انا عندى ارنب ذكر مجهد وحاسس انو تعبان لان شفت براز لونو زيتى و فى دم لوحدو دا عندو ايه فى ناس قلولى انها كوكسوديا و انا مش عارف ان كان الارنب الذكر هو الوحيد و لا لا
منتدى الأرانب للجميع
أهلا وسهلا بك زائرنا الكريم ، في منتديات الأرانب للجميع .
المرجو منك أن تقوم بتسجـيل الدخول لتقوم بالمشاركة معنا. إن لم يكن لـديك حساب بعـد ، نتشرف بدعوتك لإنشائه بالتسجيل لديـنا . سنكون سعـداء جدا بانضمامك الي اسرة المنتدى . مع تحيات الإدارة
1 - الكوكسيديا نوعان كبديه ومعويه.. المعوية تصيب الارنب فى الغالب الأعم حتى عمر ثلاثة شهور وتندر فيما فوق ذلك العمر
بينما نلاحظ اصابة البالغين بالكوكسيديا الكبدية
2 – يشترك النوعان فى موضوع الهزال والضعف وعدم الشهية وخشونة الشعر لكن نلاحظ موضوع البراز المدمم او المخاطى او المخضر ابو ريحة وحشة (المستمر)فى الكوكسيديا المعوية بينما يكون الاسهال غير مدمم ومتقطع (يعنى بيروح وبييجى) فى الكوكسيديا الكبدية وبتكون رائحة البراز مش وحشة زى المعوية
كما نلاحظ كبر حجم البطن فى النوعين لكن فى الكوكسيديا المعوية يكون نتيجة تجمع السوائل فى الامعاء
وده سهل نميزه ... بينما فى الكبدية تكون نتيجة تضخم الكبد(وده مش من السهل تمييزه)
.
بالنسبة للصفة التشريحية
فى الوكسيديا المعوية نلاحظ :-
جدار الامعاء متضخم لانه بيكون ممتلىء بالسوائل . وبتلاقى الجدار لونه محمر نتيجة النزيف وممكن نلاحظ وجود خطوط بيضاء ولو الحالة متقدمة شوية لو فتحت الامعاء من الداخل هتلاقى البطانه متهتكة ومفرولة
بالنسبة للكبدية
اول شىء وهو معروف نلاحظ وجود نتوءات بيضاء مصفرة شكلها مش منتظم ولما نفتحها بيخرج سائل اخضر مصفر
تانى شىء حجم الكبد بيكون متضخم بشكل لافت لانه بيكون محشى حويصلات وبيكون هناك خطوط واضحة مصابة موصلة للمرارة
تالت شىء هو كبر حجم المرارة عن المعدل الطبيعى وكبر الحجم ممكن يكون من الادوية او المطهرات
بالنسبة للوقاية لكلا النوعين
اضافة سلفا كينوكسالين او الامبروليم او مكس منهما او اى مضاد كوكسيديا 3 يوم مرتين فى الشهر(كل 15 يوم ) يكون بحيث نكسر دورة الطفيل( 18 يوم)
بالنسبة للعلاج وهو فقط للكوكسيديا المعوية
نستعمل سلفا+تراى ميثوبريم فى ماء الشرب ولو ممكن حقن اول يوم يبقى كويس بنفس المادة الفعالة ويستحسن اضافة فيتامين ك لوقف النزيف
بالنسبة للكوكسيديا للكبدية فهى بلا علاج ناجح
وعلاجها الوحيد هى الوقاية منها
وان شاء الله يكون بخير والاخوة ذوى الخبرة هيدوك الاجابه القاطعه بس حبيت ان افيدك باى شىء ولو حتى أن أضيف لك معلومه قد تكون جديده بالنسبه لك ولعلها تتعلق بموضوعك.
عمرو عقبهالثلاثاء يونيو 21, 2011 9:41 pm