بعد انتخابات تونس هل يعترف الليبرالين في مصر انهم خونه وهمجين ؟

السلام عليكم
والله موضوعك شدنى بالفعل ولكن كل ما قلته هو معروف لدى للاسف منذ فتره طويله فدائما مصر من بدايه الثوره تحت المجهر شاهد مايحدث الان من فتنه طائفيه هل سمعت هذه الكلمه على مدار عقود
لقدسمعت برنامج يتحدث عن الفتنه واسبابها فسأل المذيع احد الاقباط قائلا له (قطع الاذن لقبطى وظلت الجرائد تنشره لمدة شهر كمانشيت ثم اثبتت لجنه تقصى الحقائث انها غير صحيحه والموضوع ليس هكذا ومع ذلك ظلت كل الجرائد تكتب عن نفس الحادث وبالنسبه للكنيسه المزعومه التى قامت عليها الدنيا ولم تقعد وخرج من خرج مات من مات ثم اتضح ان كل التصاريح مزوره والموضوع كله كذب فمن يتحمل ما يحدث الان ) لم يستطع احد ان يرد
الموضوعات كلها مثل انابيب البوتجاز كلما ارادوا شغل المواطنين عن شئ مهم ( الخموهم ) بالبلدى فى اى حاجه عشان محدش يفتح بقه
بالعربى الاسلاميون قادمون ان شاء الله وانا مازلت احلم باليوم الذى يحكما فيه شرع الله واناس يخافون الله يحكموننا وماذلك على الله بعزيز

الصندوق الانتخابي هوا اللي حيبين...وهوا الفيصل
وان شاء الله سيتم الله نورة ولو كرة الكافرون
ولو كرة المبطلون

بسم الله
العجيب ان حضرتك جايب مثال يوضح خطأ موقفك
طبعا لم يهاجم احد الاسلاميين فى تونس لانهم لم يوافقوا على تعديل دستور سقط بل انتخبوا هيئة لعمل دستور جديد وطبعا هو دا الموقف الصحيح اللى الثوار غلبوا يقولوه يعنى اللى عمله الاسلاميين فى تونس يعادل رفض الاستقتاء او المشاركة بلا لانه وقتها كنا سنفعل مثل تونس
كل ما طالب الليبراليين (وهم جزء من الثوار وليس الكل كما تعتقدوا) فى مصر هو ما وافق عليه الاسلاميين فى تونس ولو تتذكر لم يبدأ الهجوم المتبادل الا اثناء الاستفتاء نتيجة اتخاذ الاسلاميين القرار الخاطىء والمستمر حتى الان وسوف نتبين جميعا فى الايام القادمة ان المسار التونسى ( نفس مسار الثوار فى مصر ) سينجح والمسار المصرى برعاية المجلس العسكرى والتيارات الاسلامية سيدخلنا فى دوامة الله اعلم بمصيرنا بعدها

اما اتهام من اختار نظام سياسى معين انه خاين فقط دون دليل فهو امر لا يقره الدين وتذكر ان اقطاب هذا النظام هو من دعى للثورة التى بسببها نتحدث جميعا عن الانتخابات

اخيرا من يتخيل ان الليبراليين ضد الاسلام فهذا غير صحيح وهو للاسف فكر ناتج عن استخدام الدين كأداة فى الخصومة فى حين ان اخلاق الاسلام هى من يجب ان تدير هذه الخصومة

السلام عليكم
بص يا استاز بليغ حمدي انا مشكلتي اني بدخل في الحوار بعبر عن رأي بكل صراحه
مش بخترع طرق اني اشيل تهمه من علي نفسي لاني عارف كويس انا بقول ايه
انا مش محتاج اني ابرر موقفي في الوقوف بجانب التيار الاسلامي
لكن انت محتاج تبرر موقفك في الوقوف بجانب امريكا والليبراليه
احب اوريك ليه امريكا بتدعمكم
https://www.youtube.com/watch?v=wNhIXEVGLQ8











