الى الدكتور حسام وزوى الخبره

:besm
اليود هو البيتادين .. بييجي من أي صيدله بشريه . و هو غير سام و هو أفضل شئ لتنظيف خطوط المياه

اليود هو البيتادين .. بييجي من أي صيدله بشريه . و هو غير سام و هو أفضل شئ لتنظيف خطوط المياه

شكرا يا اخ جامبو للرد

بس ممكن تشربه الانارب عادى

معلهش اخ جامبو

ايه مقداره او الجرعه وكل قد ايه

لا شكر علي واجب أخي الكريم
الأرانب ممكن تشربه عادي متخافش مش هايحصلها حاجه
و المقدار 1سم /لتر ماء و سيبه في المواسير ربع ساعه بعد ذلك فضيه عن طريق فتح أخر خط المياه
و الموضوع ده أنا بعمله كل شهر
تقبل مروري

لا يا اخي الفاضل اليود المقصود غير البيتادين اللي بيتباع في الصيدليه البشريه ده بيتباع في الصيدليات البيطريه الكبيره ممكن تجيب بيتادين من محلات المستلزمات الطبيه جيركن 4 لتر و يستخدم بتركيز 1 سم علي 4 لتر ماء لتطهير المواسير برمنجانات البوتاسيوم رائعه بس اصبح صعب الحصول عليها الان

السلام عليكم

شكرا للاخ جامبو والدكتور حسام على التفعل الطيب

العفو اخي الفاضل اي خدمه

طيب جرعة برمنجانات البوتاسيوم اد ايه

أنا بطهر المواسير كل أسبوعين بالبيتادين البشرى العادى 1سم لكل 6 لتر ماء وبخليه فى المواسير لمدة 6 ساعات وبعدين بغسل المواسير والجرادل واملاها مياه بيضاء

هلا اخ نور الدين

1 جرام على 5 لتر ماء

انا بعديها فى الموسير ونزلها من الفتحه الى تحت مرتين او ثلاثه وبعين بغسلها
بماء صافى

اخ ابو ادهم انتا بتقول بتخلى االبيتادين 6 ساعات وبعدين تغسلها

يعنى الانارب بتشرب منه ؟
ولا بتشيل الانارب من البطريه وتخليها فى بطاريه تانى مثلا

لا البيتادين و لا البرمنجنات مضر للارانب بالجرعه المظبوطه بالعكس مطهر لمعده الارنب

g00 كتب:

اخ ابو ادهم انتا بتقول بتخلى االبيتادين 6 ساعات وبعدين تغسلها

يعنى الانارب بتشرب منه ؟
ولا بتشيل الانارب من البطريه وتخليها فى بطاريه تانى مثلا

الأرانب بتشرب منها ... والعملية دى أنا شغال بيها من 8 شهور تقريباً

شكرا دكتور حسام شكرا ابو ادهم

ده الى حبيت اعرفه لانى خايف الانار ب تشرب منه

دكتر حسام فى اسطوانه اسمها المشرف الاكترونى لاقيتها فى محرك البحث ممكن ارفعها
فى المنتدى ليستفيد منها الجميع ؟
ارجو الرد

السلام عليكم ورحمة الله وبركاته

اليود هو مادة كيميائية يستخدم فى كثير من الأغراض منها صنع مواد مطهرة مايعرف باسم صبغة اليود وهو اما ذو قاعدة مائية او قاعدة كحولية ......وهو مطهر بكتيرى قوى وله تأثير على الفيروسات ويمكن استهماله فى تطهير انابيب الشرن ولامشكلة من شربه فهو ضرورى ولكن احتياج الجسم منه بكميات ضئيلة ونقصه يسبب بعض المشاكل كلإسهال وجرعته المستخدمة فى التطهير المعتادة هى 1سم/لتر وممكن تزيد هذه النسبة حسب حالة التلوث
اما البرمنجنات فهى مهطر قوى مؤكسد تستخدم بتركيز 1سم/5لتر وحتى 1سم/10لتر .....وهو يستعمل فى تطهير العنابر عن طريق عملية تعرف بالتبخير ....ولامشكلة من شربه ايضا

والله الموفق للخير

عفوا
جرعة البرمنجنات هى جم/5لتر او 10 لتر .......وليس سم/5لتر

اعتذر عن الخطأ

انا تحت امرك اخى الحبيب وعلى فكرة حمادة ده اسم ابنى الدلع ولكن اسمى ابراهيم وهو فى التوقيع الخاص بى اسفل صفحتى

اما التبخير فهى طريقة تستعمل لتطهير العنابر بإضافة البرمنجنات للفورمالين فيتصاعد غاز الفورمادهيد وهو قاتل لكل ماهو حى ويلزم الحذر فى استعماله ومن يقوم بهذه العملية لابد ان يرتدى ماسك (قناع وجه ) حتى لايستنشق الغاز ويرع بالخروج من المكان بعد اتمام عملية الخلط ويغلق المكان جيدا لمدة 48 ساعة ويفتح بعدها للتهويه وإخراج الغاز

وانا تحت امرك فى اى شيء

اولا شكرا جزيلا على هذه المعلومات القيمة دكتور إبراهيم وربنا يخليك حماده ومعلش العتب على النظر والسن له حكمه

لاشكر على واجب وشكرا على دعوتك الحلوة لأحمد ......وتحت امرك فى اى شيء

السلام عليكم
شكرا استاذ ابرهيم على المجهو الرائع والدقه المتناهيه على الاجابه

شكرا مره تانيه على اضافى معلومة تبخير للفورمالين

بس يا ريت لو تكرمت وتقول ايه الكميه فى البرمنجنات والفرملين للحصول على نتيجه جيده

لاشكر على واجب اخى العزيز.......بالنسبة للبرمنجنات والفورملين انت هتطهر مساحة كم متر

ممكن 8*4 متر وفى 4*4