هاى بلس عمر فطام

فين بالضبط يا بشمهندس

بسم الله
مزرعة بالقلج - المرج الجديدة - القاهرة

مفيش اى حد يا هندسه جاى المحلة من ناحيتك تبعتلى معاه

المشكلة انا من نبروة هتبقى بعيد عليا جدا

اكرمك الله يا استاذ عبد السلام ربنا لا يحرمنا منك ومن ذوقك
الا نبروه دى تبع ايه

ياراجل دة احنا جيران مش عارف نبروة انت مش من المحلة ولا اية دة لو سالت اصغر طفل فى المحلة هيقولك
نبروة دة مدينة ومركز فى محافظة الدقهلية وهى على الحدود مع مركز المحلة الكبرى مباشرة بينها وبين المحلة 1/3 ساعة بالسيارة
ومشهورة بالفسيخ اشهر واحلى فسيخ فى مصر كلها واهلها تجار كبار وليهم علاقات تجارية مع كل مدن الجمهورية وعلى راسها المحلة الكبرى طبعا

احرجتنى يا استاذ عبد السلام !!!!!!!!!
بصراحة بقى منظرى وحش على العموم ولا يهمك
بس على فكرة اظن انى عديت عليها هى اظن فى طريق المحلة كفر الشيخ من ناحية بيلا
كنت رايح ابشان واظن عديت عليها صح ولا ايه ؟؟؟؟

ايوة هو دة المركز بتاعها بتعدى علية من المحلة الى محلة زياد ثم بيلا بس المدينة (نبروة) اول طريق بيلا بدل ما تروح بيلا تاخد الطريق اليمين الى المدينة نفسها انما ال انت فية دة المركز لكن لو كنت رايح المحلة المنصورة بيلا يبقى اكيد انت عديت على نبروة (المدينة ) لان الطريق بيمر من المدينة نفسها لو جاى من المنصورة
وياعم انا بهزر معاك ولا احرجتك ولا حاجة ولايهمك متزعلش منى

والهاى بلس اظاهر مفيش قدامى انا وانت الا الاستاذ محمد طويلة او الاستاذ احمد شلبى بس الاستاذ احمد عندة مشكلة شوية فى الهاى بلس لكن ربنا يسهل والعملية تمشى معاة على خير

لا يا اخى الحبيب ده بهظر مقدرش ازعل منك ربنا يكرمك انا كده عرفتها هى فعلا كانت على يمين الطريق لبيلا من محلة زياد
هو بس المشكلة بعد المسافات والاستاذ محمد عايزله مشوار محترم للزقازيق خاصة فى الرجوع لان مواصلات المحلة من هناك صعبه شويه واضطر اروح طنطا ومنها للمحلة غير انى خايف عليهم من طول الطريق
مش عارف بقه نعمل ايه

خلاص اصبر لو جبت اجيبلك معايا وتبقى تاخدهم منى انت هتبقى المسافة سهلة شوية

ماشى مفيش مشكلة ان شاء الله لما تنوى قولى وانا اعرفك طلبى وربنا يجزيك كل خير

ربنا يحسنلك سوقهم يارب