منتدى الأرانب للجميع
 - شرح طريقه التلقيح الصناعى للارانب حصريا على منتدى الأرانب للجميع 343215

أهلا وسهلا بك زائرنا الكريم ، في منتديات الأرانب للجميع .
المرجو منك أن تقوم بتسجـيل الدخول لتقوم بالمشاركة معنا. إن لم يكن لـديك حساب بعـد ، نتشرف بدعوتك لإنشائه بالتسجيل لديـنا . سنكون سعـداء جدا بانضمامك الي اسرة المنتدى . مع تحيات الإدارة

 - شرح طريقه التلقيح الصناعى للارانب حصريا على منتدى الأرانب للجميع Rabbit10


منتدى الأرانب للجميع
 - شرح طريقه التلقيح الصناعى للارانب حصريا على منتدى الأرانب للجميع 343215

أهلا وسهلا بك زائرنا الكريم ، في منتديات الأرانب للجميع .
المرجو منك أن تقوم بتسجـيل الدخول لتقوم بالمشاركة معنا. إن لم يكن لـديك حساب بعـد ، نتشرف بدعوتك لإنشائه بالتسجيل لديـنا . سنكون سعـداء جدا بانضمامك الي اسرة المنتدى . مع تحيات الإدارة

 - شرح طريقه التلقيح الصناعى للارانب حصريا على منتدى الأرانب للجميع Rabbit10

منتدى الأرانب للجميع
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

منتدى الأرانب للجميع دخول

أول منتدى عربى رائد في مجال تربية الأرانب ومستلزماتها ... يضم صفوة خبراء المجال ويعتبر الوجهة الأولى لمربي الأرانب فى العالم العربي ، حيث يساعد أصحاب الأرانب والحيوانات بأمورتربيتها ورعايتها وكيفية التعامل معها ، تجد به أيضا كل ما يهمك عن الزراعة وتربية


شرح طريقه التلقيح الصناعى للارانب حصريا على منتدى الأرانب للجميع

power_settings_newقم بتسجيل الدخول للرد

18042014
شرح طريقه التلقيح الصناعى للارانب حصريا على منتدى الأرانب للجميع

نتال7 
بسم الله الرحمن الرحيم
الاخوه الاعضاء والقائمين على المنتدى  اسعد الله اوقاتكم بكل الخير وجعلنا دائما ممن يعفون عند المقدره ويعبدون الله حق عبادته
الموضوع
 1018  1018  1018  1018 
شرح مبسط للتلقيح الصناعى للارانب
بدايه لابد من توافر العوامل المساعده وهى
1- استرا لادخال السائل المنوى المخفف داخل الرحم (السعر من 4 الى 50 جنيه عدد 50 قطعه )
2- مهبل صناعى سعره 400 جنيه (ويمكن عمل واحد يدوى بتكلفه 3 جنيه )ان لم يكن اقل
3-ريسبيتال ب 60 جنيه 10سم يكفى كل انثى 2شرطه بمعنى تكفى الزجاجه لــــ   50 ام تقريبا
4- حقنه انسولين ب 50 قرش الى1.5 جنيه (المصرى والمستورد )
 الحمد لله 
ودى صوره الاسترا بس دى غاليه شويه
 - شرح طريقه التلقيح الصناعى للارانب حصريا على منتدى الأرانب للجميع 978729829
ود انبوبه لتقى السائل المنوى فيها
 - شرح طريقه التلقيح الصناعى للارانب حصريا على منتدى الأرانب للجميع 465413804

الطريقه
اولا
بعد سحب عينه السائل المنوى للذكرى بتاخده الى معمل تحليل (حتى لو بشرى مفيش مشكله ) فى اقصر وقت وفى درجه حراره معتدله للتحليل وبيتخلى الدكتور يعرفلك شويه حاجات من العينه منها
---   سرعه حركه الحيوانات المنويه
------  نسبه المشوه منها
---- عددها فى كل مربع من المربعات بتاعه شريحه التحليل
وبعمنى اخر لو قال لك انها كويسه توكل على الله

