اخوانى اعضاء المنتدى الكرام
هتكلم فى الموضوع دة فى نقطة خارج الارانب ملهاش دعوة بيها لكن ليها دعوة بينا احنا الاعضاء
احنا الحمد لله من خلال المنتدى بقى لينا اصدقاء جداد اتعرفنا على بعض وبيننا جو جميل من الود والاحترام المتبادل بيننا لكن ل الاسف فى نقطة مهمة جدا ان ولا واحد فينا يعرف باقى الاعضاء او اصدقائة او اخواتة زى ما الود ال بينا فى المنتدى هو ال فرض علينا دة يعرف شكل التانى الا مارحم ربى (فعلا حقيقة احنا اصدقاء لكن منعرفش شكل بعض ) يعنى لو قابلت المهندس بلال مثلا فى اى حتة مش هعرفوا ولا هو هيعرفنى وكذللك استاذ محمد طويلة واستاذ يحى ودكتور شحاتة والاخ مايكل (انا شايف انها مش ظريفة )
وال مش ظريف اكتر
ان يوم ماقابلت ابو شبل والاستاذ احمد شلبى سالتهم انتوا لابسين اية عشان اعرفكوا وهما يقولولى انت لابس اية عشان نعرفك مع اننا كنا واقفين فى نفس المكان وقدام بعض ومحدش عارف التانى
طيب لما اروح ل استاذ محمد طويلة هقولوا انت لابس اية انا شايفها محرجة وكذللك اخى الكريم احمد سعد بينا صداقة ومحادثات هاتفية لمدة طويلة ولو نزلت الشارع وقابلتة والله م هاعرفة ويمكن يحصل بينا احتكاك ولا حاجة نخبط بعض مثلا فى الزحمة نقوم ضاربين بعض دة طبيعى ما احنا منعرفش شكل بعض (مش بزمتكم حاجة تضحك)
الوحيد المعروف فى المنتدى باكملة هو دكتور حسام ولو شفناة فى اى مكان هنعرفة
ف انا بقترح ان نعمل اسبوع بس الاخوة الاعضاء او رموز المنتدى ان احنا نضع فى الصورة الشخصية على المنتدى كل واحد يحط صورتة هو من اجل التعارف اكتر بين جميع اعضاء المنتدى وبعد كدة كل واحد حر يحط الصورة ال تعجبة بس بعد ما نبقى اتعرفنا على بعض (وطبعا احنا هنثتسنى النساء ال معانا فى المنتدى من الموضوع دة الموضوع دة خاص بالرجال فقط)
عاوز اشوف رايكم فى الفكرة
ان شاء الله فى خلال يومين هنقل الموضوع الى اسرة المنتدى بس بعد ما الجميع يشوفة
نظرا ل الاقبال الجميل من الاخوة الاعضاء على الفكرة قررت تجميع صور الاعضاء ووضعها فى الموضوع كنوع من الامتنان لهم جميعا
موضوع ممتاز والله احنا كده لما نتقابل مش هنقول لابس ايه اكيد هنكون عارفين بعض ربنا يبارك فيك
احمد احمد سعدالإثنين نوفمبر 04, 2013 12:27 am