علم امريكا وايطاليا اترفع في ليبيا زي ما اترفع في العراق
لكنه مترفعش علي سفاره او مبني حكومي تابع لامريكا
ده اترفع تمجيدا لامريكا وشكر لها
ده الي عايزاه امريكا انها تكون نبراس الحريه التي تدعيها
وهيترفع علي ارض سوريا قريبا
عرفت بقه ليه بتدعم الخونه والليبرالين ؟
علشان يبقه ولاء البلد ليها
تاني حاجه انت بتقولي اني ان الاسلامين غلطانين في مصر وما الي زلك
مصر بلد كبيره واننا نسيبكم تعملوا دستور دي مصيبه سوده لوحديها لانكم هتعملوه ضد الاسلام وهيكون دستور ليبرالي او علماني
انما في تونس الاسلامين سابوهم يعملوا الي يعملواه وبرضو لما دخلوا الانتخابات كسبوا باكتساح
وكمان المفروض ياخدوا نسبه في المجلس اكتر من كده لولا عرقله الليبرالين ليهم عن طريق الاسس الي اتعمل فيها الدستور والقوانين الحاكمه للانتخابات
زي ما انتوا في مصر بتطالبوا بعدم انشاء احزب بمرجعيه اسلاميه
اكني الاسلام ده بعبع

الناس محيرة نفسها بين علمانية ليبرالية اشتراكية .... تهتونية مفهومية عقلانية ولسة ياما هنشوف ونسمع
والحكاية بسيطة ربنا قال "اليوم اكملت لكم دينكم واتممت عليكم نعمتى ورضيت لكم الإسلام دين"
يعنى رضيت لكم الإسلام منهج حياة كامل متكامل لأنه نعمة تامة .......يعنى الكاية بسيطة ومحلولة ومش محتاجة فلسفة وفزلكة فى الفارغ

والله الموفق للحق والخير

hamada2001 كتب:

الناس محيرة نفسها بين علمانية ليبرالية اشتراكية .... تهتونية مفهومية عقلانية ولسة ياما هنشوف ونسمع
والحكاية بسيطة ربنا قال "اليوم اكملت لكم دينكم واتممت عليكم نعمتى ورضيت لكم الإسلام دين"
يعنى رضيت لكم الإسلام منهج حياة كامل متكامل لأنه نعمة تامة .......يعنى الكاية بسيطة ومحلولة ومش محتاجة فلسفة وفزلكة فى الفارغ

والله الموفق للحق والخير

والله انت راجل زي الفل وبتقول كلام زي الفل

جزاكم الله خيرا على هذا الثناء

Heavy equipment كتب:

hamada2001 كتب:

الناس محيرة نفسها بين علمانية ليبرالية اشتراكية .... تهتونية مفهومية عقلانية ولسة ياما هنشوف ونسمع
والحكاية بسيطة ربنا قال "اليوم اكملت لكم دينكم واتممت عليكم نعمتى ورضيت لكم الإسلام دين"
يعنى رضيت لكم الإسلام منهج حياة كامل متكامل لأنه نعمة تامة .......يعنى الكاية بسيطة ومحلولة ومش محتاجة فلسفة وفزلكة فى الفارغ

والله الموفق للحق والخير

والله انت راجل زي الفل وبتقول كلام زي الفل

كلامكم عداه العيب يا رجالة

بسم الله
محدش بيبرر موقفه احنا بنتحاور علشان كل واحد يوضح موقفه واسبابه وازالة اى سوء فهم يعنى انت مثلا بتقول انى بدافع عن امريكا ودا كلام غريب ومش حقيقى والكلام كله موجود فوق اما الليبرالية انا شايف انك فاهمها غلط وانا بحاول اقول وجهة نظرى
الخطأ كل الخطأ هو كيل الاتهامات لمن يخالفك الرأى انه ليبرالى او تبع امريكا او قابض من برة طيب ايه رأيك انى مش ليبرالى اساسا ودا بكل بساطة لانى مش مجبر اصنف نفسى انا مسلم مصرى اقول ما اراه الحق وادافع عن من اراه مظلوم واعتقد ان المسلم الحق لابد ان يكون هذا منهجه

