لماذا الهجوم على المسيحيين بهذا الشكل

اولا انا اسف لان اسلوبى كان عنيف و مهم حصل المفروض ما يكونش اسلوبى بالحدة دى

يا سيدى الفاضل حضرتك بتسالنى مفيش حواليه مسلمين كويسين احب اقول لحضرتك 4/3 اصحابى مسلمين اساسا و ده اللى صدمنى فى الحاجات اللى شفتها من ضمن الناس حتى اللى ليا بهم علاقة كويسة د/ بليغ حمدى و يمكن هو اللى خلانى اخش المنتدى

كل اللى حضرتك ذكرته انا مش مختلف معاك فيه طبعا لانه تاريخ

لكن فى واحد اسمه Heavy Equipment كلامه صعب بصراحة

و بصراحة انا حاولت اجيب البوستات اللى قريتها تانى بس مش عرفت اجيبها كلها لانى كنت باقرا بشكل عشوائى

جايز برده لان بقالى فترة بره مصر فاتصدمت من اللى شفته

على العموم باعتذر مرة تانى على الاسلوب و دى لينكات من اللى شفتها و نصيحة يا ريت تمسحوها بدل ما حد تانى يفهم الموضوع غلط

http://www.rabbitsforall.com/t4385-topic

http://www.rabbitsforall.com/t8223-topic و شوف كلامه عن قداسة البابا شنودة اللى كله افترا

فى تانى شوفته بس بصراحة مش فاكر فى اى بوست

فى الاخر احب اشكر اهتمامكم و باعتذر مرة تانى على اسلوبى اللى كان عصبى شوية و شاكر محبتكم فى احتمالى و انا فى الوسط اللى عايش فيه من اكتر الناس المهتمين بتقوية لعلاقة بين المسلمين و المسيحيين و زى ما قلت من شوية معظم اصحابى مسلمين و بنا يعدى ببلدنا لبر الامان

العفو يا مينا
إنت بس غيور على دينك زى أى واحد مننا بيكون غيور على دينه
يمكن ده اللى خلى اسلوبك ناشف شويه
بس الموضوعات اللى انت حطيت الروابط بتاعتها دى كان فيها نقاش بين اطراف
ورأى ورأى مخالف حتى فى موضوع فيهم م/بليغ بيرد بشده على هيفى
وبالمناسبه هيفى ده انا اللى عزلته من الإشراف بسبب سوء ادبه فى الكلام مع الناس
وبعدين انا هاخد من كلامك كلمه واحده إنت بتقول ان 3/4 اصحابك مسلمين
أعتقد انك لو شايف فيهم ناس مش كويسه يبقى مش هاتصاحبهم من البدايه
وده برضه معناه انك متفهم مسأله ان فى ناس متشددة ومش فاهمة اللى بتقوله وناس معتدله وعارفه الصح إيه
وإلا كنت أخدت أصحابك بذنب الناس اللى بيسيئوا بأسلوبهم الخاطئ للإسلام ولنفسهم
قبل ما تكون الإساءه للمسيحين
وفى المقابل برضه ماينفعش حد يقف ليك ويقول أهه مسيحى ومش طايق المسيحيين وبيصاحب مسلمين !!!
إحنا فى النهايه كلنا واحد ولو حصلت مصيبه فى البلد كلنا اللى هانشيل الطين مع بعض
وأول ناس هاتجرى وتستخبى هم المتشددين من الطرفين
أما المعتدلين واللى بيفهموا هم اللى هايجمعوا الناس على بعض
وفى النهايه اتشرف بصداقتك إن كنت تقبل طبعا
وأرجو انك تدوام معانا على التواجد فى المنتدى
ويارب ربنا يكرمنا بواحد كده يكون راجل يرش ميه ويلم الناس دى فى بيوتها
ويمسك البلد مسكه صح

حضرتك أخ فاضل وعزيز علينا كلنا

متشكر يا جماعة على روحكم الطيبة و اسف لاسلوبى مرة تانى

يا بشمهندس شرف ليا انك تكون صديقى

انا باشبه على اسم حضرتك لو كنت حضرتك مشارك زمان فى منتدى البيطرة العربية

و انا ان شاء الله معاكم طبعا فى المنتدى لان ناس محترمة زيكم الواحد ما يسبهاش

يا اخ بلال ربنا يديم الاخوة و المعزة كلنا يا رب امين

اظلم بليغ ؟؟؟؟!!!!

ليه يا عم انا ما جبتش سيرته اساسا انا بينى و بينه كل خير

ده هو اللى معرفنى على المنتدى

حصل خير

فعلا يا مينا انا ليا عضويه فى البيطره العربيه
وعضوياتى كلها بإسم من إتنين إما tawela أو m.tawela
مفيش غير الفيس بس هو اللى مكتوب فيه عضويتى باسمى mohamed tawela

بسم الله



الحمد الله