السلام عليكم
حبيت اجرب موضوع الاستبات
صراحة جربته مرتين قبل كده وفشل
وبفضل الله تلاشيت الاخطاء لحد ما نجحت فى الاستبات المره دى
بسم الله الرحمن الرحيم
بالنسبه لطريقة الاستنبات
1* نقعت البذور مدة 10 دقائق فى ماء عادى مضاف اليه 20 سم كلور بتاع الغسيل العادى
2* صفيت ماية الكلور وحطيت مايه عاديه وقلبت البذور عشان نتخلص من اى اثار للكلور وبعد كده نقعت البذور فى مايه عاديه 12 ساعه
3* زى ما انتو شايفين فى الصورة جبت صوانى عادية المخرمة دى اللى بيسموها مصفى عشان يبقا فيها ثقوب تنزل المايه الزياده وحطيت تحتهم الاطباق اللبنى دى عشان متزلش المايه على الارضيه وتتجمع فى الاطباق
4* فردت الشعير فى الصوانى وبقيت ارشه مايه ببخاخ عادى من 3 ل 4 مرات فى اليوم
الشعير اللى فى الصورة طوله حوالى 25 سنتى فى اسبوع
كمان فى معلومة حبيت اشارك بيها معلومة كنت شفتها فى فيديو على النت لمهندس زراعى
بيقول انه دايما بنشتكى من مشاكل استنبات الشعير فى الصيف لان موسم الشعير الشتا
وبديل ذلك ان احنا ممكن نستبدل الشعير بالذره العويجه فى الصيف
محمد طويلهالإثنين نوفمبر 11, 2013 1:00 am