منتدى الأرانب للجميع
 - تربيه وتدريب ذكور الأرانب  حصريا على منتدى الأرانب للجميع - صفحة 2 343215

أهلا وسهلا بك زائرنا الكريم ، في منتديات الأرانب للجميع .
المرجو منك أن تقوم بتسجـيل الدخول لتقوم بالمشاركة معنا. إن لم يكن لـديك حساب بعـد ، نتشرف بدعوتك لإنشائه بالتسجيل لديـنا . سنكون سعـداء جدا بانضمامك الي اسرة المنتدى . مع تحيات الإدارة

 - تربيه وتدريب ذكور الأرانب  حصريا على منتدى الأرانب للجميع - صفحة 2 Rabbit10


منتدى الأرانب للجميع
 - تربيه وتدريب ذكور الأرانب  حصريا على منتدى الأرانب للجميع - صفحة 2 343215

أهلا وسهلا بك زائرنا الكريم ، في منتديات الأرانب للجميع .
المرجو منك أن تقوم بتسجـيل الدخول لتقوم بالمشاركة معنا. إن لم يكن لـديك حساب بعـد ، نتشرف بدعوتك لإنشائه بالتسجيل لديـنا . سنكون سعـداء جدا بانضمامك الي اسرة المنتدى . مع تحيات الإدارة

 - تربيه وتدريب ذكور الأرانب  حصريا على منتدى الأرانب للجميع - صفحة 2 Rabbit10

منتدى الأرانب للجميع
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

منتدى الأرانب للجميع دخول

أول منتدى عربى رائد في مجال تربية الأرانب ومستلزماتها ... يضم صفوة خبراء المجال ويعتبر الوجهة الأولى لمربي الأرانب فى العالم العربي ، حيث يساعد أصحاب الأرانب والحيوانات بأمورتربيتها ورعايتها وكيفية التعامل معها ، تجد به أيضا كل ما يهمك عن الزراعة وتربية


تربيه وتدريب ذكور الأرانب حصريا على منتدى الأرانب للجميع

power_settings_newقم بتسجيل الدخول للرد

23012011
تربيه وتدريب ذكور الأرانب حصريا على منتدى الأرانب للجميع

الحمد لله الطريقه دى فعلا حصريه وما أظنش أبدا ان حد عملها قبل كده
ازاى أدرب أرنب دكر
والتدريب هنا مش معناه انه يمشى على الحبل مثلا
التدريب هنا معناه تربيه الأرنب من صغره على النشاط والحيويه والقوه علشان يكون عندى فى النهايه أرنب ملوش حل
أول حاجه / انت بتختار الأرنب الذكر عادى جدا زى ما بتختار أى أرنب للإحلال العيون بتلمع والقوام سليم والودان مرفوعه والشعر متماسك والأنف نظيف ومفيش جرب ولا عرقوب وكل اللى انت عارفه
تانى حاجه / تفصل الأرنب فى عين لوحده لحد عمر شهرين أو شهرين ونصف
تالت حاجه / تشيل الأرنب من البطاريه وتوفر ليه مكان على الأرض مساحه متر فى مترين مثلا
وطبعا الأرنب لما يجرى على الأرض حيويته بتزيد ووزنه بيقل لأنه بيتحرك بقدر أكبر مما كان عليه فى البطاريه مع ملاحظه وجود العلف أمامه بشكل دائم
رابع وأهم حاجه / تقديم الخضار للذكر بإنك ترفع الخضار أيا كان برسيم أو خس أو حتى جرجير ـ وعلى فكره الجرجير مفيد لخصوبه ذكور الأرانب ـ عن طريق انك تربط الخضار فى خيط أو دوباره وتعلقها فى أى حاجه أعلى من مستوى الارنب
بحيث انك تجبر الأرنب انه يقف على الأرجل الخفيه فقط لكى يستطيع الوصول للخضار المعلق وبشرط يكون الخضار متعلق فى الهوا يعنى الأرنب لازم علشان يوصل للخضار يقف على رجليه الخلفيه من غير ما يسند على أى حاجه ( رجليه وبس )
خامس حاجه / قبل بلوغ الأرنب لسن البلوغ بحوالى اسبوعين ترجعه للبطاريه تانى وبعدها بأسبوعين عند سن البلوغ تبدأ تشغله هاتشوف أسد مش أرنب ومفيش أنثى بتاخد معاه دقيقتين
طيب الفكره ايه فى الشغلانه دى
الفكره دى انا أخدتها من أرنب كنت بربيه عندى
الأرنب ده كانت رجليه نوعا ما طويله و وكانت الأنثى اللى تعصى عليه كان يلزق فيها ويرفعها من ورا برجليه وبعد كده يقوم بالتلقيح
فحاولت أربى أرنب من صغره على قوه الأرجل الخلفيه والحمد لله كانت النتيجه فوق الممتازه بشويه
وغير كده كان أرنب سريع جدا يعنى لو الأنثى مش قابله كان كفايه عليه جدا انه يخبط برجليه على أرضيه البطاريه علشان تتحرك من مكان لمكان وهى خطوه واحده بس وانتوا عارفين ان الأرنب بيتحرك بخطوات قافزه وأول ما كانت تتحرك خطوه واحده بس كان بيتحرك بسرعه كبيره جدا ويعمل الواجب اللى عليه ولو ما اتحركتش من مكانها يرفعها برجليه ويتصرف
من غير استعمال أستك ولا غيره

