تركيبة جديدة من الاستاذ محمد طويله

أخى الكريم
مش طبيعى ابدا ان فى واحد صاحب مزرعه او صاحب علف
يديلك العلف بتاعه
اللى صنعوا علف على نوعين من الناس

النوع الأول
واحد راح مكبس وقالهم عايز اعمل علف ارانب بسعر (...)
وفى المكبس صعنوا ليه اللى هو عايزه وده السهل اللى اى واحد ممكن يعمله

والنوع الثانى
(وهاديلك مثال شخصى على نفسى)
بحثت فى الإنترنت
واشتريت كتب وقرأت فيها
وسألت أصحاب خبره وعلم
ومنهم من لم يفيدنى ومنهم اللى غرقنى ونصحونى نصايح خاطئه علشان أفشل
وليس منهم من ساعدنى إلا بالقدر الذى يفيد مصلحته الشخصيه
وسافرت أسمع معلومه من ناس
واشتريت معلومه من ناس
وبقيت أصنع وأحلل كل علفه وكل تركيبه أعملها علشان أعرف أنا ماشى صح ولا غلط
وتحليل العف مش بروتين وبس
ده بروتين ودهون وفسفور وكالسيوم وألياف وطاقه ومثيونين ولايسين
وتحليل كل عنصر بيتكلف 40 جنيه (واسأل فى طب بيطرى جامعه الزقازيق)
يعنى علشان اتأكد من العلف بتاعى شوف كنت بتكلف على التحليل بتاعه قد ايه

ده بقى غير التجارب اللى بعملها على الأرانب علشان أتأكد من جوده العلف
واذكر لك منها انى عزلت مجموعه من الأرانب واعطيهم عيش فينو طرى
عليه من العفن اشكال وألوان علشان
فقط علشان أتأكد من كفاءه مانع نشاط البكتيريا اللى انا أضفته على العلف

تفتكر ده كله ممكن أى حد يعطيه لأى حد مجرد ما يطلبه ؟!!!!!!
أعتقد انها صعبه الحكايه دى

باختصار ماينفعش تطلب من حد خلاصه تعبه واجتهاده
اتعب وابحث وإن شاء الله تلاقى الخير

بس فى النهايه هاطلع اجدع من غيرى وهاديلك البدايه اللى بدأت منها
وهى التركيبه دى ـ بتاعه وزاره الزراعه
وابدا على بركه الله

شكرا لك جدا يااستاذ محمد على ماقدمت من سرد مقنع وشكرا لك ايضا على تركيبة وزارة الزراعة لاكن عندى تعليق بسيط وهو انى احب الناس جدا واحب ان اخدم غيرى بما اعرف وقدر استطاعتى وانا شخصيا لا احب ان ابدا مما ابتدا منه الاخرون بل احب ان ابدا من حيث انتهى الية الاخرون حتى لااكون مجالا للتجارب ولعل الله ينفع بنا وبك الناس ايا كان الثمن وهذا ليس ذما فيك بل بالعكس انت انسان خلوق ومهذب والدكتور حسام بيشكر فيك جامد بل انا قصدت من طلبى شئ ينفع الجميع من باب خير الناس انفعهم للناس ومن كان فى حاجة اخية كان الله فى حاجتة هذا مبدئى انا فى الحياة واكرر ليس عيبا فيك بل هو حقك الاصيل المتاصل كمان وانا ااسف ان كنت قد اسات فى سؤالى بداية او فى ردى نهاية واتمنى ان ترسل لى فى رسالة الرقم الخاص كى اتشرف بمعرفة حضرتك

لا أبدا يا اخى الكريم
لا مجال للإعتذار هنا اطلاقا
حضرتك طلبت وشرحت اسبابك
وأنا اعتذرت وشرحت اسبابى

وإن كان الأمر انك تبدأ من حيث انتهى الآخرون
لك كامل الحق طبعا
ولكن أليست تركيبه وزاره الزراعه نتاج خبرات أهل خبره ومعرفه ؟ ممكن تبدأ منها

تليفونى
01002841988

شكرا لك استاذنا الكريم على ذوقك الرفيع وتركيبة وزارة الزراعة تركيبة قطاع عام مشى حالك لاكن انا ابحث الان على تركيبة جربت بالفعل وظهرت نتائجها بالفعل والتى يمكن الاعتماد عليها بنسبة 200% وليس 100%

ربنا يوفقك استاذ محمد ويديك علي قد تعبك وجهدك

شكرا لك أ / احمد

استاز محمد انت من حقق انك تحتفظ بما تعبت كى تصل اليه وربنا يوفئك وهذا دافع للكل كى يسعى سعيك

شكرا لك أ/حسام

انا كنت اعمل بفرنسا اكثر من عش سنين فى مجال التشطيبات والدهانات وتركيب الموكيت والسيراميك والباركية وورق الحائط وكل شئ من الداخل فى المعماروكنت شف على اكثر من 50 صنايعى ومساعد وكنت اعلم كل ما تعلمته الى الناس التى لا اعرفها قبل من اعرفه ليصبح صنايعى فى المهنة وليس مساعد ويقبض من المال مثل ما اقبض ولا ابخل عن انسان باى شئ ولا انتظر شكرا من احد
ومهما تسعى وتحرص لا تاخذ سوى رزقك

كلامك صحيح استاذ محمد طويله ولكن
يا استذ alkanas2030
ممكن يكون الاستاذ محمد تركيبته مش كويسة (الله اعلم)
وممكن يكون صرف كتير قوي علشان يوصل للتركيبة المناسبة
انا شايف انه وصلك لنقطة البداية
ممكن انت لو حاولت بنفسك تكون احسن
يعني انا عن نفسي دي خامس سنة ف هندسة مساحة
محدش علمني امسك جهاز
اعتمد علي نفسك و جرب افترضنا اللي كان بيديلك المعلومة مات

انا اتفق مع الاستاذ محمد طويله ،وليا تعقبين الاول ان الاستاذ محمد تعب واجتهد عشان يوصل لتركيبة مناسبة ،أنا عن نفسي بأستمتع بالبحث والتنقيب والتفتيش مثلا أنا اتعلمت الفوتوشوب كاملا مجهود ذاتى ومريت بتجربة مريرة فى وقت كان الفوتوشوب كأنه سر حربي وقابلت اشخاص كتير منهم دفعتلة فلوس ومنهم أعطانى معلومات غلط ومنهم اشتريت فلاتر بمبالغ عرفت بعد كدة انها ببلاش على النت المهم نرجع لموضوعنا ،تانى تعقيب الاستاذ محمد طويله بيبع علف ليه ما نشتريش منه العلف دة ويستفيد الجميييييييييع!!!!