الحلول الجذريه حول الادويه واسعارها موضوع للنقاش

مجهود تستحق الشكر عليه
ولكن بما ان الأمر للنقاش
لا أعتقد ان الأمر هايكون مجدى لسببين
الأول / لو المربى راح للصيدلى وقاله أنما عارف ان الدوا الفلانى سعره كذا
هايقلوه بكل بساطه روح اشتريه من بره هو عندى سعره كذا
وده ببساطه لأن الأدويه البيطرى غير خاضعه لأى نوع من الرقاه فى الأسعار
وبالتالى كل واحد بيبيع على مظاجه وعلى حسب السوق
الثاني / انك كتبت انواع أدويه محدده لشركات محدده
فى حين ان بعض الأنواع موجوده تحت اسماء شركات أخرى ولها فاعليه أكبر وافضل بكثير

بسم الله
اولا الموضوع مطروح للنقاش بمعنى اخر مكانه اسال ونحن نجيب زى اى موضوع خاضع للنقاش
ثانيا ... انا لما كتبت الاسعار مجرد تبيان للناس عن حدود الشراء لانه هناك بعض المكاتب التى تغالى فى اكثر من الثمن الاصل بكثير فذاك مجرد تبيان لمن اراد البيان
ثالثا =
الادويه هناك افضل منها بكثير
تعليق يحترم
لما حضرتك رائيت انه هناك الافضل فما هو من وجه نظرك التى تحترم ؟؟؟ انتقدت ولم تورد الجيد
اخيرا ... هل هناك فيتامينات افضل من المالتيفايتامنز المستورد - البن سترب لنفس الشركه ... وغيره وغيره
ام الانتقاد لحاجه النقد ؟؟؟؟
والسلام عليكم ورحمه الله تعالى وبركاته

حاسب شويه وبلاش تاخد الكلام على اعصابك

نقاش يعنى ابداء رأى
وانا كتبت لك رأيى انت بقى اعتبرته نقد اعتبترته حاجه تانيه ـ انت وفهمك


نقاش فى الأدويه
يبقى مكانه الطبيعى باب او قسم بيتكلم فى الأدويه والعلاجات

وبعدين نقاش ايه اللى انت بتتلكم عنه وانت بتهاجم أول راى يتكتب لك فى الموضوع

عموما
بعد كده ابقى حدد مين يدخل فى نقاش معاك ومين مايدخلش
طالما ان كلام بعض الأعضاء بيعمل فيك كده

بسم الله
لاتعليق

لكن سؤالى الاوحد
هل تعتقد مثلا انك عندما تقول ان هناك ادويه افضل انك افدت القارىء ؟؟؟ او انى انتقد رايك اين هو الرىء لينتقد ؟
وبخصوص الاعصاب ...لاتعليق سوى
ربنا يهدينا ويهديك يارب

عمر عبد العزيز كتب:

بسم الله
لاتعليق

لكن سؤالى الاوحد
هل تعتقد مثلا انك عندما تقول ان هناك ادويه افضل  انك افدت القارىء ؟؟؟ او انى انتقد رايك اين هو الرىء لينتقد ؟
وبخصوص الاعصاب ...لاتعليق سوى
ربنا يهدينا ويهديك  يارب

الرأى اللى انت هاجمته ولم تتقبله
ان النقاش فى غير محله وسبب انه فى غير محله انا كتبته فى تعليقى
ده رأيى اللى انت هاجمته
ولما كتبت ان فى ادويه تانيه افضل الأمر البديهى المفهوم
ان ايه قيمه انى اروح اشترى دواء محدد علشان عارف سعره
وامتنع عن شراء دوء تانى افضل منه لمجرد انى مش عارف سعره
لو مافهمتهاش دى مشكلتك

وأتمنى من الله أن أكون بين أئمه قوافل المهتدين

وأكررها لك بلاش تاخد الكلام على اعصابك

a.abdelghani كتب:

