منتدى الأرانب للجميع
كيفية التعامل مع الإناث الرافضه للتلقيح حصريا على منتدى الأرانب للجميع  - صفحة 2 343215

أهلا وسهلا بك زائرنا الكريم ، في منتديات الأرانب للجميع .
المرجو منك أن تقوم بتسجـيل الدخول لتقوم بالمشاركة معنا. إن لم يكن لـديك حساب بعـد ، نتشرف بدعوتك لإنشائه بالتسجيل لديـنا . سنكون سعـداء جدا بانضمامك الي اسرة المنتدى . مع تحيات الإدارة

كيفية التعامل مع الإناث الرافضه للتلقيح حصريا على منتدى الأرانب للجميع  - صفحة 2 Rabbit10


أول منتدى عربى رائد في مجال تربية الأرانب ومستلزماتها ... يضم صفوة خبراء المجال ويعتبر الوجهة الأولى لمربي الأرانب فى العالم العربي ، حيث يساعد أصحاب الأرانب والحيوانات بأمورتربيتها ورعايتها وكيفية التعامل معها ، تجد به أيضا كل ما يهمك عن الزراعة وتربية
 
الرئيسيةالتسجيلدخول

انتقل الى الصفحة : الصفحة السابقة  1, 2, 3  الصفحة التالية
كيفية التعامل مع الإناث الرافضه للتلقيح حصريا على منتدى الأرانب للجميع
تاريخ النشر : 06/12/2011
 
 
محمد طويله
المدير العام
المدير العام
محمد طويله

<b>الإنتساب</b> الإنتساب : 14/01/2011
<b>الجــنـس</b> الجــنـس : ذكر
<b>المساهمات</b> المساهمات : 5589
<b>تقييم المستوى</b> تقييم المستوى : 223
<b>نقاط التميز</b> نقاط التميز : 9320
<b>العمر</b> العمر : 38
<b>المدينة</b> المدينة : الزقازيق
المهنه : محامى معتزل
 

السلام عليكم ورحمه الله وبركاته

من ضمن أسباب رفض الأنثى للتلقيح الأسباب التاليه
1ـ حداثه سن الأنثى ونقص نمو الأعضاء التناسليه عندها
2ـ وجود إلتهابات فى المبايض أو الرحم أو عنق الرحم
3ـ ارتفاع درجه الحراره فى الصيف وهذا يجعل الأنثى أقل رغبه فى التلقيح
4ـ تربيه الذكور مع الإناث فى جماعات وليس فى أقفاص متفرده والمهندسبن بينصحوا
إن تربيه الإناث من الممكن (فى حالات الضروره) تربيتها فى جماعات مع مراعاه وجود أماكن للولاده بنفس عدد الإناث
يعنى لوعندك 5 إناث على الأرض لازم يكون موجود فى نفس المكان خمس أماكن للولاده أما الذكور فالأفضل أن يكون
كل ذكر فى قفص منفرد لزياده ترغيب الأنثى فى الذكر
5ـ من الممكن أن يكون الخوف سبب رئيسى فى عدم قبول الأنثى للتلقيح حتى لو كانت الأنثى قديمه
وولدت أكثر من مره لأن وقتها بيكون الخوف سبب عارض
زى ما يكون فى عند الجيران فرح والدى جى شغال طول الليل ممكن تيجى تلقح الأنثى بالليل تلاقيها رافضه التلقيح
رغم إن عمرها ما رفضت ـ فقط هو الخوف من الحاجه الجديده اللى أول مره تتعرض ليها هو اللى سبب ليها ده
طيب لو النثى لا خايفه ولا صغيره فى السن ولا مريضه ولا عندها أى حاجه ممكن تخليها ترفض التلقيح
وكمان هانفترض انك نزلتها لذكر مدرب وجاهز

