حكـــــــاوى هــــــــاوى ـــــــــــــ الحلقة الرابعة ــــــــــ الاستاذ ابو شبل

السلام عليكم ورحمة الله وبركاته

    اهلا بيكم فى الحلقة الرابعة من برنامج ـــــ حكـــاوى هــــاوى ـــــ ضيفنا وضيفكم النهارده مشرف عام اقسام الارانب رجل ذو خلق كريم ويحب روح

التعاون والمودة اجتماعى بطبعه وده

اللى شفناه من خلال مشاركاته فى المنتدى وكذلك عرفناه بمواضيعه المميزه وطرحه الجيد رأينا مشاركاته وردوده المميزه فى كل موضوع بالمنتدى

                                               ضيفنا وضيفكم **** ابو شبل ***


                                    إن شاء الله تعجبكم الحلقة متبخلوش علينا بتعليقاتكم واقتراحاتكم

                                                       وجزاكم الله خيرا

بداية اهلا بيك يا استاذ ابو شبل لو تسمحلنا نتعرف على حضرتك اكتر وعلى بداية قصة عشقك للارانب واقتراحات حضرنك لتطوير الهواية فى مصر وكذلك

تطوير المنتدى من خلال الاسئلة القادمة:

1. الاسم السن العنوان المهنة؟

- الاسم /هشام محمد 27 سنه من المنصورة اعمل بشركه مياه

*&*&*&*&*&*&*&*&*&*&*&*&*&*&*&*&*&*&*&*&*&*&*&*&*&*&*&*&*&*&*&

2. كلمنا عن بدايتك مع هواية تربية الارانب؟


كنت شفت الارانب عند احد اصدقائى سنة 2000 وكان بيربى على الارض فقررت انى اجيب ارانب منه واربيها واشتغلت بالارانب البلدى 3 شهور وبعد كده غيرت وجبت كاليفورنيا ونيوزلندى وربناهم فى بوكسات خشب×سلك وكنت بصنعها انا ووالدى وكانت 3 ادوار والدور 4 عيون ومظبطين الصرف بتاعها بخشب ابلاكاش ومشمعات وكان المكان عبارة عن غرفتين مساحتهم الكليه تقريبا 40 متر واستمر الحال ده لمده 3 سنوات وقمنا بالتصفيه وبدأت التربيه مره اخرى بعد فى 2011 ببطاريات

*&*&*&*&*&*&*&*&*&*&*&*&*&*&*&*&*&*&*&*&*&*&*&*&*&*&*&*&*&*&*&
3. اول مكان ربيت فيه الارانب كان بطاريات ولا كان مكان عادى ارضى ؟ ولو ارضى كلمنا عن مواصفات المكان من حيث ازاى قدرت تسيطر على نضافة العلف والمايه وخلافه من مشاكل التربية الارضية؟

بدأت التربيه فى بوكسات خشبيه
*&*&*&*&*&*&*&*&*&*&*&*&*&*&*&*&*&*&*&*&*&*&*&*&*&*&*&*&*&*&*&

4. بدات تربية بكام ارنب؟

فى 2000 كانوا ارنبين بلدى وبعد كده جبنا الكاليفورنيا والنيوزلندى واصبح عندنا 25 ام والذكور
فى 2011 كانت بدايه بسيطه ب3 امهات وذكر وبعد كده تتطور الامر ليصبحوا 60 ام والذكور

*&*&*&*&*&*&*&*&*&*&*&*&*&*&*&*&*&*&*&*&*&*&*&*&*&*&*&*&*&*&*&

5. اول ارنبة ولدت عندك كام ؟


اول ارنبه فى التربية الثانيه لانى اتذكرها بشكل جيد كانت كاليفورنيا وولدت عندى 7

*&*&*&*&*&*&*&*&*&*&*&*&*&*&*&*&*&*&*&*&*&*&*&*&*&*&*&*&*&*&*&
6. اكتر ارنب اتعلقت بيه ومش ناسيه لحد دلوقت ؟


بصراحه انا متعلق بيهم كلهم وفاكرهم وفاكر ارقامهم لدرجة انى كان ممكن انزلهم كلهم على الارض مع بعض وارجع كل واحد لمكانه الصحيح

*&*&*&*&*&*&*&*&*&*&*&*&*&*&*&*&*&*&*&*&*&*&*&*&*&*&*&*&*&*&*&
7. اول مرض واجهته فى تربية الارانب ؟ واتصرفت معاه ازاى ؟


