريت لو تعملى حمام للارانب تغطسى الارجل فى محلول البيوتكس و بيتادين 1 سم / لتر يبقى تمام اوى

شكرا على الرد

ربنا يوفقك.. بس نصيحتى ليكى متزعليش لما يحصل لحد فيهم حاجه لأن دا احتمال وارد جدا فى الارانب .. وربنا يبراك ليكى فيهم.. بس متنسيش..
* كل 15 يوم هاتى تذكرة كوكسى كيور وتذكرة سلفا مكس (عشان الكوكسديا) من البيطرى وخلطيهم على بعض وحطلهم على الماء 3 ايام واليوم الرابع سترات بوتاسيوم (غسيل كلوى)
* افطمى على عمر 30 يوم دا كويس جدا وصومى الارنب يوم كامل وحطى له فى اليوم ده ماء بس وعليه مستحضر بكتريا نافعه (خميره من عند البيطرى اجم / لتر ماء لمدة كام يوم 4 مثلا قبل الفطام ويوم الفطام وبعد الفطام بيومين مثلا) دا لتجنب المشاكل المعويه الخطيره التى قد تصيب الاانب فى بداية اكلهم للعلف .. وان لم تجدى ضعى لهم نيومايسين على الماء لمدة 3 ايام وحطى لهم العلف بالتدريج من 20 جرام للارنب فى اليوم وزودى حتى 100 فى اليوم على مرتين مره صباحا ومره مساءا.
* خلى عندك يونى سلفا وكولى تريم عشان الاسهال ولو حصل لارنب اسهال اعطيه 1 سم من الاول لمده 3 ايام وحطى له من التانى على الماء
* استخدمى علف كويس والا هتلاقى الارنب بتاكل ومش بتكبر مثلا استخدمى الاسلاميه او ايبكس او سوبر رابت او المصريه
* الام المرضع خلى قدامها اكل وماء باستمرار
* عشرى الام بعد 6 ايام من الولاده اذا كانت الخلفه صغيره (أقل من 6) وصحة الام كويسه ودا المهم وبالتالى لو عشرت هتولد عند 37 يوم من الولاده الاولى ودا كويس.
* بعد الولاده بيوم اعطى الام ا سم تيراميسين طويل المفعول ولو خلفتها اكتر من 6 اعطيها فى اليوم التالت والخامس كل يوم 2 سم كالديماج مدر للبن.
* خدى بالك من الاارنب التى تلد لاول مره عشان بتكون جاهله شويه ممكن تلد خارج الولاده واتاكدى انها بترضع ولادها امسكى الارنب هتشوفى اللبن فى بطنه لان بطنه بتكون شفافه فى الايام الاولى ولو مش بترضعهم دخليها الولاده وامسكيها من دماغها برفق لمدة 5 دقائق حتى ترضعهم وتفقديهم باستمرار عشان فى الايام الاولى اللى يخرج من الولاده يموت بين السلك بتاع البطاريه.
* الامهات والدكر حصنيها تحصين دموى بكتيرى 2 سم لكل واحد تحت الجلد وبعدها بكام يوم تحصين دموى فيروسى نصف سم لكل واحد (من المستورد) تحت الجلد أما الصغير (40 يوم) حصنيه بكتيرى فقط اسم للارنب ومكلف جدا تحصينهم من الفيروسى
* لما يوصل 1500 جرام والمفروض يوصل الوزن ده بعد شهر من الفطام بيعى الانب وريحى نفسك لتجنب المخاطر فى بقاءه اكثر من ذلك
* ممكن تشوفى محل بيع طيور هيشترى منك بسعر كويس اغلى من التاجر مثلا ممكن ياخد منك اليومين دول بسعر 19 او 20 جنيه للكيلو
عموما دا اللى افتكرته دلوقت وربنا يوفقك مره اخرى اختاه الكريمه