ثانيا
لما تسحب العينه من الذكر لازم تاخد منه مرتين متتاليتين
والطريه بتمسك المهبل الللى احنا عاملينه وبتجيب نتايه مش طالبه او حتى جلد ارنب وبدخل ايديك من تحت وانت ماسك المهبل الصناعى اللى احنا بنعمله وبتاخد العينات الاولى والتانيه بعدها بشويه طبعا
ملحوظه هامه القذفه التانيه بتبقى الحيوانا ت المنويه افضل بكثير من الاولى من حيث السرعه والكفائه
 - شرح طريقه التلقيح الصناعى للارانب حصريا على منتدى الأرانب للجميع 634815970
 - شرح طريقه التلقيح الصناعى للارانب حصريا على منتدى الأرانب للجميع 608799952
طريقه عمل المهبل الصناعى ودى اختراع بسيط
ماسوره مياء ثلات اربع 3على 4 البيضاء طولها حوالى 12 سم
وبنضع واقى ذكرى بداخلها ونربطه من الخارج ونملا بين الواقى والماسوره ماء دافىء ونربط الطرف التانى اصبح الماء بين الواقى والماسوره من الداخل
وبنضع زجاجه او انبوبه اختبار لاستقبال الحيوانات المنويه
زى الصوره اللى فاتت
دى صوره الريسبيتال
 - شرح طريقه التلقيح الصناعى للارانب حصريا على منتدى الأرانب للجميع 421450738
وهو انتاجه المانى كان ب 55 وبقا ب 60  وسالت عليه امبارح قالوا 70 بس مش عارف ليه
الخطوه الاخير ه
عمل السائل المخفف للحيوانات المنويه
وبتكون نسبه التخفيف من 1- 8   لكن الاحسن واللى انا اتعلمته 1-3 ودا افضل بمعنى الارنب بيجيب فالقذفه حوالى نصف سم وانت بتاخد منه قذفتيه
بمعنى اخر كل ارنب يكفى لتلقيح من 8 الى 10 امهات ودا حاجه تمام
سائل التخفيف
بيكون مكون من بعض المخفات يضاف اليها صفار البيض للتغذيه وايضا سكر اللكتوز وحاجات تانيه كتير وكل شيخ وله طريقته
 - شرح طريقه التلقيح الصناعى للارانب حصريا على منتدى الأرانب للجميع 657507212

بعدها بتخفف السائل المنوى بالنسبه المذكوره سابقا
وبتاخد منه نصف سم فى حقنه الانسولين
 - شرح طريقه التلقيح الصناعى للارانب حصريا على منتدى الأرانب للجميع 416182765

ثم نقوم بادخال القسطره فى فتحه الحيا لارنب وتفريغ نصف سم مع مراعه طول الانوب الخاص بالاسترا
 - شرح طريقه التلقيح الصناعى للارانب حصريا على منتدى الأرانب للجميع 708568309


بعد كدا بتحقن 2شرطه ريسبتال عضل بعدها علطول وهكذا

نسبه التلقيح بتنجح بنسبه من 85 الى 90 فى الميه

وان شاء الله هانزل فيديو يشرح الموضوع
اسالكم الدعاء بالشفاء لمرضانا ومرضى المسلمين
يارب


نسيت اقول ان من فوائد التلقيح الصناعى
- كل الناتج فى وقت واحد
- التحصينات كلها اكيد هاتكون وقت واحد
- هاتعرف تعمل تبنى ومفيش باذن الله حاجه تموت
- تكلفته بسيطه
- جميل جدا فى الصيف ولا تفرق معاك اى حاجه
- هاتعرف تجيب علف لما تبيع شويه محترمين لانى دى مشكله كل مربى مش بيبقا معاه فلوس للعلف هههههههه
- هاتحقن كالسيوم واد3ه  او مالتيفايتمنز لكل الامهات العشار فى وقت واحد وياسلام لو عندك مسدس حقن زى دا

###تم حذف الصوره لمخالفتها قواعد المنتدى ####

هاتخلص الـــ 50 ام فى 10 دقائق باللكتير عن تجربه
- غير مكلف بالمره
المشكال
- سعر الريسبيتال 60 جنيه ويستخدم لمده 24 ساعه بعد الفتح والباقى بيترمى فالافضل يكون عندك عدد 50 ام او تشتك مع حد لو لسه صغير فالتربيه ودى حاجه جيده  من وجه نظرى

