ارنوبه هانم بتاكل معايا علي السفره

السلام عليكم ورحمه الله وبركاته
زي مانتوا عارفين في البدايه كان عندي ارنبه ركس وارنب داتش وجابت 6 ارانب مات خمسه وعاش 1
ودبحت الاب وجبت غيره كتير لكن مكنش بيعرف يعشرها وكانت بتضربه ف كل مره اجيب لها ارنب بدبحه في الاخر
لغايه لما زهقت منها ودبحتها
وفضل الارنب الوحييييد الي مات اخواته الخمسه ودبحت امه وابوه
الواحد ده انا كنت فاكره ذكر طول فتره 4 شهور لكن في الاخر اكتشفت انه عنده حلمات ههههههه
المهم جبت لها دكر لونه بني وعلي وشه سواد كده ورجليه زي الكاليفورنيا
والحمد لله لسه والده 8 ارانب عمرهم دلوقتي اسبوعين بس مصورتهمش لاسباب شخصيه
المهم بقه ان الارنبه دي شهيتها مفتوحه علي الاخر لدرجه انها بتاكل بطييييييييخ وخيار وجرجير وجزر وعلف
وصلت لدرجه انها بتاكل رز ومكرونه ومره كنت عامل شكشوكه راح ناطه علي الطبليه وبقت تاكل الصلصه بالفريك ههههه
المهم ده فيديو امبارح كنت قاعد باكل اكله كده علي ما قسم الحمد لله لقيتها جايه جري من البلكونه وعايزه تاكل اي حاجه من السفره وخلاص وتقعد تشمشم اديتها خياره اكلت منها حته ونطت فوق الطبليه اكلت طماطم هههههه
والفيديو اهه

اكيد الارنبه دي لو راحت اي مزرعه ارانب هتبقه اكنها حد عزل من الزمالك للدويقه ههههه