ممكن اللي فاهم يفهمني!!!!!

الحقيقه ان المسيحين العادين جاري وجارك ملهمش زنب
المشكله في قيادات الكنيسه(شنوده) واتباعه
انتي عارفه ان شنوده السادات عزله قبل كده بسبب انه ارهابي؟
دوري علي قصه جماعه الامه القبطيه
ده عايز يعمل زي المعلم يعقوب ايام الحمله الفرنسيه
عايز يحرر مصر من المسلمين
وكمان حركه6 ابريل كانت موجوده في المظاهره وطبعا سته ابريل خونه وعايزين يقلبو الجيش

بسم الله
ليه بس كدا يا هيفى ؟؟؟
6 ابريل اللى حضرتك بتخونها دى ليها فضل عليك لانها من دعت للثورة بشكل اساسى وبالتالى لها الفضل فى سجن مبارك وعتقتك من حكم ابنه جمال وبسبب الثورة الان عدد لا بأس به من الفاسدين فى السجن والبقية تأتى

اخى ما دليلك او دليل غيرك على خيانة 6 ابريل
هل كلام المجلس العسكرى الذى لم يستطيع بكل اجهزته الامنية اثبات اى شىء ؟
يا اخى امامك شباب دعى وشارك فى الثورة وعلى الجانب الاخر اعوان مبارك وشركائه فمن تصدق ؟؟

حل التناقضات ان كنت تستطيع
لما لم يقدم احد اى دليل على الخيانة المزعومة
لما تقوم حركة عميلة بثورة ويعلن المجلس العسكرى انه مع كل مطالبها المشروعة فهل تتهم الجيش انه شريك فى ثورة قام بها عملاء ؟؟
ارجوكم لا يجب ان يصل الحد الى تخوين من ضحى من اجلكم وجازف وقت كنتم بجانب اسركم امنين وحقق بعون الله جزء كبير من الحرية يستفيد منها الان رجال الدين بعد ان كانوا مطاردين وملاحقين وبسببهم اصبح للكل صوت عالى فلا يجب اول ما يعلوا الصوت يعلوا على من له الفضل فى ذلك

اما ما حدث فى ماسبيروا فهو غير منفصل عن مواقف المجلس العسكرى السابقة التى ادعوكم الى تقييمها بكل صدق وستعرف وحدك من وراء تلك الاحداث وتذكروا جيدا ماذا فعل مبارك عندما انتشرت فضيحة تزوير مجلس الشعب 2010 واراد ان يلهى الشعب فى قضية اخرى وكانت حادثة كنيسة القديسين التى عرفنا الان من كان ورائها ومن يستغل الفتنة الطائفية لمصالحه غير عابىء بكم الدمار والخراب الذى قد ينجم عن ذلك

اخير عندما تجد التليفزيون بيقول كلام والقنوات الخاصة غير المحسوبة للنظام تقول كلام اخر ومن خبرة 25 يناير وما تلاها .... تفتكروا تصدقوا مين ؟؟؟ اعتقد الاجابة مش صعبة

اخيرا الى من يقول ان المجلس العسكرى هو الجيش والجيش خط احمر اقول له ان مبارك كان القائد الاعلى للمجلس العسكرى والقوات المسلحة وعلينا ان نعيد مبارك ونعتذر له ان كان منصبه هذا يعصمه من المحاسبة

كل كلمة تكتبها او تقولها تتهم احد ظلما او تدافع عن ظالم سوف تحاسب عنها واسأل الله ان يعفوا عن الجميع

طيب يا استاز بليغ مين الخاين في النهايه يعني ؟
الجيش؟
المسيحين؟
6ابريل؟
معتقدش ان الجيش المصري خاين
ومعتقدش ان عوام المسيحين خونه لانهم مصرين زيي وزيك
لكن الي انا شايفه هوه مؤامره ليبراليه علي الاسلام وعلي مصر
طبعا انا بحترم رؤيتك جدا واحب اتناقش معاك

