بسم الله الرحمن الرحيم
الأرنبه إتأخرت عن ميعادها أتصرف معاها ازاى ؟
الأرنبه وصله لليوم الـ 36 من الحمل أعمل ايه ؟
وغيرها من الأسئله اللى ملهاش غير إجابه واحده
وهى بكل ثقه إحقنها أكوسى توسن وهاتولد على طول إن شاء الله
ماختلفناش على إن كل شئ بمشيئه الله
بس هانتخلف على طريقه حقن الأوكسى توسن
قبل أى كلام أحب أوضح إن المعلومه دى بالكامل مصدرها هو
د/ حسام حسن
فى البدايه لازم نعرف عن الأرنبه إن الرحم هو أشبه بكيس يحتوى على الأجنه
((مع الإحتفاظ طبعا بالوصف التشريحى العلمى السليم للرحم ))
بس هانتفق على كده مؤقتا لحد ما نشرح الأمر
والرحم مصنوع من نسيج خاص جدا يستطيع أن يتمدد ويكبر حجمه كلما كبر حجم الأجنه
ويستطيع أن ينقبض ككل حتى يخرج الأجنه من فتحه الرحم بعد أن يكتمل نموها
مهمه الأوكسى توسن هى مساعده هذا النسيج المصنوع منه الرحم على الإنقباض
إنقاباضات قويه سريعه حتى تخرج الأجنه من فتحه الرحم
وعمليه الحقن إن تمت بدون إجراءات وقائيه فى قد تؤدى لا قدر الله
إما إلى إنفجار الرحم وموت الأرنبه
أو إلى اختناق الأجنه أثناء خروجها وموت الأجنه
وفى الغالب هايحصل جرح للأرنبه من اسفل لأن الأجنه خرجت بقوه غير طبيعيه
وفى حاله عدم حدوث الحالتين يبقى ده توفيق كبير جدا من ربنا سبحانه وتعالى وملوش معنى غير كده
بعد المقدمه الطويله دى والشرح المفصل لتكوين الرحم وللمهمه الأوكسى توسن نبدا الشرح
يوجد إجرائين مهمين جدا لازم تعملهم قبل الحقن
أولا / إعطاء الأرنبه حقنه كالسيوم قبل حقنه الطلق بنصف ساعه تقريبا والسبب
هو تعزيز عنصر الكلسيوم فى انسجه الأرنبه ليساعد جدار الرحم
على تحمل الإنقباضات القويه الغير طبيعيه التى يسببها الأوكسى توسن .
ثانيا / حقن الأرنبه نصف سم فولون بشرى أو أى مركب يحتوى على هرمون الاستروجين
ودى حقن بيستعملها ناس كتير لجعل الأرنبه تطلب التعشير بس للأسف كتير من اللى بيعملوا كده
مش فاهمين إن ده بيخلى الأرنبه تطلب التعشير ظاهريا فقط أما التعشير لا يثبت فيها
ومهمه الفولون هنا هى توسيع فتحه الرحم وده أمر منطقى جدا
لأننا ماينفعش نضغط على الرحم علشان يخرج الأجنه اللى جواه
من غير ما نساعد الرحم على توسيع فتحه الخروج ودى مهمه الفولون
ثالثا / بعد الفولون مباشره (بـ 5 دقائق مثلا) يتم حقن نصف سم الأكوسى توسن
ويستعمل فى ذلك أوكسى توسن بشرى لأن الأوكسى توسن البيطرى شديد جدا على الأرانب
بعد ان تكون قد هيأت الأمر تماما
1ـ لتسهيل خروج الأجنه
2ـ لتخفيف الألم على الأرنبه
3ـ الحد من فرصه حدوث أى إصابات سواء للأربنه أو للخلفات
أرجو أن تكون المعلومه مفيده
وألف شكر ليك د/ حسام
منتدى الأرانب للجميع
أهلا وسهلا بك زائرنا الكريم ، في منتديات الأرانب للجميع .
المرجو منك أن تقوم بتسجـيل الدخول لتقوم بالمشاركة معنا. إن لم يكن لـديك حساب بعـد ، نتشرف بدعوتك لإنشائه بالتسجيل لديـنا . سنكون سعـداء جدا بانضمامك الي اسرة المنتدى . مع تحيات الإدارة
والإجابه من عند د/حسام
احقنها فيتاسللين بيطرى واتركها لتانى يوم ثم اعرضها على الذكر
وإن شاء الله تقبل بسهوله
ولو ماقبلتش فى موضوع فى التوقيه بتاعى اسمه
كيفيه التعامل مع الإناث الرافضه للتلقيح
شوفه كده وإن شاء الله هايفيدك
عدل سابقا من قبل M.Tawela في الثلاثاء مارس 26, 2013 6:22 pm عدل 2 مرات
محمد طويلهالثلاثاء مارس 26, 2013 4:56 pm