تجربتى والخلاصه فى استنبات الشعير

الموضوع بدء معايا من التوبيك بتاع الراجل masrawe
[ندعوك للتسجيل في المنتدى أو التعريف بنفسك لمعاينة هذا الرابط]



وقريت عن فوائده للارنب والحيوانات و تكلفته الضعيفه و تجربتى كانت على 3 طرق فى نفس اليوم

زرعت فى صينيه و زرعت فى مصفاه و زرعه على قماشه

افضل نتيجيه كانت على الصينيه و على المصفاه و لكن يعيب المصفاه ان الجزوز هتعدى طبعا من المصفاه و بالتالي لما تيجي تخرج الشغير هتضطر تقطع الجزور

اما الزراعه على قماشه او حاجه مسطحه فبيحصل عيب خطير ان الشعير الللى بيبقى تحت على القماش بيفضل مبلول ورطب ويشرب ولكن اللى فوق بينشف فبتلاقى اختلاف فى النمو اللى تحت اكبر من فوق

التجربه والخلاصه كالتالي

1- النقع 24 ساعه فى ميه ويتغسل اونا على فكره ماستخدمتش كلور ولا اى حاجه فى غسيله وده مش معناه ان غسيله غلط لا انا بقول تجربتي

2- هتفرشه فى صينيه بلاستيك وانا جبت صينيه عاديه هتشوفها دلوقتى و خرمتها من فوق وتحت كام خرم علشان الاخرام اللى تحت تسرب المياه الزائده واللى فوق للتهويه فى اول يومين

3- بعد ماتفرش الشعير هتغطيه بحاجه سوداء او المهم انه مايشفنش نور لمده يومين ..لية؟؟ علشان الحبوب تشعر وكانها مدفونه تحت الطين مثل الحقيقه فهى لا ترى الضوء ولذلك تتحفز الجزور للخروج لتخرج الاوراق بعدها ( مش معنى كلامى انك تخاف و ومايشفوفش النور ولا ثانيه لا عادى متحبكهاش قوى يعني افتح عليه وسقيه فى دقيقه وخلاص)

4- اليوم التالت والرابع تشيل من عليه الغطى وتبدء تعرضه لنور رينا او نور لميه نيون و حتى اللمض الصفراء مش سيئه 3 مرات فى اليوم المره ربع او نص ساعه او تسيبه فى نور ربنا يعنى بنحاول نوفرله جو ربيعى كان الدنيا مغيمه انا كنت بعمل اية حاطه فى اوضه وفاتح الشيش و قافل الازاز

5- الخامس والسادس والسابع كل يوم تزود مده و تعرضه للاضاءه للدرجه انى انا فى اليوم الاخير كنت بسيبه فى النور حوالى 18 ساعه يوميا

و بعد كده تبدء اكل

الخلاصه فى لعبه الاضاءه
ان اول يومين بنديله ايحاء انه مدفون تحت الارض فبنضلم عليه
تالت ورابع يوم بنديله ايحاء ان الدنيا مغيمه نور خفيف
خامس وسادس يوم بنديله ايحاء اننا فى منتصف النهار فى الشتاء يعني مافيش شمس
سابع يوم بنديله ايحاء انه نبات طيعي يتعرض طول اليوم للاضاءه والظلام بليل

ودي الصور
عمر 7ايام




و على فكره ياشباب احسن فيديو واخف فيديو يوضح مراحل نمو الشعير و لازم يبقى بنفس المعدل عندك هو ده
[ندعوك للتسجيل في المنتدى أو التعريف بنفسك لمعاينة هذا الرابط]