اول مرض شفته فى الارانب كان افتراس اجنه ويليه الجرب

*&*&*&*&*&*&*&*&*&*&*&*&*&*&*&*&*&*&*&*&*&*&*&*&*&*&*&*&*&*&*&
8. اكتر مشكلة واجهتك فى تربية الارانب؟

اكتر مشكلة واجهتنى ولازالت تواجهنى حتى الان هى الحساسيه من رائحة الامونيا

*&*&*&*&*&*&*&*&*&*&*&*&*&*&*&*&*&*&*&*&*&*&*&*&*&*&*&*&*&*&*&
9. فى البدايات كنت بتاكل الارانب ايه؟

فى البدايه الاولى كنت بأكل الارانب دش ذرة ورده وعيش وبرسيم واى حاجه ممكن الارانب تاكلها ولا كنت اعرف اى حاجه عن امراض ولا علاجات ولا اضافات مياه ولا الحاجات دى خالص وكانت ماشيه بفضل الله
فى البداية الثانيه استخدمت علف خاص بمزرعه احد اقاربى والحمد لله الحالات المرضيه التى يسببها العلف عندى من النوادر

*&*&*&*&*&*&*&*&*&*&*&*&*&*&*&*&*&*&*&*&*&*&*&*&*&*&*&*&*&*&*&
10. تجربتك مع الاعلاف ؟ كلنا عانينا الكتير مع الاعلاف.


الحقيقه ماجربتش اعلاف السوق نهائيا
*&*&*&*&*&*&*&*&*&*&*&*&*&*&*&*&*&*&*&*&*&*&*&*&*&*&*&*&*&*&*&
11. كلمنا عن اول مرة بعت فيها ارانب من انتاجك؟

كانت زمان جدا مش فاكرها بس على ما اتذكر كان الكيلو ايامها ب 9 جنيه
*&*&*&*&*&*&*&*&*&*&*&*&*&*&*&*&*&*&*&*&*&*&*&*&*&*&*&*&*&*&*&

12. كيف تعرفت على المنتدى؟؟

انا عرفت المنتدى وانا بتصفح وكان فى منتديات ومواقع اخرى لكن منتدانا كان افضلهم على الاطلاق وقعدت فتره كبيره زائر أتجسس من بعيد لبعيد لانى ماكنتش اعرف التسجيل فيه ازاى هههههههههههههه

*&*&*&*&*&*&*&*&*&*&*&*&*&*&*&*&*&*&*&*&*&*&*&*&*&*&*&*&*&*&*&
13. ماتتمنى ان تراه فى المنتدى؟
المنتدى فيه كل مااتمناه من صحبه ناس افاضل وكرماء فى التعاون بدون مقابل بخلاف انه يحتوى على قدر من الخبرات والمعلومات يستطيع ان ينهض بمبتدئ فى تربيه الارانب الى عالم الاحتراف

*&*&*&*&*&*&*&*&*&*&*&*&*&*&*&*&*&*&*&*&*&*&*&*&*&*&*&*&*&*&*&
14. اقتراحاتك لتطوير تربية الارانب فى مصر؟

يجب ان يوجد رابطه او بورصه تتحكم فى الاسعار وتوسيع مجال استخدامات الارانب من جلود وفرو ومستلزمات طبيه ولا يقتصر دورها على اللحوم فقط
*&*&*&*&*&*&*&*&*&*&*&*&*&*&*&*&*&*&*&*&*&*&*&*&*&*&*&*&*&*&*&
15.راى حضرتك فى تطبيق اساليب التربية الاجنبية فى مصر من حيث الرعاية والتغذية وخلافه واستيراد سلالات من الخارج؟

انا اؤيد جدا فكره استخدام اساليب صناعة الارانب بالخارج وجلب سلالات من الخارج واتمنى ان تخرج من كونها فكرة الى حيز التنفيذ
*&*&*&*&*&*&*&*&*&*&*&*&*&*&*&*&*&*&*&*&*&*&*&*&*&*&*&*&*&*&*&
16. كلمة توجهها لاعضاء المنتدى؟


الى كل اعضاء المنتدى سواء اعرفهم شخصيا او تقابلنا فى احد المواضيع
انى احبكم فى الله واتمنى ان يسود جو الحب والموده بيننا دائما
*&*&*&*&*&*&*&*&*&*&*&*&*&*&*&*&*&*&*&*&*&*&*&*&*&*&*&*&*&*&*&

                          الف شكر استاذ ابو شبل نورتنا النهارده


                                                   جزاك الرحمن خيرا



                   دى كانت نهاية الحلقة الرابعة من برنامج حكاوى هاوى نلقاكم فى الحلقة القادمة على خير


                                          دمتم فى حفظ الله وأمنه