ملاحظات الطريقه دى
1ـ تربيه الأرنب فتره شهرين او شهرين ونص من عمره داخل القفص بتساعد انه لما يرجع القفص تانى مايتأثرش تأثير سلبى لأنه اتحبس فى قفص ما هو مولود فى فقص ومتربى فى قفص
2ـ كثره الحركه للأرنب تمنع تكوين أى دهون فيه وخصوصا على الخصيتين وده تأثيره إيجابى جدا على الخصوبه
3ـ قله شراسه الأرنب على الأنثى لأنه مش محتاج يكون شرس هو بيصل لهدفه سواء هى رافضه أو قابله
4ـ زياده خصوبه الأرنب ورغبته الزياده فى الإناث
إيه رأى أهل الخبره وأهل العلم فى المسأله دى


عدل سابقا من قبل a.abdelghani في الجمعة نوفمبر 04, 2011 9:28 pm عدل 1 مرات (السبب : التثبيت)

تعاليق

محمد طويله
عمرو عقبه كتب:
مرة تلو الأخرى أشكرك وأحيك على حب الخير للغير وعرض تجاربك للجميع للاستفادة منها..
أنا شخصيا عندى دكر دوتش لسه بادىء أستخدمه بس بصراحه بعزه جدا..
لدرجة أنى باخده وأحطه على رجلى وأمشى ايدى على شعره الجميل..
وان شاء الله أدلعه وأظبطه وأدربه على الحاجات اللى حضرتك ذكرتها..
لكن فى موضوع الاناث.. فى مشكله أنها أحيانا كمان تلصق مؤخرتها بالأرضيه وليس بالأركان فقط..
وأكيد حضرتك عارف ان السبب قد يكون..
1- أنها عشراء اصلا.. دا لمن لا يجيد الجس.
2- صغر سنها.
3- أنها بكر ولأول مره تلقح فلديها خوف الى حد ما.
4- لديها ورم بالرحم.
5- لديها التهاب عرقوب ولا يمكنها حمل الذكر.
6- يحدث عندى أحيانا أن بعض الاناث تقبل بعض الذكور دون الأخرى.. فقد وضعتها لذكر رفضته تماما وكانت (تزوم) ووضعتها لأخر فكانت هى التى تعتليه..

جزيت خيرا أخيا وفى انتظار المزيد ولك خالص الشكر على إثراءك لثقافتنا العمليه فى التربيه
13



شكرا ليك يا عمرو
بس الفكره دى مبتكره مخصوص من أجل الإناث اللى بتلصق مؤخرتها فى الأرضيه
أنا كنت أجد إناث مفيهاش أى حاجه من اللى انت ذكرتها ورافضه التلقيح
وكنت أديها على طول للذكر اللى كان بيرفع مؤخرة الأنثى بكعب رجله ويقف على مشط الرجل فقط
حتى يستطيع الوصول لهدفه ( وهدفى طبعا ) والفكره جتنى من كده
إنى أحاول أدرب ذكر من صغره بأرجل قويه وربنا أكرمنى ونجحت فى ده
وبمجرد نزول الأنثى له فى القفص بتحركه غريزته ناحيه الأنثى
وبيبدأ يستعمل كل وسيله يقدر عليها وكل قدراته للوصول لإشباع غريزته
ومن ضمن الوسائل طبعا انه يعتليها ويرفع مؤخرتها بكعوب رجليه وهو عنده القوه الكافيه جدا ليعمل كده
وبالنسبه للإناث التى تقبل ذكر دون الآخر دى بتكون حالات استثنائيه لا تقف عندها كثيرا
مادامت الأمور كويسه مع الذكر الآخر خلاص خليك مع اللى ماشى وبس
وفى كل الأحوال هى آخرها موسم واحد وها
تتباع لحم
محمد طويله
oso كتب:
المزارع الاوربية بتكون عيون الطلوقة فيها مستديرة عشان عملية التلقيح بتكون علطول دوران حول الانثي
دي حاجة معروفة
بس المتواجد سوقيا العيون المستطيلة!!


