حكـــــــاوى هــــــــاوى ـــــــــــــ الحلقة الثانية ــــــــــ الاستاذ احمد عبد الغنى

السلام عليكم ورحمة الله وبركاته

       اهلا بيكم فى الحلقة الثانية من برنامج ـــــ حكـــاوى هــــاوى ـــــ ضيفنا وضيفكم النهارده هو السبب بعد ارادة الله سبحانه وتعالى اننا نتجمع هنا فى المنتدى فجزاه الله خيرا شخصية محترمة جدا لم يبخل علينا باى معلومة رايناه يساعد الاعضاء الجدد والقدامى بما لديه من معلومات جعل الله هذا العمل فى ميزان حسناته ضيفنا وضيفكم   الاستاذ ***  احمد عبد الغنى  ***
                                              ان شاء الله تعجبكم الحلقة متبخلوش علينا بتعليقاتكم واقتراحاتكم

                                                                وجزاكم الله خيرا

   بداية اهلا بيك يا استاذ احمد لو تسمحلنا نتعرف على حضرتك اكتر وعلى بداية قصة عشقك للارانب واقتراحات حضرنك لتطوير الهواية فى مصر وكذلك تطوير المنتدى من خلال الاسئلة القادمة:-

.1 الاسم السن العنوان المهنة؟

أحمد على عبد الغنى
33 سنه
أعمل مدير عام لأقسام فحص بأحد مصانع الملابس الجاهزه
بورسعيدى
حاصل على ليسانس آداب وتربيه قسم لغه فرنسيه

                                                                      *****************************************************
.2 كلمنا عن بدايتك مع هواية تربية الارانب؟

وانا صغير يعنى كنت حوالى 8 او 9 سنين كان والدى واعمامى بدأو يربوا بس ايامها كانت السلالات بخيرها لسه
وبعدين صفوا الموضوع
ومن حوالى 5 سنين رجعتلى الفكره تانى فبدات لان فيه مكان مناسب عندى للتربيه فحبيت استغله فى الموضوع ده

*****************************************************
.3 اول مكان ربيت فيه الارانب كان بطاريات ولا كان مكان عادى ارضى ؟ ولو ارضى كلمنا عن مواصفات المكان من حيث ازاى قدرت تسيطر على نضافة العلف والمايه وخلافه من مشاكل التربية الارضية؟

بطاريات طبعا
*****************************************

.4 بدات تربية بكام ارنب؟
بدأت بحوالى 12 ام و3 دكور
*****************************************
.5 اول ارنبة ولدت عندك كام ؟
12  كانت ام فلندر ولا أروع يلا ما تغلاش على اللى خالقها ههههههههههههه

*****************************************

.6 اكتر ارنب اتعلقت بيه ومش ناسيه لحد دلوقت ؟
الأم الفلندر اللى بقولك عليها كانت ممتازه فى صفاتها بصوره رهيبه كصفات جسديه وزن وطول يعنى وكصفات  أمومه ورعايه وعدد خلفات لانها كانت بتوصل ل 14 وممكن يطلع من تحتها 12 منهم فطام
*****************************************
.7 اول مرض واجهته فى تربية الارانب ؟ واتصرفت معاه ازاى ؟
الجرب  ايفوماك طبعا
*****************************************
8. اكتر مشكلة واجهتك فى تربية الارانب؟
المشكله اللى كانت بتقابلنى فى النضافه فى اول ما اشتغلت هى انى بستخدم كمية مياه كبيره والمكان ما كانش مجهز للصرف
بس اتغلبت علبها بحل بسيط
هو موتور او طلمبة رفع صغيره جدا من شارع عبد العزيز بحاجه واربعين جنيه
حفرتلها فى الاض وعملتلها شبكه وبقت الميه تتجمع فى مكانها وهى تطردها على الصرف مباشرة
ده بعد رفع المخلفات الصلبه
*****************************************************
.9 فى البدايات كنت بتاكل الارانب ايه؟

علف   وحاولت فى فتره من الفترات ادخل البرسيم وبعد كده وقفته
*****************************************


.10 تجربتك مع الاعلاف ؟ كلنا عانينا الكتير مع الاعلاف.

كنت شغال فى الاول بعلف اسمه فوده ده اللى كان متوفر والعلف ده لا بيفيد ولا بيضر  يعنى الارانب زى ما هى وبعدين جربت اتميده وبهدلنى وغيرت كذا علف لحد ما عملت علفى الحمد لله
*****************************************
.11 كلمنا عن اول مرة بعت فيها ارانب من انتاجك؟

بعتهم لمعارف لان الانتاج ما كانش بكميات كبيرة طبعا
*****************************************
.12 كيف جاءت فكرة تاسيس الموقع ؟

فى الاول كنت مشترك فى كذا موقع عشان اسال وعشان تجميع المعلومات بس برضه ما كانتش قد كده فقررت انى اعمل موقع واحاول انى اخصصه للارانب بس وفعلا عملته وكان اول موقع عربى يتخصص فى الارنب بس والحمد لله هو دلوقتى يعتبر رقم واحد
*****************************************
. 13ماتتمنى ان تراه فى المنتدى؟

أتمنى انى اشوفه بيكبر أكتر ويتقدم واتمنى ان التفاعل يزيد بين الاعضاء والحمد لله موجود طقم ممتاز جدا وعلى كفاءة عاليهمن المشرفين والأعضاء وانا مش عايز اسمى حد منهم عشان ما انساش لان كلهم بلا استثناء ناس محترمه جدا وفعلا المنتدى بدأ التفاعل فيه يزيد الفتره دى ونفسى المنتدى يبقى التجمع  الاول للمربين والمرجع الاساسى فى تربية الاارنب فى الوطن العربى
*****************************************
14. اقتراحاتك لتطوير تربية الارانب فى مصر؟
ان يكون فيه كيان كبير زى جمعيه او بورصه
هى اللى تحدد اسعار البيع وبرضه السيطره على المكاتب ومصانع العلف اللى مبهدله الناس
*****************************************
.15 راى حضرتك فى تطبيق اساليب التربية الاجنبية فى مصر من حيث الرعاية والتغذية وخلافه واستيراد سلالات من الخارج؟

اعتقد ان تطبيق الاساليب دى هيفيد بس للاسف مش هينفع مع مزارع صغيره او مربى بيربى كام ارنب عشان تطبق الاساليب دى لازم مزارع بطاقات انتاجية كبيرة عشان تغطى مصاريفها

بالنسبه لاستيراد السلالات من الخارج لازم يتفتح لفتره عشان تبدأ تدخل سلالات بصفات وراثيه نقيه  بس المشكله انها هتبقى غاليه غير ان الجيل الاول اللى هيتم استيراده اللى هيربيه لازم يوفرله عنايه فائقه جدا وجو مشابه لجوه الاصلى بس الاستيراد بقى فيه مشكله محدش واخد باله منها وهى انه ممكن يفتح معاه دخول امراض جديده لمصر مع السلالات دى زى ما حصل فى التسمم الدموى الفيروسى لما جه مصر فى 92
*****************************************
.16 كلمة توجهها لاعضاء المنتدى؟

ربنا يزيد الحب والموده والاحترام بينا والمنتدى فى الاساس ليكم انتم وقايم بيكم انتم فبدونكم لا وجود للمنتدى
*****************************************


الف شكر استاذ احمد نورتنا النهارده


جزاك الرحمن خيرا



دى كانت نهاية الحلقة الثانية من برنامج حكاوى هاوى نلقاكم فى الحلقة الثالثة على خير


دمتم فى حفظ الله وأمنه