عاوز مثال لتعرف ان فى مغالطات كتير فى الاتهامات
مثلا انتم بتعتقدوا ان الليبراليين عاوزين يأجلوا الانتخابات سنة ولا اثنين بمجلس رئاسى علشان هما عارفين ان الانتخابات الان هيخسروها
طيب بالعقل كدا هل الانتخابات لو اتأجلت سنة ولا اثنين هل دا هيقلل شعبية التيارات الاسلامية ؟؟ انا شايف العكس لان قدر الحركة والحرية الان للتيار الاسلامى اصبح اكثر ومن غير المنطقى ان شعبيتهم تقل بل العكس هو الاقرب
انا لست مع تأجيل الانتخابات لكنى بناقش سبب خلافى لا مبرر له اصلا
ومثل ذلك الكثير

اخيرا من الخطأ ان يتصور البعض انه يدافع عن الاسلام فيما نتكلم حوله لان الاسلام غير مهدد من الاساس والضمانة الناس واختلافنا فقط فى فهم كلا منا للاسلام
انا مثلا افهم ان الاسلام يفرض على عندما ارى نظام فاسد اقول انه فاسد ولا اقول اصله خط احمر او برتقالى وعندما يكون لى مبدأ لا اغيره تبعا لما اريده كما افهم ان الاسلام ليس بحاجة الى اظهار الاحتقار لغير المسلمين بل الى اظهار روح الاسلام اللى بسببها معظم المصريين دخلوا الاسلام وفى بقاع كتيرة بالاخلاق الحسنة وحسن المعاملة كان كافى لنشر الدين فما بالنا ونحن نعامل المسلمين المختلفين معنا بهذه الطريقة

يا استاز بليغ هوه ايه الي خط احمر وبرتقالي
اكيد تقصد الجيش
اعتقد لما يكون جيشنا المصري العظيم هوه المؤسسه الوحيده الي صامده بعد الثورات العربيه
وهوه اهم جيوش المنطقه واقواهم علي الاطلاق
وكمان مفيش زيه في افريقيا ولا الشرق الاوسط ببساطه لانه الجيش المنتصر
يبقه من حقي ادافع عنه
وكمان هترد عليا هتقولي انا بنتقد اشخاص بعينهم مش بنتقد الجيش نفسه
طيب بص يا باش مهندس انت بتنتقد طنطاوي صح ؟وبتقول انه فاسد وكده
طيب شوف الفيديو ده الاول
https://www.youtube.com/watch?v=ok2XEEBKKpQ

تمام زمانك شفت الفيديوا صح كده؟
اعتقد بقه من حقي انتقدك لانك بتهاجم الشخص الي واقف حيطه سد امام امريكا
وكمان الناس دي مش هتتعوض الناس الي شهدت حرب اكتوبر وماقبلها

بص بقه كمان شوف الفيديو ده كمان واعتقد انك مثقف وبتفهم انجليزي ومش محتاج حد يترجم لك
https://www.youtube.com/watch?v=vLfjYp-6e_o

ياريت تشوف الفيديوهين الاول قبل ما ترد علي الموضوع علشان معنديش استعداد ادخل في صراع كتابي علي الفاضي وانتا مشفتش الفيديو علشان تفهم وجهه نظري
تمام زمانك برضو شفت ده كمان
عرفت بقه ليه احنا واقفين ورا الجيش بتاعنا ؟
علشان امريكا عايزه الجيش يكون ذراعها في الشرق الاوسط
لكن الحقيقه ان الجيش ده باذن الله هوه والجيوش العربيه هيقطعوا ايد امريكا من المنطقه

اصيل يا معلم

بسم الله
هنتفق اتفاق
انت تشهد الله للمواقف بتاعة طنطاوى المشرفة دى انت كمسلم هتقبل فساده وحمايته للفساد وهتقبل مسئوليته عن الخلل الامنى المتعمد وهتقبل تحمل وزر الناس اللى بتتعذب فى السجون الحربية وهتقبل تشارك فى مسئولية القتلى اللى ماتوا فى ابريل وماتوا امام السفارة واللى ماتوا امام ماسبيرو وهتقبل موقفه المخزى امام اسرائيل عندما سقط جنودنا على الحدود وطبعا فى على الاقل ادلة عن موقف واحد مما سبق وعلى اى حال انت هتشهد الله انك موافق على ما سبق لان طبطاوى وقف امام امريكا ورفض ان تتغير عقيدة الجيش
اما انا فاشهد الله انى لا اقبل هذا الرجل ولا اقر افعاله وابذل قدر ما استطيع لمنعه من مزيد من الافساد