والله الموفق

تعاليق

مروان
الله ينور يا استاذ عمر انا حاسس الموضوع صعب شوية
يعني مش ممكن اجرح الام وانا بدخل القسطرة ولو دخلت زيادة عن المفروض

بس في حاجه حلوة هي موضوع تحليل الحيوانات للدكر دي حتى لو مش حستخدم تلقيح صناعي اهو اعرف الدكر النضيف لاختياره
بلال
أولا
جزاك الله خيرا
ثانيا
فى أشكال كتييير جدا موجوده فى الموقع الأصلى لمسدس الحقن
السؤال
ايه افضل مسدس فيهم واقلهم تكلفه؟
arnoop
الله ينور عليك
هل من الافضل جعل التلقيح الصناعي في وقت الشبق عند الانثي ام انه في اي وقت
محمد طويله
arnoop كتب:
الله ينور عليك
هل من الافضل جعل التلقيح الصناعي في وقت الشبق عند الانثي ام انه في اي وقت


عفوا أستاذ أحمد
لا يوجد دوره شبق للأرانب
محمد طويله
بعد توجيه الشكر على الموضوع
نود لفت نظر الزميل الى ضروره مراجعه قواعد المنتدى
وعدم نشر اى صور او او مسميات لمواقع اخرى
الإداره
محمد طويله
تم حذف الصوره المخالفه
مروان
انا بردو بقول مفيش دورة للارانب عشان كده سألت ايه حكاية مواعيد التلقيح دي

طب يا استاذ محمد بالنسبة للون فتحة الحيا اللي بيقولوا عليها مش معناها ايام معينة للتلقيح ؟ حتى ولو مكنش في دورة ؟
محمدالشبراوى
oo جزاك 
ابو انس عبدالله الرفاعي
مشكور على الموضوع الرائع
حسام المصرى
موضوع جميل بس محتاج لدوره على الطبيعه فى الاول وما هو سائل التخفيف وهل يمكن حفظ السائل قبل و بعد تخفيفه فى الثلاجه وما هى المده الصالحه للتلقيح
محمد طويله
نظرا لتميز الموضوع
تم تثبيته
واعتباره حصرى لمنتدى الأرانب للجميع
الإداره
shehata2020
أكثر من رائع يا شيخ عمر
جزاك الله كل خير
عمر عبد العزيز
 besm 
بسم الله
رد على سؤال الاستاذ مروان
القسطره من الامام دائريه ووليست مدببه بمنعى يستحيل ان تسبب اى الم او جروح فى الرحم مع الاستخدام الصحيح
ردا على الاستاذ بلال
الافضل فى مسدس الحقن اللى بيركب فيه الزجاجه من اعلى لانى الاخر اللى بيركب فيه خرطوم طوله 4 سم زى بتاع الفراخ مش بيكون عملى من ناحيه المتبقى فى الخرطوم والسرعه وحاجات كتير تانيه بس بصراحه هو تحفه

اخيرا وردا على مساله ميعاد التلقيح الصناعى
ياجماعه الخير لايوجد وقت له ويتم سواءا الام طالبه او لا وفى اى وقت ليلا نهارا الجو حر او برد مفيش مشكله
الفكره فى انك من خلال الريسبيال بنشط التبويض ومع وجود السائل المنوى بيحدث بتوفيق الله حمل

اذا هى الحل الامثل للتلقيح فى الصيف ؟؟؟
وجزاكم الله خيرا على التثبيت
واعتذر عن نشر صوره معنونه
والله الموفق لتقواه
 نتال7 
مروان
سؤال الله يباركلك يا شيخ عمر

ايه فايدة الريسبيتال وهل ضروري ولا ممكن استغنى عنه مؤقت ؟ وممكن تحت الجلد ؟

وممكن القح اكتر من مرة ؟ يعني كل يوم ؟ على 3 ايام مثلا او 4 ايام ؟ طالما مفيش حركة تعمل اجهاض ولا ايه ؟