والله أنا شخصيا أول مره أعرف موضوع العيون ده
شكرا ليك على
المعلومه
ابو علوه
تشكر علي المجهود الرائع
المكان الواسع اللي بننقل الارنب فيه اللي مساحته متر في مترين ارتفاعه كام؟
محمد طويله
ابو علوه كتب:
تشكر علي المجهود الرائع
المكان الواسع اللي بننقل الارنب فيه اللي مساحته متر في مترين ارتفاعه كام؟


على الأقل يكون الإرتفاع 1 متر
علشان يسمح لينا بتعليق الجرجير أو الحاجه الخضرا اللى بنقدمهاله علشان
نجبره يقف على أقدامه الخلفيه بس
a.abdelghani
الأخ محمد طويله
نظرا لتميز الموضوع
تم تثبيته واعتباره موضوع حصرى للمنتدى
تقبل مرورى
محمد طويله
a.abdelghani كتب:
الأخ محمد طويله
نظرا لتميز الموضوع
تم تثبيته واعتباره موضوع حصرى للمنتدى
تقبل مرورى


شكرا لك أخى الكريم
وشكرا للمنتدى
عمرو عقبه
تسلم ياريس..
القرار الدكتاتورى رقم 3 لسنه 2011..
ومبروك أ/ محمد ..
وموضوعك يستاهل فعلا..
6565 6565 6565
53 53 53
محمد طويله
M.Tawela كتب:
على الرغم أنه حتى الآن لم يذكر لى أيا من الأعضاء رأيه فى الموضوع
سواء كان رأى علمى أو عملى مكتسب بالخبره
فاسمحوا لى أن أسأل السؤال الذى توقعته من الكثير من الأعضاء
أو على الأقل من الأطباء وأصحاب العلم
وللأسف لم يسأله لى أحد
ولأن الموضوع عن تدريب ذكر لديه من القدرات على التعامل مع أى أنثى
فالسؤال هنا عن الأنثى التى تقوم بإلصاق مؤخرتها بأحد أركان البطاريه وترفض الحركه تماما مهما حاول الذكر
كيف يتم التعامل مع هذه الأنثى
ولا ننسى أن الهدف هنا أن يصل الذكر إلى هدفه ( وهدف المربى طبعا ) وهو إتمام عمليه التلقيح
كيف للذكر أن يتعامل مع هذه الحاله ؟

منتظر الردود ( هل من مجيب )


أنا كنت أجبت على السؤال ده
وكنت قلت إنى هارفع صور للبطاريات المستديره الخاصه بالذكور
آسف جدا على التأخير وهذه صورة البطاريات



 - تربيه وتدريب ذكور الأرانب  حصريا على منتدى الأرانب للجميع - صفحة 2 624281575

وللأسف مش وجدت صوره أوضح من كده
ومفيش حد بيصنعها دلوقت غير بالطلب
wael_6
سلام عليكم

الطريقة دى فعلا جميلة جدااا ونتايجها رائعة سواء فى الذكور او الاناث هيا مشكلتها بس انها هتحتاج مساحة ومجهود عشان النضافة ودى اهم حاجة فى رايى .. وانا بعمل الطريقة دى لاكن بصراحة جديدة موضوع اانك تجبرو يقف على رجلية الخلفية وان شاء الله انا هتبع الاسلوب دة ,,,, لاكن اذا سمحتلى اضافة كمان على التدريب انى ببداء ادخلو انثى صغيرة غيرة عشان يتعلم انو يركب فوقها من بداية سن خمس شهور وانا ببداء اشغلو من سن 6 شهور عشان يكون اكتمل النمو ,,,,,وارجع احيييك على الفكرة دى
محمد طويله
wael_6 كتب:
سلام عليكم

الطريقة دى فعلا جميلة جدااا ونتايجها رائعة سواء فى الذكور او الاناث هيا مشكلتها بس انها هتحتاج مساحة ومجهود عشان النضافة ودى اهم حاجة فى رايى .. وانا بعمل الطريقة دى لاكن بصراحة جديدة موضوع اانك تجبرو يقف على رجلية الخلفية وان شاء الله انا هتبع الاسلوب دة ,,,, لاكن اذا سمحتلى اضافة كمان على التدريب انى ببداء ادخلو انثى صغيرة غيرة عشان يتعلم انو يركب فوقها من بداية سن خمس شهور وانا ببداء اشغلو من سن 6 شهور عشان يكون اكتمل النمو ,,,,,وارجع احيييك على الفكرة دى


