السلام عليكم اعضاء المنتدى الكرام
قصه الموضع كاللاتى :
منذ شهر تقريبا كان لدى اكثر من ام ولدين فى وقت واحد وكل اسبوع بيتم نظافه البطاريه بالكامل على النحو الاتى
1 - بشيل الخلفه خالص
2 - بشيل النشاره بالكامل الى فى البطاريه
3 - برش البطاريه بالبيوتكس 1 / لتر
4 - يتم وضع نشاره جديده بالكامل
5 - يتم وضع القليل من شعر الام من القديم " اول اسبوع "
5 - وضع الخلفه مره اخرى
ذلك بيتم كل اسبوع لاى ام ولده فى البطاريه
بعد شهر من الولاده بيتم الفطام وانا بشيل الفطام عشان احطهم فى بطاريات التسمين فى مكان بعيد عن الامهات والذكور بلاقى الاتى
اطراف الاذن بتكون مصابه بالجرب بسيط جدا جدا وبلاقى تحت بطاريات التسمين بعض الشعر من الصغار
بتعامل مع المرض بالعلاج بعد اسبوع من الفطام عشان يكونو شدو حالهم شويه خصوصا بكون لسه فى ظهور المرض بتعامل كالاتى:
1 برش بطاريا التسمين بالبيوتكس فى حين وجود الفطام وبرش الديزنون تركيز 60 % فى حاله البطاريات الفارغه
2 بدهن اكتومثرين بشرى بتركيز 5 % على الاذن كل يوم لمده 3 -4 ايام
3 اعطاء حقنه ايفوماك شرتطين تحد جلد الرقبه
4 اعطاء جرعه ايفوماك اخرى شرتطين بعد خمس ايام من تاريخ الجرعه الاولى
العلاج بيبان مفعوله بعد اسبوع تقريبا وبيكون بفضل الله
قبل التسويق بيكون اختفه تمام
اسف على الاطاله
ده الموضوع كله الاستفسار هنا
1 - ايه سبب الجرب مع العلم ان النظافه مستمره كل اسبوع فى البطاريه والحضانه رش وخلافه من النظافه
2 الام لم تصاب من الجرب اطلاقا مع العلم حتى بعد الفطام لم تصاب وبعد وش تانى ليها لم تصاب ايضا
فى ناس بتقولى انى اعطى جرعه ايفوماك نصف سنتى بعد الولاده بخمس ايام وقايه ليها وللخلفه
مع العلم انا مبرجحش الايفوماك فى حاله الوقايه عشان اللبن والاخصاب وخلافه وانا اساسا مبستعملش الايفوماك الا فى حاله الاصابه فقط
افيدونى ما سبب جرب الاذن الذى لدى والحل
هل اعطى جرعه الايفوماك للام بعد الولاده وتكون الجرعه اد ايه وبعد كام يوم من الولاده والقح بعد الايفوماك بكام يوم
مع العلم اللايفوماك اللى عندى مصرى
اسف على الاطاله كان يجب على شرح الموضوع للتشخيص الصحيح
ارجو منكم الافاده والتشخيص شكرا لكم اعضاء المنتدى الكرام
ahmedgabermالثلاثاء يناير 26, 2016 12:13 pm