واعلم يا اخى نحن لم نتعرض لدوره كعسكرى ونطالبه بالرجوع كما كان والاعتراض على مواقفه السياسية بعد الثورة وهى واضحة لكل ذى بصيرة وبنفس تلك النظرية برضه نرجع مبارك لانه من ابطال اكتوبر ومش مهم البلاوى اللى عملها بعد كدا

على اى حال انت ستتحمل قرارك وانا ايضا وكل عضو يميل لما يراه اصح وربنا يهدينا جميعا الى طريق الصواب

بليغ حمدى كتب:

بسم الله
هنتفق اتفاق
انت تشهد الله للمواقف بتاعة طنطاوى المشرفة دى انت كمسلم هتقبل فساده وحمايته للفساد وهتقبل مسئوليته عن الخلل الامنى المتعمد وهتقبل تحمل وزر الناس اللى بتتعذب فى السجون الحربية وهتقبل تشارك فى مسئولية القتلى اللى ماتوا فى ابريل وماتوا امام السفارة واللى ماتوا امام ماسبيرو وهتقبل موقفه المخزى امام اسرائيل عندما سقط جنودنا على الحدود وطبعا فى على الاقل ادلة عن موقف واحد مما سبق وعلى اى حال انت هتشهد الله انك موافق على ما سبق لان طبطاوى وقف امام امريكا ورفض ان تتغير عقيدة الجيش
اما انا فاشهد الله انى لا اقبل هذا الرجل ولا اقر افعاله وابذل قدر ما استطيع لمنعه من مزيد من الافساد

واعلم يا اخى نحن لم نتعرض لدوره كعسكرى ونطالبه بالرجوع كما كان والاعتراض على مواقفه السياسية بعد الثورة وهى واضحة لكل ذى بصيرة وبنفس تلك النظرية برضه نرجع مبارك لانه من ابطال اكتوبر ومش مهم البلاوى اللى عملها بعد كدا

على اى حال انت ستتحمل قرارك وانا ايضا وكل عضو يميل لما يراه اصح وربنا يهدينا جميعا الى طريق الصواب

واضح ان حضرتك لسه مصر علي موقفك
بص يا باشا
بالنسبه لفساد طنطاوي معندكش دليل
بالنسبه لحمايته للفساد معندكش دليل
بالنسبه للخلل الامني مفيش خلل امني اصلا وده عيب من وسائل الاعلام
وبالنسبه للناس الي في السجون دول مجرمين
وبالنسبه القتلي الي ماتو في ابريل كلهم كانوا شهداء من الشعب ومفيش واحد من حركه سته ابريل مات
بالنسبه للي ماتوا امام السفاره ف دول شباب مشاغب وعايز يوقع البلد في مشاكل
بالنسبه للي ماتوا في ماسبيروا دول مجرمين وكانوا عايزين يقتحموا ماسبيروا وارهابين ويستاهلوا الدبح
شوف الفيديوا ده وهوه بيحرض علي اقتحام ماسبيروا
https://www.youtube.com/watch?v=U3_-bfKL0Cg
ولاحظ في الفيديوا بيقول ان سته ابريل هتكون موجوده
يعني يا اما المسيحين خونه
يا اما سته ابريل خونه

وهنا وهوه بيحشد الناس للهجوم علي المبني

https://www.youtube.com/watch?v=PDTLTxlmjfo&feature=related

وكمان في فيديو تاني للقس متياس (ده اسمه انا مش بتريق) وهوه بيهدد محافظ اسوان بالقتل بس للاسف الفيديو علي اليوتيوب الصوت بتاعه اتمسح