وهل ممكن الاقي سائل منوي جاهز في الصيدليات البيطرية او مكان تاني ؟

ومعلش عشان عايز اجرب الطريقة القسطرة اللي بتتباع بشري وطبعا مقاسها طويل فأنا معرفش حدخلها اد ايه
عمر عبد العزيز
بسم الله
الريسبيتال هو الاساس فى التلقيح
لانه عامل مؤثر فى عمليه التبويض بعنى انك بتلقح الانثى فى اى وقت سواءا طالبه او لا
السائل المنوى بسيط لكن فكره تخفيفه هى المشكله
لو عندك 50 ام بيقى كويس الام الواحده هاتكلفه 2 جنيه حد اقصى
لو اقل من كدا مش هايبقى اقتاصدى
القسطره ارخص مافى الموضوع
المشكله فالريسبيتال
ب 60 جنيه
doaa kamal
جزاكم الله خير
موضوع مميز
عمر عبد العزيز
1013 1013 1013 1013 1013 1013 1013 1013 
sherif mahmoud
الموضوع جميل بس شكله صعب ياريت توضيح فديو
اسلام زغلول
موضوع جميل جدا جزاك الله خيرا
عمر عبد العزيز
لالالالالا مش صعب بالمره لكن يحتاج الى الدقه والمزراع التى لاتقل عن 40 ام حتى تكون التكلفه بسيطه واقتصاديه
محمدالشبراوى
استاذ عمر
ممكن تقولى المدة اللى ممكن يعيشها الحيوان المنوى للذكر قبل ما يوضع فى الانثى يعنى ممكن يعيش 6 ساعات مثلا وكمان ممكن انقلة من مزرعة لاخرى يعنى ممكن حد عاجبة الذكور فى مكان وعاوز يلقح صناعى منها رغم ابتعاد المكانين
فى انتظارك
عمر عبد العزيز
بسم الله
الموضوع طويل ودا فكره عنه للحيوانات عموما
حفظ السائل المنوي Semen preservations

تعريف:

وهي عملية حفظ الحيوان المنوي خارج الجسم عدة ساعات أو أيام أو سنين واستعماله في التلقيح الصناعي على أن يحفظ الحيوان المنوي بكامل حيويته عند استعماله .
– و تقوم فكرة الحفظ على تثبيط حركة الحيوان المنوي وعملياته الاستقلابية محافظةً عليه من الإنهاك و الهلاك .
طرق حفظ السائل المنوي:
1- الحفظ بإضافة الأحماض المائعة للحركة عند درجة حرارة الغرفة :
1) الأحماض العضوية: مثل حمض الكربون .حيث يعمل على إعاقة حركة الحيوانات المنوية عند درجة حموضة 6,8=PH ولكن الحيوان المنوي يعيد حركته بارتفاع درجة الحرارة أو جعل الوسط قلوياً ..
2) الأحماض الدهنية :مثل حمض الكبروئيل caproic acid ويعمل بنفس المبدأ السابق .
2- الحفظ باستعمال بعض الغازات :
مثل CO2) )والنتروجين .وتتم بعد أن يوضع الممدد ضمن أمبولات يضغط الغاز المذكور بضغط عالٍ دون حاجة للبرودة ثم تقفل هذه الأمبولات .ويمكن أن تستمر الحيوانات المنوية بكامل حيويتها و خصوبتها لمدة أسبوع .
3- الحفظ عند درجات الحرارة أخفض من درجة حرارة الحيوان :
لقد وجد أن الحيوان المنوي يحتفظ بكامل حيويته ضمن حرارة تتراوح بين 50 , -196 ْم بحيث تقف حركة الحيوانات المنوية عند درجة حرارة /5/ مئوية . ونستطيع تلخيص فوائد خفض الحرارة في:
1) زيادة فعالية الحيوانات المنوية كلما نقصت درجة حرارتها وتبلغ ذروة فعاليتها عند الدرجة -4,-9 ْم فعند هذه الدرجة تقف نمو جميع الجراثيم الضارة بالحيوانات المنوية .
2) تقف حركة الحيوانات المنوية عند الدرجة /5/ ولكن تستطيع الجراثيم المولدة للصديدة أن تعيش عند هذه الدرجة لمدة2-3 أيام (الثيران) و 1-2يوم (كباش+خنازير) و(1) يوم عند ( الحصان)
3) خفض درجة الحرارة حتى (0) تطبق بطريقة الرجيم (النظام) لتفادي صدمة البرد .

