نصف العمى ولا العمى كلة

هو ممكن بس لو لحقتة فى الاول خالص لان الارنب حساس جدا ممكن تذبحة وتلاقى جسمة او لحمة من جوة مش قد كدة ف لازم تلحق من الاول

فعلا كلام مضبوط لو فيه حاله تغيب فى العلاج التخلص منها بدبح افضل ومنشوهش الباقى ويبقى عمليه اقتصاديه وفر العلاج وعدم اصابه الباقى بس لو فيه مجموعه يبقى لازم من العزل و العلاج

فعلا يا عم صلاح .. لكنى اصبحت نادرا ما استخدم العلاج .. يعنى مثلا وجدت ارنب علية بوادر الاسهال فذبحتة فورا ولم يكن اخواتة ظهرت عليهم اعراض بعد .. فاطلقتهم على السطح ووضعت لهم دريس ( الياف ) .. مع ملحوظة هامة لاحظتها وهى ان السطح نوعان سطح عبارة عن خرسانة وممكن يكون علية بعض الرمال وذلك النوع مناسب جدا لانة جيد لحركة الارانب ولا يتسبب فى تلويث اقدامهم وسريع الجفاف .. والنوع الثانى من الاسطح وهو المغطى بالبلاط يتسبب فى تلويث اقدام الارانب وممكن ارتفاع نسبة الاصابة بالكوكسيديا فى ذلك النوع من الاسطح

الدريس فى حالات كتير بيساعد على حل المشاكل والارض الرمله فعلا افضل من الخرصانه بس خلى با الك من الشمس المباشره خطر جدا

اختلف معاك جدا

طبيعى لازم يكون فى اختلاف بين طريقة كل مربى والاخر .. لكنى شايف ان الطريقة دى انسب بالنسبة لى .. ولو افترضت ان عندى عدد 3 ارانب بوزن اجمالى 6 كيلو تعبانين .. يعن ثمنهم تقريبا 140 جنية وكمانى هصرف عليهم علاج 15 جنية .. وكل دة ممكن اخسرة .. لا طبعا .. عصفور باليد خير من عشرة على الشجرة .. وطريقتى دى بعد فترة كبيرة من عدم تحقيق ارباح .. ومع تغيير العلف .. وباستخدام هذة الطريقة بدئت اشوف ربح .. لانى مربى عادى .. مش طبيب بيطرى او مركز بحوث .. ولو كان الانب ممكن يؤكل بعد العلاج لو مش جاب نتيجة كان ممكن استنى .. لكن اخر مرة ذبحت ارنب قبل ما يموت وكان واخد علاج .. كان لحمة فية مرارة غريبة ...