في النهايه احب اقول لحضرتك انك بتفكرني باصدقائي الامريكان في بعض منهم قالولي انهم بيؤمنوا بالاسلام وان الاسلام دين عظيم
لكن في النهايه لما ادعيهم للاسلام يقولي الاسلام بيمنع الجنس بدون جواز وبيمنع الخمور وبيمنع التبرج وانهم ميقدروش يعيشوا في مجتمع اسلامي ملتزم
وصلت المعلومه؟
هل تعرف ان الملحد يؤمن بوجود الله لكن تكبره يمنعه من ان يعلن الحقيقه وانه يعترف بوجود اله ؟
هل تعرف ان المسيحي يعرف ان الاسلام هوه الحق لكنه تكبره وخوفه من الكنيسه يمنعه من الاسلام ؟
فما بالك انت وانت مسلم تتكبر علي الحق
وتساعد الامريكان في تنفيذ مخططهم
وتنصر الكفار علي المسلمين
وتضطهد الاسلامين وتقول عليهم زورا وعدوانا
وترحب بان تكون يد لضرب الاسلام والمسلمين
ملحوظه انا مش بتهمك انت بشخصك بالكلام ده لكن انا اتهم الليبرالين واتباع البرادعي بذلك

من الاخر كده طنطاوي هيجيله يوم هيتحاسب علي ماضيه لو افسد
لكن مجيش اوقع اقوي مؤسسه في الدوله وفي الشرق الاوسط وافريقيا واقول اصلي بدور علي حريه
من اقوال هتلر الشهيرة...قالو له من احقر الناس قابلتهم في حياتك....قال....اولئك الدين ساعدوني علي احتلال بلدانهم
نصيحه اخيره مش هتعرف تهزمني في نقاش
والحكم للاعضاء علي رأئي ورأيك

يا جماعة كل واحد وله رأية الشخصي
انا حاسس ان كل واحد بيحاول يقنع التاني برأية وبوجهة نظرة
وفي الاخر كل واحد حاسس انة اللي صح والباقي غط
يا رجاله احنا كلنا في مركب واحد والاهم المصلحة العامة للبلد
سواء مع دة او دة
المهم نوصل بالبلد لبر الامان

بسم الله
بصرف النظر عن بعض ردودك الخارجة عن الموضوع والتى لا علاقة لها بما نتحدث عنه لكنى لن احاول اقناعك بشى بل حريص فقط على الرد على بعض المغالطات
بخصوص الدليل حول حماية طنطاوى للفساد بما تفسر رفضه اقالة حكومة شفيق ولم يفعل الا بعد اعتصامات ضخمة وعندم غير الوزارة اصر على استمرار اغلب وزراء لجنة السياسات فى الحزب الوطنى ولو حضرتك شايف ان دول مش فاسدين يبقى لا شىء يمكن ان نتكلم فيه
من حمى مبارك واسرته شهرين دون محاكمة وترك اتباعه مثل زكريا عزمى يحرقوا الملفات ومن المسئول عن التحقيقات الهزلية التى غالبا ستتسبب فى براءة مبارك
من الذى ترك الضباط المطلوبين فى المحاكمات فى اماكنهم
بماذا تفسر اشرطة واسطوانات التى تسجل ما حدث فى التحرير وقت الثورة اختفت وهى فى عهدة عدة جهات من ضمنها جهات سيادية ومن يملك دفع تلك الجهات لذلك
عندما يحدث استفتاء ومن مواده عدم جواز استمرار الطوارىء اكثر من 6 شهور ولا يتم تنفيذ ذلك
وغيره لو عندك وقت ودى احداث لا احد ينكرها ولم اتطرق لما يقال لانه بدون دليل مادى

بالنسبة للخلل الامنى اللى حضرتك بتقول انه مش موجود فدا معناه انك بتكذب المجلس العسكرى الذى اعترف عشرات المرات انه موجود

احلى حاجة بقى ان الناس اللى فى السجون مجرمين ودا مش سؤالى انا بقول التعذيب اللى بيتم وحضرتك شايف ان دا عادى طالما مجرمون وانصحك تسأل اى شيخ هل الاسلام يجيز ذلك ؟ دا غير ان عدد كبير مش مجرمين واى متابع يعرف ذلك لكن بصرف النظر التعذيب ممنوع فى كل الاحوال ( ودا مثال يوضح من فينا يفهم الاسلام بشكل صحيح )
وبالنسبه القتلي الي ماتو في ابريل كلهم كانوا شهداء من الشعب ومفيش واحد من حركه سته ابريل مات انا بصراحة مش فاهم مين اتكلم على 6 ابريل اصلا والكلام عن مين اللى قتلهم مش هما شهداء ولا لا !!!