[ندعوك للتسجيل في المنتدى أو التعريف بنفسك لمعاينة هذا الرابط]
وإن القفص مستدير وليس مربع حتى لا تلصق مؤخرتها بركن القفص
زى الأقفاص دى
كيفية التعامل مع الإناث الرافضه للتلقيح حصريا على منتدى الأرانب للجميع  - صفحة 2 372469737
ورغم كل ده رافضه التلقيح وده طبعا دلع سخيف إحنا مش محتاجينه طيب نتصرف إزاى
كتير من المربين الخبره فى التربيه بيستعملوا الأستك فى تلقيح الإجبارى
أستك عادى جدا زى بتاع البيجامات موجود عند أى عطار وفى الأسواق
و بيستعملوه بإنهم يربطوا ذيل الأنثى بالأستك ويشدوا الذيل من أعلى الأرنبه وبنفس اليد الممسكه للأستك
يتم إمساك الأرنبه من الأذنين مع جزء من فراء خلف الرقبه واليد الأخرى بيتم حمل الأرنبه بها وتقديمها للذكر
من فتحه جانبيه للقفص أو بيشيلفوا العلافه ويدخلوا الأنثى من مكان العلافه مع رفع مؤخره الأرنبه قليلا
لإعطاء فرصه للذكر أن يقوم بالتلقيح
لكن بيقابلهم مشكلتين
الأولى ممكن يكون الذكر بيرفض الأنثى المربوطه ويبقى كده ماعملناش حاجه
والمشكله الثانيه ممكن الذكر يطلع بأظافره على إيدك ويخربشك وانت أكيد مش محتاج تتخربش
أو حتى يتعمد يخربشك علشان تترك الأنثى
والحل مع الأنثى اللى بتتدلع الدلع السخيف ده هو برضه الأستك بس الإختلاف فى طريقه استخدامه
بدل ما تمسك الأرنبه بالأستك بالطريقه دى هانعمل طريقه أخرى
1 ـ نقوم بربط الأستك لتكوين حلقه كامله به (دايره)
2ـ طرف الدائره يتم تثبيته فى ذيل الأنثى ليس بالربط وإنما نعملها (شنيطه)
ووصفها انك تطبق الأستك المعمول دائره وتيجى على الطرف المتنى و تثنيه على نفسه مره أخرى لكن بعكس تطبيقه الأستك الأولى وبعد شد الأستك والتأكد من ثباته فى ذيل الأنثى
نأتى للطرف الثانى من الأستك نثبته على ظهر الأنثى بحيث تدخل كل قدم من الأقدام الأماميه للأرنبه بجانب من الدائره
ويتصل الجانبين من الأعلى خلف رقبه الأنثى
يعنى كأنك بتلبسها شنطه المدرسه
والنتيجه هى أنثى (متكتفه) من كل ناحيه وذيلها مرفوع وقابله للتلقيح حتى لو كانت رافضه
ومجرد ما تنزل للذكر بيعتليها على طول
بس المهم لو انت فى الظروف العاديه بتقدم الأنثى للذكر مرتين فى ظروف التلقيح الإجبارى قدمها للذكر 4 مرات
مثلا مرتين بعد الفجر ومرتين فى العشاء أو ثانى يوم مثلا لأن نتيجه التلقيح الإجبارى هى 50 % كما يؤكد الكثير من المربين والخبراء
يا رب أكون قدرت أوصل المعلومه


قبل أى شئ أنا متأسف جدا جدا جدا على التأخير فى موضوع الصور
ويارب تكون الصور واضحه ومبينه الأمر بسهوله

صوره ـ 1
طبعا لأنى مش اعرف اوضل الأمر على ذيل الأرنبه فاستعملت قلم واعتبروا القلم هو الذيل
وده شكل الأستك المربوط على القلم (ذيل الأرنبه)

كيفية التعامل مع الإناث الرافضه للتلقيح حصريا على منتدى الأرانب للجميع  - صفحة 2 961459041

صوره ـ 2
وده شكل الأرنبه وهى مربوط فيها الأستك واللى مايعرفش الربطه دى بتتعمل ازاى مش مهم
المهم انك تربط الأستك فى الذيل بأى ربطه تعرفها ويكون الأستك بنفس الشكل الدائرى اللى فى الصوره


كيفية التعامل مع الإناث الرافضه للتلقيح حصريا على منتدى الأرانب للجميع  - صفحة 2 481211471

صوره ـ 3
ده شكل الأرنبه من الأعلى وهى ملفوف الأستك حواليها الأجناب باينه وواضحه
والأستك من على الظهر أنا رافعه بإيدى علشان يبقى واضح فى الصوره
زى ماقلنا كأنها بتلبسها شنطه المدرسه


كيفية التعامل مع الإناث الرافضه للتلقيح حصريا على منتدى الأرانب للجميع  - صفحة 2 749824974

صوره ـ 4
ده شكل الأرنبه من الخلف ـ الوضع اللى بتنزل بيه للذكر ذيلها مرفوع ومشدود للأعلى
من غير ما تمسكها بإيدك وبفضل الله الذكر بيلقحها على طووووووووول
ونأسف على التأخير مره تانيه وعلى عدم جوده الصور
بكره ربنا يكرم بموبايل احسن من كده


