بسم الله الرحمن الرحيم
السلام عليكم ورحمة الله وبركاته
لاول مره هنتكلم عن التطعيمات المناسبه للكلاب ف كل الاعمار و اضرار عدم التطعيم واعراض الامراض
الناتجه عن عدم التطعيمات .......واسعار التطعيمات
اولا اول سن الجراوي بتبدأ تتطعم فيه هو سن 30 يوم بيبقي تطعيم اسمه الثلاثي وده مش تطعيم اساسي ده تطعيم بديل عن التطعيم الثماني ايه هو التطعيم الثماني ؟الثماني هو اهم تطعيم للكلاب بيبقي من سن 45 يوم علشان كده ناس بتستعجل وبتطعم الثلاثي ف سن 21 يوم بس برضه لازم يطعمو الثماني التطعيم الثماني بيحصن الكلب ضد 8 امراض مهمه من أخطرها الإمراض الفيروسية والبكتيرية التى تصيب الكلاب ويعتبر التطعيم الثماني للوقايه من اخطر مرضين يصيبو الكلاب وهم البارفو و الديستمبرالتطعيم بيتكرر بعد 21 يوم من ميعاد التطعيم الاول كجرعه تنشيطيه ...
ايه هو البارفو او الديستمبر؟المرضين متشابهين جدا ف الاعراض والاتنين نسبه الشفاء منهم تعتبر نادره علشان كده بنأكد علي التطعيمات اعراض المرضين ايه ؟اولا فقدان الشهيه و الكلب هيكون همدان تماماو ترجيع و اسهال ولما الحاله بتتأخر جدا بيبقي الاسهال مدمم "اسهال دم"ونسبه الشفا منه نادره جدا وبتحتاج متابعه مستمره مع طبيب شاطر
اول لما الجرو يتم 4 شهور بيتطعم تطعيم ضد السعار
اول لما الكلب بيتم السنه بيتطعم ضد كل من السعار والثماني وبيتعاد سنويا التطعيمين....
وملهوش اي جرعة تنشيطية
دي التطعيمات الاساسيه الوحيده للكلاب
في تطعيمات تانيه مش اساسيه بتبقي حسب الحاجه و
1- علاج الحشرات "القراد والبراغيث
2- علاج الديدان
اولا الحشرات "القراد والبراغيث"
في نوعين من الادويه للعلاج من القراد والبراغيث
اولا ريفلوشن ده بيصلح للجراوي من عمر اسبوع لحد عمر سنه فيما فوق ثانيا بارس وده بيصلح للجرو من عمر شهرين ونص اقل من كده بيبقي سام
الجرعه عباره عن ايه ؟ بيبقي انبول لكل 10 كيلو من وزن الكلب يعني لو الكلب وزنه 20 كيله بياخد انبولينازاي؟بيتفضي علي قفا الكلب او الجرو بطول الرقبه ويتعزل الكلب عن اي كلاب تانيه لمده 3 ساعات ومتحميش الكلب لمده 3 ايام
"مفيش اي علاج للحشرات حقن كله انبولات فوق الجلد الحقن ممنوعه دوليا ومميته"
ثانيا علاج الديدان
في اكتر من علاج للديدان
1- الافضل والمعترف بيه دوليا هو الدورنتال وبيبقي جرعته قرص لكل 10 كيلو من وزن الكلب برضه وبيتكرر بعد 21 يوم كجرعه تنشيطيه 2-في ادويه تانيه للديدان زي الفرونت لاين و الشيح
لو الكلبه حامل ممنوع اي ادويه حشرات او ديدان الا الشيح للديدان وبيبقي 5 سم علي الريق كل يوم لمده 5 ايام وتتكرر بعد اسبوع نفس الجرعه
اسعار التطعيمات:
اسعارالثماني من 85ل120 جنيه
السعار من 30 ل50 جنيه
الحشرات البارس من 10 ل15 جنيه
الديدان الدورنتال من 20 ل30 جنيه
حسب المكان اللي بتشتري منه
والسلام عليكم ورحمة الله وبركاته
منتدى الأرانب للجميع
أهلا وسهلا بك زائرنا الكريم ، في منتديات الأرانب للجميع .
المرجو منك أن تقوم بتسجـيل الدخول لتقوم بالمشاركة معنا. إن لم يكن لـديك حساب بعـد ، نتشرف بدعوتك لإنشائه بالتسجيل لديـنا . سنكون سعـداء جدا بانضمامك الي اسرة المنتدى . مع تحيات الإدارة