من الامور برضه التى تدل على فهم خاطىء للاسلام قولك بالنسبه للي ماتوا امام السفاره ف دول شباب مشاغب وعايز يوقع البلد في مشاكل وبكدا حلال فيهم القتل وطبعا دا ممكن يكون دين تانى انما الاسلام لا يبيح قتل المسلم لانه مشاغب ودا بدلا من حبسهم مثلا

اخيرا حضرتك تكلمت عن الهجوم على الاسلام والانتصار للكفار والموضوع دا كبير محتاج شرح لكن ملخصه
عندما ارى مسلم ظالم فيجب ان انصره عن طريق ان اجعله يكف عن ظلمه فهذا نصر له وفى حديث شريف يقول ذلك
قال رسول الله صلى الله عليه وسلم: "انصر أخاك ظالما أو مظلوما" فقال رجل: أنصره إذا كان مظلوما أفرأيت إذا كان ظالما كيف أنصره؟ قال "تحجزه أو تمنعه من الظلم فإنّ ذلك نصره".

ونصرة الظالم لا تكون بإعانته على الظلم والتمادي فيه بل تكون بأن نمنعه من الظلم.

وفي قول النبي صلى الله عليه وسلم: "إذا رأيت أمتي تهاب أن تقول للظالم يا ظالم فقد تودّع منهم" حث على مواجهة الظالم وزجره عن ظلمه وتبيان لخطورة ترك هذا الأمر، فإنّ الناس إذا تركوا زجر الظالم في وجهه والتحذير منه فإنّ الله تبارك وتعالى يتخلى عنهم أي يقطع نصرته عنهم.

والرسول حذّر أمته أنهم إذا وصلوا إلى حالة يهابون فيها أن يقولوا للظالم يا ظالم عندئذ تودّع الله منهم أي تخلى الله عنهم وتركهم ووكلهم إلى أنفسهم أي قطع عنهم نصرته.

لقد حرّم الله سبحانه وتعالى الظلم على عباده وجعل العقاب عليه شديدا وأمرهم بالعدل والقسط

ارجوا ان يكون شرح الحديث يكون واضح

وبخصوص نصيحتك الاخيرة فهذا ليس مكان للجدال ومين يكسب مين وكلامك الاخير يوضح مين اللى بيتكبر على الحق حتى ينتصر فى النقاش بصرف النظر عن الصواب.... هدانا الله جميعا

بصراحه كده مفيش فايده معاك يا استاز بليغ لكن انا مصر علي موقفي وشايف اني انا صح
وانت حر برضو في وجهه نظرك
علي العموم لو بتحب المناقشات في الليبراليه واصولها
في برنامج البالتوك في القسم السياسه غرفه مصر عزيمه وشرف
الغرفه بتاعتنا هناك تشرفنا في اي وقت

بسم الله
هحاول مع انى لا استخدم البال توك لكن هناك هقدر اتناقش معاك ومع كل اللى معاك بس المهم عندما تهزموا جميعا لا تطردونى من الغرفة هههههه

بليغ حمدى كتب:

بسم الله
هحاول مع انى لا استخدم البال توك لكن هناك هقدر اتناقش معاك ومع كل اللى معاك بس المهم عندما تهزموا جميعا لا تطردونى من الغرفة هههههه

متخفش مش بنطرد حد الغرفه فيها مايك واحد فقط يعني واحد يتكلم والتاني يستمع وهكذا
ف هتكون مناظره منظمه كل واحد ياخد المايك خمس دقائق يعرض وجهه نظره وبعد كده يسمع الرد ويرد تاني وهكذا