مع احترامي طبعا لرؤيتك استاذ بليغ ومع احترامي ل6 أبريل(مع اني مش مؤيده ليهم تمام لان مفيش دخان من غير نار)بس ياتري احنا في وقت يسمح اننا نقطع في بعض كده البلد بتضيع واحنا بندور علي حاجات تانيه غير الضياع اللي احنا فيه اوكي انا معاك المجلس العسكري معرض انه يغلط زيه زي اي حد وان المجلس العسكري ده مش يعني الجيش ماشي و من بكره المجلس العسكري ده يمشي وبعدين عايز مين يمسك البلد مين في نظرك يقدر يمسك دفة البلد دي دلوقتي ويوصل بيها لبر الامان وطبعا لازم اللي يجي يكون محصن ضد فتنة السلطه والمال واغراءات كتيره طبعا في المنصب ياريت تقولي مين ومين ده اللي هيتفق عليه الشعب المصري كله بكره الصبح لما نصبح نقول للمجلس العسكري مع السلامه انتم ناس مش عارفه تحكمنا اتفضلوا من غير مطرود وبعدين احنا ليه بنعطل موضوع الانتخابات أو زي مابيقولوا الانتقال السلمي للسلطه متهيألي اننا لو فضلنا كده يبقي اجنا اللي بنوصل البلد لحكم عسكري وبعدين معلش يعني هما الاخوه المسيحيين بيخلصوا حق 30 سنه اضطهاد دلوقتي هيا البلد مستحمله طيب يستنوا لما تستقر وبعدين ياخدوا حقهم براحتهم ولا هما بيحجزلولهم مكان في التورته ولا ايه بس والله حرام ربنا يستر علي البلد دي واللي هتوصله.
معلش عذرا علي الطاله.

هههههه
مين اللي مضهد المسلم ولا المسيحي
دة المسلم لو فتح بقة بكلمة كان المسيحي يشتكية لامن الدول
وبعدين يختفي المسلم للابد
الحق انهم زعلانين من الدوله احتمال كبير تبقي اسلامية ولا اية؟

بسم الله
تسمحوا لى اجاوب حسب فهمى
مين اللى خاين ؟
دا يتوقف لتعريف الخيانة هل هى العمالة لدول اخرى ام اى واحد بيفضل مصالحه على مصالح وطنه ام من لا يراعى دينه ويخشى ربه لذا صفة الخيانة هى متروكة لمن يريد حسب تعريفه للخيانة لكنى سوف احدد من يقف خلف كل ما يحدث الاختيارات كانت الجيش ام المسيحيين - 6 ابريل - الليبراليين - التيار الاسلامى
بالنسبة للجيش يجب ان نقول المجلس العسكرى وليس الجيش والسبب منطقى ان من يحكم الان هو المجلس العسكرى اما الجيش فهو منفذ للاوامر فليس من المنطقى ان نفهم ان العساكر والضباط يحكمون او لهم من الامر شىء وبالتالى مواضع الخلاف دائما ليس مع الجيش انما مع متخذ القرار وهو المجلس العسكرى وحده
وهنا المجلس العسكرى = رئيس الجمهورية شاء من شاء هى دى وظيفته وصلاحياته الان
من يستطيع ان يدعى انه يعرف اشخاص المجلس العسكرى اعتقد لا احد وانا اولكم لا اعرفهم وبالتالى عندما اقيم ادائهم افعل من منظور واحد وهو غير كافى للحكم عليهم
هل سفر اعضاء المجلس الى امريكا بشكل دائم وتلقيه معونات عسكرية ضخما دليلا على شىء ؟ بصراحة انا لا اعتبره دليل كافى لانه من الممكن التنسيق مع امريكا بما يتفق مع المصالح الوطنية
هل حماية او ترك اعوان مبارك فى اماكنهم مثل زكريا عزمى وغيره حتى امن نفسه ورتب اوراقه ونعانى الان فى محاكمتهم من صعوبة اثبات ما هو معروف للجميع هل دا مؤشر ؟ ممكن
هل السماح بتعذيب بعض الثوار من بداية الثورة بداية من المتحف المصرى مرورا بالسجن الحربى هل هذا مؤشر عن ايمان المجلس بالثورة .... احتمال
هل طرح استفتاء من الاساس يعتمد على تعديلات مواد من دستور تم انهاء العمل به وهو بالمناسبة تكملة لاجراء دعى له مبارك قبل رحيله هل هذا ايضا يصلح مؤشر ؟ ... هل اتهام حركة مثل حركة كفاية انها مش مصرية اصلا وهى مكونة من شخصيات من كل التيارات المصرية بالاضافة لبعض الحركات الاخرى هل هو ترصد للقوى التى شاركت للثورة .... ربما
الامر ليس سهلا خاصة ان اغلب المصريين لا يمكن ان يتصور ان المجلس العسكرى الذى اختاره مبارك بعناية طبعا ممكن يكون امتداد لمبارك حتى لو كانت افعاله من بداية الثورة تؤيد ذلك
اخيرا اسأل نفسك سؤال .... كم مرة اتهم المجلس العسكرى فلول النظام بانهم وراء احداث كثيرة فى البلاد ومع ذلك لم نرى اى حد تم القبض عليه ومحاسبته ... فهل يعجز المجلس بكل اجهزته الامنية عن القبض عليهم ام لا يريد ذلك ..... اترك الاجابة لكم
على اى حال لا داعى للحيرة لانى اعتقد ان الايام القادمة ستظهر الحقيقة ( الانتخابات وما بعدها )