كيفية التعامل مع الإناث الرافضه للتلقيح حصريا على منتدى الأرانب للجميع  - صفحة 2 885888323


عدل سابقا من قبل M.Tawela في الخميس نوفمبر 29, 2012 4:03 pm عدل 2 مرات (السبب : تعديل العنوان والتثبيت)

عندى ليك عرض خاص مابعملوش لحد
إنت من الزقازيق لو تقبل انك تشرفنى وتجيب معاك واحده من الإناث دى نتعامل معاها سوا
وأوريلك التلقيح الإجبارى بشكل عملى أنا مستعد وتحت أمرك

طريقه فعلا عمليه ومش صعبه ان شاء الله هجربها

الف شكر علي الشرح الوافي ده بس انا مش شايف الصور bounce

ممكن تكون محتاج برنامج فلاش مثلا للجهاز بتاعك
أو إنك تستعمل متصفح تانى فاير فوكس بدل جوجل كروم أو جوجل كروم بدل إكسبلاور

بصراحة دى اختراع الله ينور

شكرا يا مينا
ده بس من ذوقك

أنا من أول ما دخلت المنتدي ده وأنا متابع جيد للمعلومات اللي في الصميم
وتقريبا كلها من خبرات :
أ \محمد طويله
12 1007

دى مش مجاملة يا ريس فعلا دى اختراع انا عن نفسى لما باجى اعمل تلقيح اجبارى بامسكها للدكر جربت الفتلة مرة واحدة و قرفتنى بصراحة انما موضوع الاستك ده بصراحة اختراع بجدارة

محمد طويلة بجد انتا مخك ده يستاهل وزنه ذهب ربنا يزيدك من فضله
انا كنت اسمع عن طريقة الاستك بس الصور وضحتها تمام
12 12 12

شكرا ليكم جدا على الكلام الجميل ده
وانا مازلت مصمم إن المسأله توفيق من ربنا مش اكتر

استاذ ورئيس قسم احييك على طريقة ربط الاستك لأن طريقتي كانت ربط الاستك حول رقبة الانثى ولكن كان يضايقه ويخنقها قليلا ولكن طريقتك رائعة برافو يا استاذ محمد

شكرا لك
ده من ذوقك

السلام عليكم

شكرا لك على الموضوع الرائع لكني لم تضهر عندي الصور ياريت لو تضعها اخي

او تعيد رفعها

الصور موجوده بالفعل وظاهره

ما شاء الله على افكارك الجميله فعلا دى فكره كويسه جدا تسلم يا اخ محمد

اشكرك جزيل الشكر

موضوع جيد يستحق التقدير انا جربتها بس ذيلها بيميل مع الاستيك على جنب ومعرفتش القحها شكرااا للمعلومات القيمة

فعلا كتير بيحصل كده
بس بنحاول نظبطها قدر الإمكان وبإذن الله قبل اى شئ بيتم التلقيح
ابو انس عبدالله الرفاعي
رد: كيفية التعامل مع الإناث الرافضه للتلقيح حصريا على منتدى الأرانب للجميع
مُساهمة في الجمعة يناير 03, 2014 4:20 pm من طرف ابو انس عبدالله الرفاعي

تسلم ايدك

انا جربت الاستك ولقيته ناجح بنسبه70 فى الميه واكتر والف شكر ليك يا استاز محمد ونرجو منك ديما متحرمناش من معلوماتك الطيبه

ممكن ا\مجمد عنوان مزرعه جرين فالى وهل عندهم ارانب جاينت فلاندر او الغلمش جاينت واية راى حضرتك فى ارانب الهاى بلس اللى عندهم واية اسعارهم انا عارف انى بتقل على حضرتك

ألف شكر
ابو انس
و أمير

[ندعوك للتسجيل في المنتدى أو التعريف بنفسك لمعاينة هذا الرابط] كتب:
ممكن ا\مجمد عنوان مزرعه جرين فالى وهل عندهم ارانب جاينت فلاندر او الغلمش جاينت واية راى حضرتك فى ارانب الهاى بلس اللى عندهم واية اسعارهم انا عارف انى بتقل على حضرتك

حضرتك فى اعلان فى المنتدى لجرين فالى
ومكتوب فيه رقم التليفون
ممكن تكلمهم وتشوف طلباتك اللى انت عايزها

أما الهاى بلس اللى عندهم معنديش فكره عنه

جزاك الله خيرا

جزاك الله الف خير
صفحة 2 من اصل 3انتقل الى الصفحة : الصفحة السابقة  1, 2, 3  الصفحة التالية

مواقع صديقة :   الابل  
كيف كيفية