طريقة التبريد عندى ( للمساحات الصغيرة فقط )

بس دى محتاجة كمية كبيرة من الجراكن !!

وهل بتخفض الحرارة كويس يعنى ممكن تنزل درجة الحرارة كام درجة ؟

الفكرة لسة مش نفذتها عملى .. لكن عندى شوية ارانب على السطح وعامل ليهم حاجة كدة زى مظلة لكن الشمس كانت بتدخل ليهم برضة فاستغليت الجراكن اللى عندى وعملت ليهم حاجز بيها زى جدار ولتثبيت الجراكن ملئتها بالمياة .. وما لاحظتة ان الارانب فى الحر تكون تحت المظلة مريحة وملتصقة اجسادها بالجراكن .. لكن درجة الحرارة دى صعبة انى اختبرها فى مكان كهذا ..

لقد فكرت ايضا فى تقطيع بعض الخيش ووضعة فى الجراكن مع المياة .. لكن هل ممكن دة يكون لية تاثير افضل

مش عارفة والله موضوع الخيش ده

ربنا يوفقك ان شاء الله

الكثير من المربيين بتستخدم الخيش المبلل لخفض درجة الحرارة ( هو تقريبا نفس خامة شكائر البصل القديمة ولونة بنى من خيوط عادية تقريبا وليس بلاستيك ) واعتقد انة متوفر بالمتر .. وبما ان الخيش المبلل يساعد فى خفض الحرارة او عزل الحرارة فكرت فى تعبئتة بالجراكن لعزل اكثر .. انها مجرد بداية لفكرة ممكن التعديل عليها

ممكن لو فى نوع مواسير زى بتاعة الصرف بس رخيص نطبق معاة نفس الفكرة بحيث يكون احد الاطراف مسدود ويعباء بالمياة من الاعلى ودة للجدران .. ولو للسطح الطرفين يكونو مسدودين ويكفى ثقب من الاعلى لملئ الماسورة . . من الممكن لو زجاجات يلاستك كبيرة من بتاعة الحاجة الساقعة .. اجمعها واحدة واحدة واستخدمها للسطح .. هكذا .. هناك تفكير فى الكثير من الوسائل ..

تم نقل الموضوع

كذلك جربت طريقة اخرى بالصدفة ... ياستخدام الفلين ( الفل ) كانت كمية معقولة من اللى بتيجى مع الاجهزة الكهربائية الجديدة لحمايتها من الصدمات .. رصيت الواح الفل بجانب بعضها فوق سطح غرفة ارانب ثم وضعت فوقها بعضا من القش .. كذلك ثبت بعضا منها فى الجدران .. والنتيجة كانت مذهلة بالنسبة لى .. حيث انخفضت درجة الحرارة كثيرا واصبح الجو بداخل الغرفة ممتاز .. واقبلت الاناث على التلقيح وتحسنت الحالة العامة للارانب .. لكن المشكلة من اين يمكن الحصول على الواح فلين اذا لم تكن هناك اجهزة كهربائية جديدة .. مع ملحوظة انة كلما كان سمك لوح الفلين اكثر كلما كان افضل ..

فعلا الفلين عازل جيد للحرارة

جزاك الله خيرا يا أستاذ مصطفى ..
أشكرك على مشاركتنا نتائجك باستمرار ..
تقنية العزل بألواح الفلين مستخدمة في طرق البناء الحديثة ، بحيث يتكون الجدار من حشوة فلين بين طبقتين من الأسمنت ، و يذكر أن هذة التقنية أثبتت كفاءتها في عزل الحرارة و البرودة و الصوت أيضا ..
أما فكرة الخيش فأظن وضعه على العبوات من الخارج أفضل ، و هذه الفكرة مستخدمة في تبريد المياه داخل العبوات .

الفل موجود عند الى بيبيع قطع غيار الاجهزه الكهربائيه للثلاجات

الفل أو الفوم بيتباع بالمتر مكعب
م3 = 20م مسطه
يعنى بيفرد 20 متر
وطريقه استخدامه عن طريق فرد بوتامين على السطح ـ الخراسنه ـ ولصق الفوم فى البوتامين
وبعد ذلك يتم اما تبليط السطح أو وضع اثقال عليه ( حتى لو كانت من الرمل) علشان يثبت
دى الطريقه اللى استعملتها فى عزل سطح بيى لأنه دور اخير ومش هابنى فوق منه
ممكن انت تشترى بالات قش وترصها جنب بعض على السطح كله
وانسى الحراره والبروده ولو حبيت تبنى تانى هاتشيل القش وترجع تفرده على السطح الجديد
او تجيب غيره وهو مش غالى

سعره كام تقريبا استاذ محمد ؟