بسم الله الرحمن الرحيم
انا هقول الخطوات بسرعه لانها مش معقده ولا اي حاجه
هتجيب كام لوح خشب قديم او جريد نخل وتعمل مربعات تمام وتجيب بلاستيك بتاع شكاير الاسمده
المعروف عند الفلاحين بأسم (شكاير باغ ) و تخيطها علي الخشب اللي انت عملته علي المحيط كله
وتجيب اي مسمار وتخرم البلاستك دي تخرمها علي قدر ما تقدر (تتخرم)
ملحوظه وانت بتعمل الخشب متكبرش الحجم قوي خليها 40*50 سم
وتجيب شكارة زيها وتخيطها تحت الاولي من 3 جهات وبميل علشان تنزل الميه
بعد كده تعلق الكائن اللي انت عملت ده في السق من النحيتين وتجيب جردل تحطة تحت مخرج الشكارة
الي نازل بميل زي ما قولنا علشان المية تنزل فيه
الحبوب بقي طبعا استنبات الشعير نفس خطوات الذرة ونفس خطوات الذرة العويجة كلهم زي بعض تمام
تجيب الحبوب
ملحوظة حبوب مش تقاوي حبوب عادي
تجيب الحبوب تحطها في جردل وليكن 2 كيلوا ذرة
تحطهم في جردل وتحط عليهم ميه وتحط شوية كلور او 2 سم يود خام (آمن)
لمده خمس دقايق و تتقلب الميه وهتسل بمية بيضه مكان المطهر
وتملي الجردل ميه بحيث تغطي الذرة او الشعير
وتسيبه لمده 10:12 ساعه
وبعدين تحطة الذرة علي المفرش
اللي عملناه مع مراعات اننا
بكومه فوض بعضه علي 4:6 طبقات فوق بعض ومتخفش ومتكترش
يعني اعمل طبعا سمكها 1 سم
واستمر بقي برش المية كل 5 ساعات
و لو عايز الشعير يطلع بسرعه هات لمبة موفرة بالليل
بشرط تكون بيضة ومينفش اللمبة العادية الصفرة دي
بس كده خلصنا
ومتسيبش الشعير اكتر من 9 ايام علشان ميعفنش منك
يفضل عمل الذرة في الصيف
والشعير في الشتاء
لان الشعير موسم زراعته في الشتاء و الذرة صيفي
ملاحظات
1- الشعير والذرة متحطهمش للصغار حطهم للارنب عمر شهرين فما فوق علشان الاسهال
2- نظم نفسك علشان متخلصش شعير وتركن لحد لما تعمل تاني (مثال اعمل انهارده 5 كيلوا وبعد بكره 5 وهكذا حسب الاستهلال عندك )
3_ متحطش المستنبت ده بديل علف مره وحده لا يبقي تدريجيا علشان متأذيش الحيوان
4_خلي بالك من العفونه بتاعت الشعير
5_اهتم بأضافه الاحماض الامينية عند استخدام الذرة صيفا
6_برضو خلي بالك من العفونه بتاعت الشعير
لو حد مش فاهم يقولي ممكن ارفع صور بس لو فاهم وعايز تتعبني اني اصور و ارفع الصور احب اقولك (اتق الله وحرام عليك)
ادعولي بقي علشان النتيجه بتاعت البكالريوس هتظهر
بالتوفيق
منتدى الأرانب للجميع
أهلا وسهلا بك زائرنا الكريم ، في منتديات الأرانب للجميع .
المرجو منك أن تقوم بتسجـيل الدخول لتقوم بالمشاركة معنا. إن لم يكن لـديك حساب بعـد ، نتشرف بدعوتك لإنشائه بالتسجيل لديـنا . سنكون سعـداء جدا بانضمامك الي اسرة المنتدى . مع تحيات الإدارة
محمد-حسنالسبت يوليو 12, 2014 11:10 pm