الان هل يعترف من قال نعم فى الاستفتاء انه أخطأ ؟

بصراحة يا أ/بليغ الناس دى لوخلت الانتخابات 2013 بقى العوض على الله فى البلد للابد
م/عبد العزيز عمر
0120320025/0190603031/0116622065

بسم الله
اقدر رأيك دكتور ابراهيم والزمان خير معلم

ونتذكر جميعا ان من قال لا اكد مرارا وتكرار انها اقصر الطرق للاستقرار والنتيجة الان واضحة

لا بصراحه انا لسه شايف ان نعم هي الطريق الصح
لان دلوقتي في خريطه محدده لانشاء مجلس شعب ودستور ورئيس يجي في النهايه
وكمان زي ما المثل بيقول (تعوي الكلاب والقافله تسير)
وزي ما انت شايف كل شويه مظاهرات وضرب في الجيش علشان ياجلو الانتخابات
بس في النهايه برضو الشرعيه للشعب
والانتخابات هتتعمل عاجلا او اجلا
وكمان الدستور هيتعمل علي نار هاديه وبراحته خالص
لاننا كده كده هنختلف علي مواد كتير جدا في الدستور الجديد
وكده يكون في وقت لانشاء دستور يتفق عليه الشعب كله
في وجود خريطه سياسيه محدده بالترتيب
تخيل انت لو كنا قلنا (لا) كانت هتبقه فوضي ومظاهرات كل شويه علشان كل واحد يفرض رأيه
وتخيل بقه لو التيار الديني نزل زي مليونيه (اسلاميه اسلاميه)ساعتها كل الكتاكيت هتستخبي
وكمان اقرأ عن الثوره الروسيه الاول قبل ما تقول طول المده وكده عادي ان شاء الله حتي نقعد خمس سنين منغير رئيس
المهم الاستقرار الخارجي
انما في الداخل بقه الصراعات السياسيه عمرها ما هتنهي الا لما يجي رئيس منتخب والموضوع يخلص
وعلي فكره انا واحد من ناس كتير نزلت باسرتي كلها اليوم ده علشان اقول نعم
ولان اسرتي مش سياسيه انا قعدت حوالي ساعتين قبل ما ننزل افهمهم فائده اننا ننزل نقول رأينا

بسم الله
ليه بس الاستفزاز فى ردودك
كلاب ايه بس اللى بتعوى وكتاكيت مين اللى هتستخبى

رجاء التزام ادب الحوار فلا ضير من قول رأيك دون قول الفاظ الحلوين اللى زيك بتوع اسلامية المفروض يكونوا ادرى واكثر التزاما بخلق الاسلام علشان بس الناس تصدق ومحدش يقول فاقد الشىء لا يعطيه

السلام عليكم
اولا انا لا امثل التيار الديني
ثانيا انا انسان عادي جدا ف سلوكي لا يمثل سلوك اي مجموعه او طائفه باي شكل من الاشكال
ثالثا انا لا اسقط الكلام عليك او اي احد من اتباع التيار التحرري او الليبرالي
رابعا انا بعتزر لو الكلام كان جارح لكن دي الحقيقه!
الاستفتاء حمي البلد من الفوضي والنزاعات السياسيه بدون خريطه لخط سير البلد
خامسا هوه حضراتكم قدمتو ايه للبلد اصلا؟
غير انكم بتطالبو بتحكيم دولي علي الانتخابات
والنصف الاخر المرتشي بيطالب بحمايه دوليه

كلامك حكم يا مستر حمادة
خير الكلام ما قل ودل

بسم الله
ننتظر رأى باقى الاعضاء

اخر مشاركه كتبتها في الموضوع ده اتحذفت ليه ؟

سؤال نوجهه لمن رغبوا فى لا.....عايزين تخيل للوضع مع لا مطروح من اصحاب لا علشان نفهم كلنا

السلام عليك ورحمة الله وبركاته اخى العزيز احمد عبد الغنى وكل عام انت وجميع رواد المنتدى بألف خير وبركة

كل سنة وانتم طيبين

بسم الله
السيناريوا اللى اصحاب لا كانوا عاوزينه هو سيناريو تونس الان
الاصل اننا كنا رفضين الاستفتاء على تعديل دستور ساقط لان التعديل معناه احياء الدستور القديم تانى
لانه مش معقول هتعدل حاجة هتتلغى
المهم برفض تلك التعديلات كنا هنطالب بدستور جديد وانتخاب لجنة تعمل الدستور وهذا كلام تم ذكره وقتها ونزلنا فيديوهات توضح ان طريق نعم هياخد وقت اطول ودا ضد الاستقرار وقولنا ان غياب الامن لا علاقة له بنتيجة الاستفتاء ودا السبب الحقيقى لانهيار الاقتصاد وتأثر السياحة

كمان البعض للاسف معتقد ان اصل المشكلة اننا بنكره الاسلاميين او نرفض اختيار الشعب لهم ودا غير حقيقى لان انتخاب لجنة لعمل الدستور برضه ممكن التيار الاسلامى هو اللى يكسب ودا مش مشكلة
المشكلة كانت فى خيارات التيار الاسلامى الخاطئة وليس الاسلام نفسه كما يصور البعض لانه يا للعجب احنا كمان مسلمين وبالصدفة نريد تطبيق الشريعة بالطريقة التى يراها اهل الاختصاص انها صحيحة والمادة الثانية لم نعترض عليها اطلاقا لكنه التضليل للاسف
كمان معظم الثوار غير مصنفين تبع حركة او جماعة فهم ليسوا ليبراليين او تيار اسلامى او حركة 6 ابريل لكن هذا لا يمنع ان نوضح الحقائق حول المغالطات المحيطة بهم