تم نقل الموضوع لقسم ادارة المنتدى

حتى لا يترك على العام

عم عمر ما اعتقدش ان اللى كتبه طويله فيه حاجه غلط

بالعكس انت اللى ما اخدتش الرد بصدر رحب واعتقدته انتقاد

هدوا الموضوع شويه

شكرا لك على هذه الخطوة
فهذا افضل لصوره المنتدى

وعن نفسى أنا مستعد انى امسح كل المشاركات اللى كتبتها فى الموضوع
وأرجع الموضوع لمكانه
اذا كان لدى المشرف شئ مفيد ممكن يقدمه
فى انتظار رد مؤسس المنتدى
ورد المشرف عمر

بسم الله
كل اللى كتبته الجمله دى
((لما حضرتك رائيت انه هناك الافضل فما هو من وجه نظرك التى تحترم ؟؟؟ انتقدت ولم تورد الجيد ))
وفى المعجم الوجيز يقال عن كلمه نقد
نقَد الشّيءَ : بيَّن حسنَه ورديئه ، أظهر عيوبه ومحاسنه
وقصدى
انه ا محمد قال انى الادويه فيه افضل منها طب ليه ماقولتش الافضل للافاده او بمعنى اخر مااظهرتش محاسن الامور من سيئها
وعلى الجانب الاخر

ا محمد كتب
(((حاسب شويه وبلاش تاخد الكلام على اعصابك)))

هل ترى استاذ احمد ان دا كلمه تكتب لزميل على الموقع ؟؟مستنى ردك
واذا لم اتلقى الامر بصدر رحب لما كتبت ان راى ا محمد يحترم
عموما فى النهايه
انا بكتب وبنشر كلامى لله مش لاى سبب
والله يحاسب على النيات
وجزاكم الله كل الخير ا احمد عبد الغنى
ا محمد طويله

عمر عبد العزيز كتب:

بسم الله
كل اللى كتبته الجمله دى
((لما حضرتك رائيت انه هناك الافضل فما هو من وجه نظرك التى تحترم ؟؟؟ انتقدت ولم تورد الجيد ))
وفى المعجم الوجيز يقال عن كلمه نقد
نقَد الشّيءَ : بيَّن حسنَه ورديئه ، أظهر عيوبه ومحاسنه
وقصدى
انه ا محمد قال انى الادويه فيه افضل منها طب ليه ماقولتش الافضل للافاده او بمعنى اخر مااظهرتش محاسن الامور من سيئها
وعلى الجانب الاخر

ا محمد كتب
(((حاسب شويه وبلاش تاخد الكلام على اعصابك)))

هل ترى استاذ احمد ان دا كلمه تكتب لزميل على الموقع ؟؟مستنى ردك
واذا لم اتلقى الامر بصدر رحب لما كتبت ان راى ا محمد يحترم
عموما فى النهايه
انا بكتب وبنشر كلامى لله مش لاى سبب
والله يحاسب على النيات
وجزاكم الله كل الخير ا احمد عبد الغنى
ا محمد طويله

جميل
مادمت حافظ المعجم كويس كده لما مارديتش على سؤالى فى الموضوع ده
[ندعوك للتسجيل في المنتدى أو التعريف بنفسك لمعاينة هذا الرابط]
لما سالتك عن حدود كلمه يكاد اللى انت كتبتها ؟؟
وما دمت شايف ان الكلام اللى كتبته ماينفعش يتكتب لزميل
ليه انت كتبت لى فى نفس الموضوع اللى فات
((واخد الموضوع حرب شكلك يامحمد ))
فى الصفحه الثالثه منه
شوف يا عمر
كل ما اعاملك بيه انك عضو فى المنتدى وزميل اشراف (مع اختلاف الصلاحيات) لا اكثر ولا اقل
وسبق ان ذكرت لك انى اتعامل مع كل الناس فى المنتدى كأقل عضو فيهم
إلا إذا اضطرنى العضو انى اتعامل معاه بغير كده
أما الموقف الشخصى اللى حصل معاك فهو بالنسبه لى انتهى من ساعه ما قفلت التليفون معاك
عموما
أنا عند كلامى ممكن احذف كلامى اللى كتبته وارجع ليك الموضوع فى مكانه لو عندك اللى تفيد بيه الناس
وككلمه أخيره
أرجو انت تحافظ على المستوى ده من المعامله