ملاحظة : هناك طريقة للحفظ تعتمد على منع الأوكسجين عن السائل المنوي الممدد (باستعمال سيائيث الصوديوم) لبعض الحيوانات التي لا يحوي سائلها المنوي على السكر بكميات كبيرة (خنازير وخيول) أما الحيوانات الأخرى فلم تنجح فيها هذه الطريقة لوجود السكر بكميات كبيرة وتحلله تحت عامل فقد الأوكسجين إلى حمض اللبن المؤذي للحيوانات المنوية..
السائل المنوي المجمد
Frosen semen
ميزات السائل المنوي المجمد :
1) إمكانية استعماله لثور مجروح أو مكسور على مدار السنة .
2) إمكانية انتخاب الطلائق الممتازة من أعداد كبيرة من الثيران .
3) يمكن تخزين الحيوانات المنوية لمدة شهور أو عدة سنين عند درجة -79 باستعمال الثلج الجاف والكحول أو عند الدرجة -196 باستعمال السائل الآزوتي .
4) سهولة نقل السائل المنوي المجمد وخص تكاليف تصنيفه إذا ما قورن بنقل الحيوان نفسه .
مساوئ السائل المنوي المجمد :
1) إن تكلفة صنع الأمبولات والتجميد وأدوات الحفظ والتخزين غالية .
2) نفوق أعداد كبيرة من الحيوانات المنوية نحو 50 % أثناء التجميد لذا يجب زيادة العدد لتفادي النقص
3) إمكانية نشر كثير من الأمراض الفيروسية والجرثومية والوراثية وعلى مساحات واسعة .
4) بانتشار عملية التلقيح الصناعي بالسائل المنوي المجمد نقضي على أعداد كبيرة من الثيران وبالتالي تضيق عملية الانتخاب الأساسي التي تتم بين الثيران ..

ملاحظة : هناك ظاهرة في عملية التجمد وهي : فقدان كمية كبيرة من الحيوانات المنوية قد تصل إلى 30-80 % (وسطياً) لذلك يجب أن نأخذ بعين الاعتبار تركيز الحيوانات المنوية بعد التجميع وعند الاستعمال من 8-12 مليون حيوان منوي/ 1 سم3 لذا يجب أن لا يقل تركيز الحيوانات المنوية قبل التجميد من 20 – 30 مليون في 1 سم3 .

مراحل التجميد :
- وقت التأقلم Equilibrating Time
هو الوقت الذي يجب أن يقضيه الحيوان المنوي في درجة حرارة / 5 / ْم لكي يكون جاهزاً في الدخول لعملية التجميد وقدرت هذه المدة بـ / 4 / ساعات .. وتجري هذه العملية إما قبل تمديده أو بعد تمديده وإضافة الجليسرول إليه ..
* يقسم ممدد السائل المنوي (صفار البيض ) إلى قسمين قسم يضاف إليه الجليسرول بنسبة 14% والقسم الآخر تضاف إليه المضادات الحيوية (الجليسرول يؤثر في المضادات الحيوية ) ويوضع في القسم الثاني السائل المنوي ويبرد عند درجة / 5 / ْم .
* نضيف القسم الأول إلى القسم الثاني على 3-4 مراحل بين كل مرحلة وأخرى / 20 / دقيقة وعلى هذا الأساس تصبح نسبة الجليسرول 7 % ونرج الناتج برفق ..
* توزع هذه الكمية على أمبولات سعة كل فرع / 1 سم3 / ثم تسد هذه الأمبولات الزجاجية على أن لا تصل الحرارة الناتجة من عملية الإغلاق إلى الحيوانات المنوية .
* توضع هذه الأمبولات في 95% من الكحول الإيثيلي عند الدرجة / 5 ْم / ثم تخفض هذه الحرارة / 1 ْم / كل دقيقة حتى تصل الحرارة /-15/ ْم .
* ثم تخفض الحرارة بسرعة إلى /-79/ بإضافة الثلج الجاف بسرعة إلى الكحول وهذه العملية تحتاج إلى 1/4 ساعة .
* يمكن أن نحفظ السائل المنوي المجمد عند هذه الدرجة أو لدرجة -196 (في السائل الآزوتي )

ملاحظة : هنا تقل نسبة الإخصاب . وهذه النسبة تكون أعلى في استعمال السائل المنوي المائع عنه في المجمد .