شكرا ليك بخصوص الإطراء على الفكره

أما بخصوص التنفيذ ففى مشروعات التربيه الصغيره 20 أو 30 أم مثلا فهى لن تحتاج مساحه كبيره جدا
من الممكن مساحه 1×1 متر تكون كافيه لكل ذكر أما الشكله فهى فى المزارع الكبيره
لأن فى المزارع الكبيره سيكون الإحتياج إلى مساحه أرض كبيره جدا
ومن الأفضل استغلال هذه المساحه فى نشاط آخر أو نشاط مساند لتربيه الأرانب
وبالنسبه للنظافه فأظن ان فى حالة تدريب 4 أو 5 ذكور مثلا فلن تكون هناك مشكله كبيره فى النظافه
المشكله ستكون موجوده فى حاله أن تكون التربيه بالكامل على الأرض
وعن فائده الفكره لإناث فهى فعلا مفيده وتعمل على تقويه منطقه الحوض عند الأنثى
وبالتالى تسهل عمليه الولاده بقدر كبير جدا
وعن عمر تشغيل الذكر فمن الأفضل إعادته إلى البطاريه قبل أن يتم تشغيله (عمر 6 شهور مثلا )
لأنه عند عودته للقفص مره أخرى تتأثر نفسيه الأرنب سلبيا إلا أنه يعتاد على الأمر بسرعه
لأنه مولود داخل قفص ومتربى داخل قفص حتى عمر شهرين
وعلى ما تتحسن حالته النفسيه يكون بلغ للنضج ويبدا فى مباشره مهمته المطلوبه منه
احمد عرابي
فكرة جميلة جداً
باذن الله هنفذها عند عودتي لمجال الارانب
او ربما نطبقها سوا ....
محمد طويله
احمد عرابي كتب:
فكرة جميلة جداً
باذن الله هنفذها عند عودتي لمجال الارانب
او ربما نطبقها سوا ....


أنا وانت على الله يا احمد
خالدمحمدطه
الف الف تحيه لصاحب الافكار البهيه
sameh ali
1007
lovers0pain
كلام جميل جدا يا باشا ومشكور جدا
بس انا عندى استفسار واحد بس
دلوقتى احنا فى البرد ولو حطينة الدكر على الارض اكيد هيتأثر بالعوامل المناخية والامراض تزيد حصوصا البرد طيب اية العمل ؟؟؟؟؟؟؟؟؟
ارجو الرد وياريت اعرف كمان بنشيل الدكر وهوا عمرة كام ؟؟؟؟؟شكرا ليك
محمد طويله
ألف شكر لكم إخوتى
خالدمحمدطه
&sameh al i
محمد طويله
lovers0pain كتب:
كلام جميل جدا يا باشا ومشكور جدا
بس انا عندى استفسار واحد بس
دلوقتى احنا فى البرد ولو حطينة الدكر على الارض اكيد هيتأثر بالعوامل المناخية والامراض تزيد حصوصا البرد طيب اية العمل ؟؟؟؟؟؟؟؟؟
ارجو الرد وياريت اعرف كمان بنشيل الدكر وهوا عمرة كام ؟؟؟؟؟شكرا ليك


شكرا على الإطراء
بخصوص البرد وتدريب الذكر
# نحاول على قدر الإمكان أن نضع الأرنب فى مكان مشمس سواء بجانب المزرعه أو على السطح
# وجود الأرضيه الأسمنتيه ستساعد وبشده على سهوله التنظيف مكان الذكر
# التنظيف لابد وأن يكون مرتين فى اليوم (الحد العادى لأى تربيه أرانب)
# حتى فى حاله عدم وجود مكان مشمس سيكون من السهل تدبير مكان لا يوجد به تيارات هوائيه

# يتم ارجاع الأرنب للبطاريه عند عمر 5 شهور ونصف ليتم تشغيله عند عمر 6 شهور
lovers0pain
شكرا ليك اخى الفاضل
محمد طويله
lovers0pain كتب:
شكرا ليك اخى الفاضل


العفو ـ تحت أمرك
mkhalaf
شكلي هتعلم من كتير يسلمو اديك
محمد طويله
mkhalaf كتب:
شكلي هتعلم من كتير يسلمو اديك


شكرا ليك
وصدقنى أنا اقل أعضاء المنتدى علما
waelawad
flower
محمد أبوعيله
1000
hassan77707
جزاك الله خيرا
avatar
تسلم استاذ محمد

وتسلم لنا افكارك الممتعه

حياك الله ياغالي
ربنا يزيدك من علمه كمان وكمان
power_settings_newقم بتسجيل الدخول للرد
remove_circleمواضيع مماثلة
privacy_tip صلاحيات هذا المنتدى:
لاتستطيع الرد على المواضيع في هذا المنتدى