المعلومات اللي حضرتك قلتها مفيده جدا وانا بجد بشكرك عليها بس سوال انا بربي مش في بطاريات ممكن اطلب من حضرتك انك تقولي ايه اللي المفروض اعمله انا بس حصنت الكبار ضد النزيف الفيروسي بس ماعملتش اي حاجه تانيه ومش عارفه اعمل ايه معلش انا هتعبك معايا

العضو المدرج تحت اسم (شيتوس)..
السلام عليكم..
ذكرت عبارة (ايه اللى المفروض اعمله) وعباره (ومش عارفه اعمل ايه)
انا و الله مش عراف قصدك ايه!!!!!!!!!
عموما..
لو مش بتربى فى بطاريات تجنب التربيه على الارض لان لها مشاكل .. ولو البطاريات مكلفه ليك ممكن تخلى نجار يعملك بوكسه ولو انته هاوى النجاره البسيطه ممكن تجيب خشب من الورشه وسلك من بتاع الحدايد وتعمل بوكسه قوايمها خشب والجوانب والارضيه سلك.. ممكن تعملها 3 ادوار كل دور 2 عين ابعاد العين 60 فى 75 يبقى 6 عيون بهذا المقاس هتكلف حوالى 130 جنيه دا على افتراض انك على قدك وظروفك ماتسمحش بشراء بطاريه وتستخدم ولاده عباره عن صفيحه سمنه كبيره.. الفكره دى بيستخدمها المربين الصغيرين عندنا فى الفلاحين وشغالين تمام ولو عاوز ابعاد البوكسه بالظبط ومكوناتها قول وأنا اقولك الخامات والتكاليف والابعاد وتعملها ازاى
ولو فى حاجه مش عارفها كما قلت (مش عارفه اعمل ايه) رجاءا حدد انته بتسأل عن ايه بالظبط
ختاما
لك كل تقدير واحترام

شكرا جزيلا علي الرد
اولا في بياناتي اللي اكيد ظاهره عند حضرتك اني انثي مش ذكر
ثانيا واضح اني فعلا تعبت حضرتك في الرد جدا وشكرا علي المعلومات اللي قلتها وشكرا كمان مره علي المعلومات اللي انت ذكرتها في موضوعك الاول واوعد حضرتك اني لو فكرت انقل من طريقة الفلاحين اللي انت بتتكلم عنها واعمل بطاريات وطبعا دي بعد ماادور علي نجار كويس هبقي اخد الابعاد اللي انت قلتها شكرا كمان مره علي الرد
ختاما
لك كل تقدير واحترام

يا اخ عقبه الادويه دي كتير قوي مهلكه للارنب و مكلفه ومش معقول انسان في اول تجربته يستخدم كل الادويه دي انا مش معاك ابدا

عزيزى دكتور حسام.. بعد السلام..
كوكسى كيور 2.5 جنيه
سلفا مكس 2 جنيه
كالديماج 10 سم بـ 1.5 جنيه
مستحضر بكتريا نافعه 50 جرام بـ 8 جنيه
نيومايسين 20 جرام بـ 2.5 جنيه
يونى سلفا 1 سم بـ 15 قرش
كولى تريم 1 سم بـ 20 قرش
سترات بوتاسيوم 25 جرام بـ 2 جنيه
تحصين بكتيرى 1 سم بـ 50 قرش و35 قرش فى الكميه
فين التكاليف الباهظع يا عزيزى... الارنب هيكلف اقل من جنيه بالشكل ده
وبعدين قصدك ايه بأن الادويه دى كتييييييييييييييير...!!!!
أمال لما يجيله اسهال أتفرج عليه!!!!
ولما تولد الأم 9 ارانب ما أديهاش كالديماج
وبلاش مضاد كوكسيديا
وبلاش احصن تسمم دموى فى الصيف كمان
دا فى ناس بتتبع برامج لا يخلو يوم تقريبا من اضافات على المياه
ومتنساش ان انا ماذكرتش ايفوماك (10 سم بـ 3جنيه) ولا بلاش تحصين للجرب
وماذكرتش املاح ولا فيتامينات
ارجوك وضح لى وجهة نظرك

