نبدا على بركه الله
أنا العضو ميدوا من محافظت المنوفيه شبين الكوم
وده أول موضوع ليه انشاء الله يفيدكوم
أنا أبتديت تربيه الأرانب من 5 شهور
و الصراحه معلوماتى بالنسبه للأرانب و الحيوانات مش كتيره بس بقدر أقضى نفسى بس عقلى شغال
أكتر فى الميكانيكه وكده لأجهزه كتير فحبيت أدخلكم شويه معلومات قديمه لناس وجديده على ناس
أولا الأرانب معروف أنها فى الصيف نشاطها بيقل بدرجه كبره جداا و الكسل بيذيد
وكمان بيبقى فيه خطر كبير على الأرانب لأن الحر وحش لكل الحيوانات مهما كانت
لان فيه كتير من البكتريا و الفيروسات بتحب الحراره
و أنسب وقت ليهم هوه الصيف وطبعن الجدول بتاع الولاده فى الصيف معروف
الأنثى تولد شهر وتستريح شهر بس فى الشتاء كل شهر لأن جو الولاده
بيبقى متوفر فيه عوامل صحيه كتير
معلش طولت عليكم
نبدا فى المهم
ده أول حل ومفيش أحسن منه
كل الفكره هيه فى تخفيف الحراره ومن هنا نبدا الشفاط هوه حل جيد لأنه مريح ومبيجبش تيار هوائى
بالعكس ده بياخد بس الهواء الساخن يطلعه بره المكان الى حضرتك مربى فيه وبكده يتوفر جو بارد
لدى الأرانب ويذداد نشاطهم أفضل من المروحة
لأن الحجات دى ممممممنوعه تماما لانها بتجيب برد وألتهاب رئوى ودى حاجات أحنا فى غنا عنها
مع العلم أن الشفاطات تسحب الهواء الخارجي وتطرد الهواء الداخلي في أقل من 5 دقائق
وكمان أخطر حاجه رش الميه على الأرض الميه تديك طراوه وبرد فى لحظتها بس لما بتتبخر وتبقى هوه سخن
بتروح على فين بتطلع على السقف وتعملك أحتباس طول اليل و النهار ويخنق الأرانب
وكمان نصيحه لو انته مربى على السطح حاول تعزل المكان من فوق بقش رز
وبعدين حط فوقه الفل بتاع التلاجات ده كويس جدا
طريقه كمان وجودتها تعتبر 50 % بتقفل الشباك وتغطيه من جوه بخيش وتركب
فوقه خرطوم وتشغل الحنفيه بحيث أنها تنزل نقط بسيطه على (حسب الحجم)
وبكده الهوى هيخش يعدى على الخيش يدخل هوى بارد
ولسه فيه كتير بس نكتفى بالقدر دة دلوقتى لضيق الوقت
أرجوا أنى أكون أفدتكم
و الرجاء الوحيد هو تثبيت الموضوع
كلمت شكر ودعوه صالحه تكفينى
والسلام عليكم
الياسرجىالخميس يونيو 03, 2010 5:50 pm