طريق صنع سقاية اتواماتيك في المنزل بالصور

فكر جديد
زى ما نزلنا طرق لتصنيع العلافات
جبنلكم طريقة تصنيع السقايات الاوتوماتيك
هتكلم عن طريقتين
لو عندك عدد صغير يعنى 100 او 50 او 20 او 10 او 5 هنعملهم سقايه او تو ماتيك ازاى

1- عندك جردل بلاستيك فاضى اكيد طبعا بتاع المخلل او البويات
2- عدد 4 نبل زى الى فى الصوره رقم 1 و الصوره رقم 2 دول بيتباعو عند اى حد بيبيع مستلزمات الدواجن سعره 2.5 ج
3- شنيور معندكش يبقى قطر معندكش يبقى مفك معندكش يبقى سكينه متبقاش غلس واتصرف
ده خلاص ندخل على الشغل
هتعمل 4 فتحات فى الجردل بشنيور وخلى بالك من حجم البنطه تكون اقل من حجم النبل والنبل له سن ممكن تجرب فى اى حاجه بلاستيك بره وبعدين تتاكد وطبق على الجردل
بعد عمل الفتحات بتركب النبل وانتهت العمليه
مفيش شنيور بجيب ولاعه وسخن الجردل او اسخن المفك واعمل فتحه فيه واركب النبل

كده انتهينا

لو عندك عدد كبير او صغير برده ممكن نستخدم هذه الطريقه

هنجيب ماسور pvc زى اللى فى الصور رقم 2 سعر الماسوره ال 6 متر 24 ج

وبرده عن طريق الشنيور نعمل الفتحات ونركب النبال كل 25 سم ركب نبل او زى ما تحب
كما مبين فى الصور

طيب جهزت الماسور هتوصلها ب خرطوم وتوصل الخرطوب ب برميل بلاستك سعره 35 جنيه واخر الماسوره ابقى اقفلها بخرطوم واو اعملها طبه

طيب تخيلو لو انا مثلا هربى فى بيتى 50 فرخه هجيب ماسور 2 متر ب 10 ج وهجيب 10 نبال ب 25 برميل 50 لتر ب 35 وهعمل الفكره دى
التكلفه كلها حوالى 70 جنيه لاكن

1- توفير مجهود رهيييييييييييييب
2- ماء نقى جدا وتلاشى جميع الامراض
3- الحفاظ على نظافة المكان

طيب فى حد هيطلع ويقلى بس ممكن مايه تنزل على الارض هقل ممكن تجيب ماسور 5 بوصه وتشقها وتحطها تحط الخط علشان الماء اللى ينزل ينزل فيها

موجوده فى الصوره برده
منقول من مهندس زراعي