المسيحيين : هم جزء من الشعب المصرى به المتطرف وبه المعتدل ومنهم المتدين ومنه العلمانى فهم ليسوا فكر واحد وحسب مشاهدتى لبعضهم اثناء الثورة فهم منقسمين الى ثوار مطالبهم هى نفس مطالب الثورة ومنهم قسم أكبر يهتم فقط بالمطالب الخاصة بهم ( الفئوية ) كحرية بناء الكنائس وعقاب من يعتدى على كنائسهم ولا اعتقد انهم خونة وان كان هناك اطراف منهم تعيش خارج مصر خاصة فى امريكا يعملون لمصلحة الغرب ومستعدين دائما لتفتيت الوطن لكنهم اقل تأثيرا وعددا ولا يمكن تعميم ذلك
لذا اعتقد ان الوصف الاقرب للمسيحين انهم فئويين ومطالبهم تخص حقوقهم فقط
هناك سؤال مهم لما الان ؟؟ طيب ينتظروا وقت اخر مناسب وبصراحة اجابة السؤال دا سهل لان ما فعلوه كان مرتبط بحوادث تحدث الان فما حدث للمبنى المراد تحويله لكنيسة فى اسوان كان هو الشرارة لما فعلوه ومن الصعب ان نطالب مجموعة ترى انها متدينة انه يمكن التغاضى عن هدم مبنى دينى لهم حتى يأتى الوقت المناسب وعلى من يعتقد ذلك ان يتصور لو قام بعض المسيحيين بالاعتداء على جامع كيف سيكون الحال وما مدى تحملك حتى تهدأ امور البلد ...... بالنسبة لى الامر واضح هناك جهات تعمل على اثارة المسيحيين الان بالذات وكما قولت حادثة كنيسة القديسين ليست ببعيد

حركة 6 ابريل الامر الوحيد الذى تم اثباته ان عدد محدود من افراده ذهب الى صربيا ليتعلم من حركة ثورية هناك تمكنت من اسقاط ديكتاتور صربى هو مجرم حرب دولى ومسئول عن قتل الاف المسلمين فى البوسنة وكوسوفا
تمكنت هذه الحركة من العمل تحت ضغط الجهات الامنية الصربية حتى تمكنوا من تنظيم ثورة على هذا الديكتاتور وهو اسمه على ما اعتقد سلوبودان ميليسوفيتش وسعى بعض افراد 6 ابريل من الاستفادة من تلك الحركة التى نجحت حتى تتعلم كيف تجابه نظام مبارك
وهنا علينا ان نسأل ضمائرنا بكل وضوح ان كان تلك الوسيلة وهذا الهدف لاسقاط مبارك هو ما يسعى اليه 6 ابريل فهل نعتبر ان هذا امر ضد الوطن ام لصالحه ؟ هذا يرجع لرأيك لكنى ارى انهم حاولوا بالاستفادة من تجارب الاخرين لعمل ما هو فى صالح مصر وهذا ليس عيبا لانهم لم يتدربوا على حمل السلاح مثلا بل مجرد كيفية التنظيم والعمل تحت الضغط الامنى وعندما عاد هؤلاء الى مصر تم استدعائهم من قبل امن الدولة واستجوابهم فلو هناك اى عمل مشين ارتكبوه ما كان نظام مبارك يتركهم
فى المقابل ماذا فعلت الحركة ضد مصر فهل مرة اطلقت شعارا ليسوا على حق فيه؟
بالمناسبة انا لا انتمى لهم لكنى فقط اقول ما اراه حق