الطرق الأخرى المستعملة في تجميد السائل المنوي :
- هناك طريقة الحبوب الصغيرة ( القشات ) . نسبة الممدد : 11% لاكتوز ، 20% صفار البيض ، 5-8% جليسرول ثم تضاف المضادات الحيوية . كل هذه المكونات تخلط بالماء المقطر .
* نأخذ / 3 / أقسام من هذا الممدد ونضيفه إلى قسم واحد من السائل المنوي عند الدرجة 35 ْم ثم يبرد الناتج إلى الدرجة /5/ خلال ساعة ونصف – أما طول فترة التأقلم فتستغرق من 3-4 ساعات .
* ثم نأخذ نقطاً بحجم 0.07 – 0.1 سم3 من السائل المنوي على أن تحتوي من 12-30 مليون حيوان منوي ونضع هذه النقط في حفر من الثلج الجاف لمدة / 5 / دقائق حتى تصل إلى مرحلة التجمد ثم تنقل هذه الحبيبات المصنعة إلى أنابيب بلاستيكية للتخزين ونضعها في كيس بلاستيكي صغير يحوي 1 سم3 من سترات الصوديوم المعقم تركيز 3.2 % عند الدرجة /55 / درجة عندها تذوب الحبيبة وتنتشر الحيوانات المنوية في السائل ثم تسحب بالمحقن عبر قسطرة خاصة وتجرى عملية التلقيح .

الطرق المتبعة لحفظ السائل المنوي بالتجميد وتحضير جرعة التلقيح
1) إذابة الحيوانات المنوية المعبأة في أمبولات :
تتم الإذابة (إذابة السائل المنوي ) في حمام مائي بدرجة حرارة 35-40 ْم وبعد ذلك يمكن استعمال التلقيح .
2) طريقة الحبيبات :
يتم تسخين محلول الإذابة 0.9 مل بدرجة 55 ْم ( 5 ْم ) ثم توضع الحبيبة المجمدة في محلول الإذابة ثم يحرك محلول الإذابة بلطف ثم يسحب محلول الإذابة أولا ومن ثم الحبيبة المذابة .
إن حضن الحبيبة بدرجة حرارة / 35 ْم / لمدة 3-5 دقائق يؤثر إيجابياً على نتائج الإخصاب . وبعد سحب الحبيبة المذابة إلى قسطرة التلقيح يجب حقنها بأسرع ما يمكن في الحيوان المراد تلقيحه .
3) طريقة القشات :
توضع القشات بعد سحبها من ترمس التلقيح مباشرة في صمام مائي بدرجة حرارة 40 ْم ويختلف الوقت اللازم لإذابة القشة باختلاف حجمها ثم تجفف القشة من الخارج وترج بحيث تنتقل الفقاعة الحيوانية إلى الأطراف
أنواع القشات : هناك / 4 / أنواع هي :
نوع القشة حجمها وقت الإذابة
1. القشات ذات القياس الوسط 0.5 مل 15 ثانية
2. القشات ذات القياس الصغير 0.25 مل 10 ثانية
3. قشات Minitub 0.25 مل 15 ثانية
4. القشات الكبيرة 1 مل 30 ثانية
منقووووول ياجماعه للامانه العلميه
عمر عبد العزيز
الارنب انا مش بفضل فيه الامر دا
بس بعد ماتخف السائل المنوى بتخليه مده 45 دقييقه قبل الاستخدام فى درجه حراره الغرفه علشان يتغذى على بعد مكونات المحلول

محمدالشبراوى
جزاك الله خيرا
power_settings_newقم بتسجيل الدخول للرد
remove_circleمواضيع مماثلة
privacy_tip صلاحيات هذا المنتدى:
لاتستطيع الرد على المواضيع في هذا المنتدى