الارانب بتاعتى مش عاوزه تاكل العلف

اكلها ضعيف لانه علف
بتاخد حبه حبه وتكسرها وتندغها وتبلعها
مش لازم تشوفيها بتحش يعني
طالما صحتها كويسه وبتاكل وبتشرب متقلقيش عليها
انا علشان معنديش غير ذكر واحد وانثي واحده بدلعهم كل يوم باليل بديهم بمقدار ورقتين خس لكل ارنب ونص جزرايه لكل ارنب وحزمه بقدونس وبحزمه جرجير وحزمه كسبره ونص خيارايه لكل ارنب
ولما بفصص ررومان للبيت عندي بديهم بمقدار خمس ست حبات لكل ارنب
من الاخر كده انا خاربها يعني

السلام عليكم ،،


بالنسبة الى كلام الطبيب حول الجرب ( هو اعطاهم حقنة ايوفماك ) والكلام صحيح

بالنسبة الى الفيتامينات الام اذا تاكد عشرها بتاخد 2سم كال دى ماج وهناك من يعطى 1 اسم فيتامينات مع

الكال دى ماج بالنسبة الى العلف الام ممكن تاكل ( ملو كباية ) حوالى 200 جرام وعند اقتراب وضعها قد يقل ذلك كثير وقد تمتنع

البرسيم والجرجير لا يوضع الا كفاتح للشهية للمتنع لان البرسيم له اضراره منها قله محتواه الغذائى بالنسبة الى العلف ،،، اذا كان الارنب

ممتنع عن العلف مع الاكل من انواع اخرى ممكن :

* هو اصلا مش متعود على العلف والعلاج خليه يتعود عليه تدريجياً

* العلف فاسد او مبلول

او به رائحة فئران

او اغسلى العلافة

او غيرى العلف وشوفى ،،


او العلافة ضيقة فالارنب يجد صعوبة فى استخراج العلف فيمل ويمتنع

وكل دى اسباب لامتناع الارنب عن العلف ،،،

* افحصى فم الارنب ممكن يكون فيه ورم ميقدرش ياكل العلف عشان خشن والبرسيم بيكون اسهل عليه

بس ده مستبعد شوية ///

البرسيم محتواه الغذائى اقل من العلف وقد يحتوى على بويضات الديدان وخلافه ،،، لذا الاعتماد على العلف اساسى ،، لاباس بلجرجير

والبقدونس مع العلف مش لوحده

كل الحقن ممكن تتاخد تحت الجلد بس العكس لا ،، اعتقد ان لازم يبقى حد معاكى وانتى بتدى الحقنة فى العضل عشان كدة خليلك تحت الجلد طالما انه مناسب لكل الادوية
الكال دى ماج يعطى للانثى بمجرد انك تعرفى انها عشر وتكرر الجرعة بعد الولادة ب 3 ايام

HOUSAMMI كتب:

كل الحقن ممكن تتاخد تحت الجلد بس العكس لا ،، اعتقد ان لازم يبقى حد معاكى وانتى بتدى الحقنة فى العضل عشان كدة خليلك تحت الجلد طالما انه مناسب لكل الادوية
الكال دى ماج يعطى للانثى بمجرد انك تعرفى انها عشر وتكرر الجرعة بعد الولادة ب 3 ايام

طيب الحمد لله أنا بعرف أعطى حُقن تحت الجلد كويس

رفع الله قدرك وعلا شأنك

وجزاك الله خيرا على إفادتى .. بارك الله لك وبكـ

ايهاب الحلبونى كتب:

[b]
مرحبا بك يا أم بودي في عالم الأرانب الممتع و إن شاء الله يوفقك فيه و يصبح مشروعك الصغير كبير و منتج و مربح بمشية الله
بالنسبة للكال دي ماج يحقن تحت جلد الرقبة بعد الجس و التأكد من حمل الأم أما الفيتامينات فيمكن حقنها تحت الجلد أو عضل و يكون حقن العضل أعلى عضلة الفخذ من الجهة الخلفية و أظن هناك على المنتدى بقسم البيطرة صور توضح طريقة الحقن بالعضل
أما بالنسبة للعلف فكما قال أخي حسام في أسباب عدم استهلاك العلف و لكن الموضوع نسبي و ما يحكمه كمية ال200 جرام للأم ( ملو كوب ماء عادي ) و نصيحة ابتعدي تماما عن البرسيم الأخضر لما له من أضرار و العلف المحبب الآن معظم الشركات تضيف البرسيم الجاف في الخلطة للاستفادة من الأملاح المعدنية و الفيتامينات الموجودة فيه

وفقك الله و الجميع إلى كل خير[/
b]

ولك بمثل ما دعوت لى إن شاء الله

بارك الله فيك أخى الكريم على إفادتى

أسعد الله قلبك في الدارين

مادام حركة الارانب طبيعية اكل برسيم بس نسبة بسيطة ويكون من تاني يوم تم حشة

شكرا جزيلا عالرد جزاك الله خيرا