الليبراليين .... هل هما اصحاب المؤامرة ؟ من هم اساسا الليبراليين هل هم من يكرهوا الاسلام ويحاربوه لانهم يريدوا فصل الدين عن الدولة ؟؟ هذا تعريف العلمانيين فدعنا لا نخلط الاوراق
ارجوا من اى عضوا يبحق فى ويكيبديا عن معنى الليبرالية وهو مصدر محايد
اى ليبرالى تسأله انت عاوز ايه يقولك انا عاوز حرية شخصية وانتخاب كل القيادات بشكل ديموقراطى وان لا يستخدم الدين فى السياسة لو حد عنده اضافة عن كدا ياريت يشارك
نمسك حاجة حاجة .... الحرية الشخصية : هل معناه حرية مطلقة ؟ تعالى الى منبع الليبرالية هى امريكا
هل المواطن الامريكى حر بشكل مطلق ام لا ... سنجد انه حر بحدود القانون اى انه طالما لا يخالف القانون فهو حر طيب لو طبقنا دا على الليبرالى المصرى هل مثلا لانه حر يمكن يبيح الشذوذ الجنسى مثلا بحجة الحرية وهو المثال المفضل للبعض ... الاجابة بكل بساطة هل القانون يمنع ذلك ؟ ان كان القانون يمنع ذلك فهو ليس حر طيب مهو ممكن الليبراليين لما يحكموا يغيروا القانون بحث يسمح بذلك .... سنجد عقبة اخرى تمنع ذلك وهو الدستور لانه لا يحق سن قانون مخالف لمواد الدستور وفى مادة موجودة وستكون موجودة معروفة بالمادة الثانية ان القوانين يجب ان يكون مصدرها الشريعة الاسلامية لذا الليبراليين بطبيعتهم يحترمون القوانين والدستور وهم ملتزمون بذلك ( امريكا كدا وهى منبع الليبرالية ) واحد ممكن يسأل طيب مهو ممكن يغيروا تلك المادة هنا لن يتمكنوا لان هذا يتطلب استفتاء وطبعا النتيجة هتكون رفض تام ولا انتم عندكم شك فى ذلك ؟
لذا الحرية ليست مطلقة انما مقيدة بالقوانين والقوانين مقيدة بالدستور والدستور يضمن ان تكون القوانين لا تخالف الشريعة لذا الليبرالى لن يتمكن من مخالفة الشريعة
انتخاب القيادات بشكل ديموقراطى لا اعتقد ان هناك خلاف على ذلك
عدم استخدام الدين فى السياسة والمقصود هنا ليس الفصل انما عدم استخدام الدين لاغراض سياسية مثل لو بتحب الاسلام قول نعم او لو لم تختار الشخص الفولانى تكون اثم وهو استغلال الدين بالباطل لتحقيق غرض سياسى واقناع الناس بامر ما ليس لانه الافضل لكن لانهم يدعون ان الدين يدعوا الى ذلك والدين برىء من هذا لانه من الممكن ان يكون المرشح الاكثر تدينا لكنه غير مؤهل لهذا المنصب السياسى لاى سبب اخر وممكن يكون مؤهل لكن يجب ان يكون الاختيار راجع للاهلية لذلك

التيار الاسلامى والمقصود هنا القيادات الاخوانية وقيادات الجماعات السلفية لان اغلب الشعب لا ينتمى بشكل تنظيمى اليهم انما يستمعون لهم ويتبعون رأيهم
هذا التيار لا يمكن ان يكون خائنا وينقسم الى قسمين الاخوان وهم سياسيين متمرسين وهم يعملون لمصلحة الجماعة ويرفع شعارات قد لا يلتزم بها عند الضرورة
والقسم الاخر هم الجماعات السلفية وهمهم الاكبر دائما الحفاظ على الدين من اى خطر والحفاظ على الاسلام من البدع والدعوة الى الالتزام لكن خبرتهم السياسية ضعيفة جدا مما يوقعهم فى اخطاء قد تكون راجعة الى حداثة عهدهم بالسياسة لكنهم يطورون فكرهم تدريجيا بما يتناسب مع الوضع

هذا رأيى قد يحتمل الخطأ ومنتظر مناقشتكم حول هذا الامر

م/بليغ حمدي
اصل الشيء بيدل عنه
وانا شايف ان اصل الليبراليه مش حلو علشان نتبع افكارها
المسيحين اخترعوا الليبراليه والعلمانيه لانهم معندهمش دين عادل يحكمهم
وكمان الكنائس كانت بتضطهدهم وكانت بتاخد منهم فلوس وضرايب كتير وصكوك غفران (يعني يبيععو لهم حته من الجنه)
ف انا اؤيد الليبراليه في المجتمعات الغربيه وعند الهندوس واصحاب الديانات الوثنيه مثل عباد بوذا
انما عندنا احنا المسلمين عندنا شرع الله نقدر نصنع منه دستور يحكمنا ونمشي عليه

عدل سابقا من قبل Heavy equipment في الثلاثاء أكتوبر 18, 2011 6:26 pm عدل 1 مرات (السبب : تعديل خطأ كتابي (العلمانيه))

الاسلام هو الحل لحل جميع المشاكل بالنسبة لينا كمسلمين او لغيرنا
علي فكرة انا مش تبع اي تيار