بسم الله
من باب التذكير والاسلوب حضرتك يااستاذ محمد كتبت

(((حاسب شويه وبلاش تاخد الكلام على اعصابك)))
وايضا
(((وانا كتبت لك رأيى انت بقى اعتبرته نقد اعتبترته حاجه تانيه ـ انت وفهمك)))
وايضا

((وأكررها لك بلاش تاخد الكلام على اعصابك)))
وايضا
((وككلمه أخيره
أرجو انت تحافظ على المستوى ده من المعامله

اترك الناس لتعقب من اسلوبه جيد او لا
اخيرا
انا اسمى استاذ عمر واقول لحضرتك ليه
1- انا بكاللوريوس تجاره تقدير عام جيد جدا
2- اتمت الداراسه ت للمجاستير فى علوم المحاسبه والرساله بفضل الله لاينقص الا القليل
3- محاسب قانونى باذن الله

ولتكتب ماتكتب فلك الخيار انما انا اتذكر دائما مقوله شهيره وهى
صــافــح وســامــح وأجـعـل قـلـبـك مـتـسعـــا لـمـحـبـة الـكـل فــ ( أنــا ) و ( أنــت ) و ( هـــم ) و ( نــحـن ) راحـلــوووًن.

بسم الله
دا اقل واجب للناس المحترمه اللى فالمنتدى

وتنفيذا لتعقيب ا/ احمد عبد الغنى
تم اعاده الموضوع للعام
وبناء على رغبه كاتب الموضوع
فى ان يحكم الزملاء من الذى بدا بالخطأ فى الحديث
ومن الذى لم يتقبل كلام الآخر

اولا اشكر استاذ عمر على الموضوع الجميل

ثانيا اذا ارتضيتم رائي فيما صدر بينكم بدون زعللللل
فأنا مستعد اقوله ولكن الحق بيزعل

بسم الله
استفتى قلبك وتحدث وقل رائيك - قول الحق و ﻻ تخشى فى الله لومة ﻻئم
قال تعالى
(الَّذِينَ يُبَلِّغُونَ رِسَالَاتِ اللَّهِ وَيَخْشَوْنَهُ وَلَا يَخْشَوْنَ أَحَدًا إِلَّا اللَّهَ ۗ وَكَفَىٰ بِاللَّهِ حَسِيبًا) سورة اﻻحزاب

بصراحه أنتوا الأتنين وقفتوا لبعض
على كلام عادى جدا وبيتقال كتييييير
ربنا يهديكم ويهدينى

تسلم على المجهود الكبير دائما متميز فى موضوعاتك

بص يا استاذ عمر
صلي بينا على النبي صلى الله عليه وسلم
يا استاذ عمر خلي كل مواضيعك لوجه الله بمعنى لا تنتظر منها اي شئ دنيوي سواء كان شكر او اشراف او غيره واذا كان قد نزع منك الاشراف لسبب شخصي او مشاكل شخصية مع احد الاعضاء فهذا لا يعيبك ...
وبصراحة مواضيعك مفيدة جدا مثل موضوع التلقيح الصناعي وغيره وقد استفدت منها كثيرا .
خلاصة الكلام (لأني قليل الكلام اصلا) لا تتوقف عن مواضيعك المفيدة التي تفيد المربيين الصغار والكبار بارك الله فيك وجعل مواضيعك في ميزان حسناتك

وكل عام وانتم بخير جميعا لكل الاعضاء عيد سعيد