انا فعلا ماشي ببرنامج في الماء باستمرار لتجنب الامراض +مشاكل الاعلاف المغشوشه

هنفترض الفرضيه التاليه...
عم صلاح طلع معاش.. عنده كام ارنبه بيتسلى فيهم (مربى مبتدىء) لحد ما تختمر الفكره فى دماغه يمكن يتوسع..
عنده 5 أمهات ( فله - سكره - مشمشه - سوسو - توتو ) - أصل أختى بتسمى الحمام بتاعها زى كده - ودكر والوضع عنده خلال شهر ؟؟؟ كالتالى..
فله .. معاها 6 أولاد هيتفطموا خلال الشهر
سكره .. معاها 4 اولاد هيتفطموا ايضا خلال الشهر
مشمشه وسوسو.. هيولدوا خلال الشهر
توتو .. لسه هتولد الشهر اللى جاى
12 نتاج تحت التسمين

احتياجه من الدواء خلال شهر كالتالى..
مرتين سلفا وكوكسى كيور وسترات بوتاسيوم بتكاليف (2*2 جنيه+ 2* 2.5 جنيه + 2*20 قرش) = 9.4 جنيه
هيفطم أولاد فله وسكره.. هيحتاج 5 جرام خميره/ 5لتر ماء بتكاليف 80 قرش
عند سن 40 يوم هيحصنهم بكتيرى اسم للراس بتكاليف 5 جنيه
بعد كام يوم هيدى الواحد ربع سم ايفوماك بتكاليف 75 قرش
مشمشه ولدت 8 رجاله.. عطاها 1 سم تيراميسين ط المفعول تانى يوم الولاده بتكاليف 50 قرش
تالت يوم عطاها 2 سم كاليماج مدر للبن بتكاليف 30 قرش
خامس يوم عطاها 2 سم كالديماج بتكاليف 30 قرش
سوسو ولدت 5 رجاله.. عطاها 1 سم تيراميسين ط المفعول بتكاليف 50 قرش
وبعدين..
عم صلاح راح لعم حسين بتاع العلف لقاه خلص علف اضطر يروح للمحل اللى جنبه يشترى منه عشان معندوش ولا حبه فى البيت رغم ان الراجل التانى رخم شويه بس المهم جاب 5 كيلو لحد ما تفرج
المهم..
الرجاله اللى بيتسمنوا (12) أول يوم أكلوا العلف الجديد .. بالليل راح يبص عليهم لقاهم متنحين.. المهم حطلهم علف تانى من الجديد.. فى الصباح الباكر ..عم صلاح صلى الفجر كالعاده ورجع للارانب وكان الوضع كالتالى..
كل الارانب العلف الجديد قامها زى ماهو.. والرجاله بتوع التسمين متنحين و6عندهم اسهال..
عمل ايه..
عطاهم كل واحد 1سم يونى سلفا (وكرر ده 3 ايام) بتكاليف 270 قرش
وحطلهم كولى تريم على الماء 8سم/10 لتر ماء بتكاليف 160 قرش
يوم 27 فى الشهر .. أخد 6 ارانب من بتوع التسمين وزنهم 7 كيلو وباعهم عند عم جابر الفرارجى اللى ع ناصيه الشارع بسعر 19 للكيلو يعنى بـ 133 جنيه
المهم..
هذه باختصار يوميات مربى مبتدىء فى شهر.. يترى احتاج علاج بكام..
21.85 جنيه
يعنى يا دكتور حسام بواقع 53 قرش للارنب لان عنده 41 راس
تفتكر دا كتيييييييييييييييير ومكلف ومرهق للارانب
الادويه دى يا دكتور زى دوا الاسهال والسخونيه والترجيع والمغص التى يحتفظ بها اى واحد عنده طفل رضيع لمواجهة المشكلات المتكرره
أرجو أن تكون الصوره اتضحت