أسعارارانب التسمين بالمحافظات

20 ج فى القاهره

M.Tawela كتب:

الشرقيه تعتبر وكر من أوكار صناعه الأرانب فى مصر
يعنى الإنتاج فيها اكبر بكتير من الإنتاج فى العريش
والقاعده معروفه كل ما زاد الإنتاج زاد العرض وزياده العرض يقابلها نزول فى السعر

افادكم الله يابو هاشم بس 17 جنيه قليل اوى الله يكون فى عونكم

دي كانت ب 20 فى الشرقيه من شهر ونص بس وبعدين نزلت ودا السعر اللى التاجر بياخد بيه

18.5 فى القاهرة

السعر اليوم 14/2 في القليوبيه 18.5

أبو مازن كتب:

السعر في المنزلة 18 جنيه لتاجر الجملة

ممكن حضرتك تدلنى على اللى بيستلم منك عشان هنا بيستغلو

العر اليوم في القليوبيه 18.5 اناسألت تاجر ب18 وتاجر تاني قال 18.5 لاني بخرج من 50 الي 100 كيلو

السعر عرض وطلب حسب مصلحة التاجر

الأخ أبو سعد 18 جنيه في المنزلة ولو عايز تبيع كلمني على المحمول 01223654430

M.Tawela كتب:

الشرقيه تعتبر وكر من أوكار صناعه الأرانب فى مصر
يعنى الإنتاج فيها اكبر بكتير من الإنتاج فى العريش
والقاعده معروفه كل ما زاد الإنتاج زاد العرض وزياده العرض يقابلها نزول فى السعر

توضيح واجب
إمبارح اتصل عليا تاجر وسألنى عن ارانب لحم وكان متوقع انه يسمع السعر اللى هو شايفه فى المنتدى (17جنيه)
وبعد ما وضحت له السعر كان لازم اوضح فى الموضوع اسباب اختلاف السعر ايه
السبب الساسى هو كميه أرانب اللحم الموجوده عند المربى
ينى اللى بيربى دكر ونتايتين وبيسوق إنتاجه عند بتاع الفراخ اللى جنب البيت هو اللى بيبيع بـ 17 جنيه
اللى عنده كميه اكبر شويه ممكن يبيع بـ 18 لأنه بقدر ينوع من السوق بتاعه مره لبتاع الفراخ ومره لحد من الجيران ومره لحد معرفه
حتى بتاع الفراخ نفسه بياخد منه بـ 18 جنيه وبياخد من غيره بـ 17 والسبب فى كرده انه عارف ان المربى ده هايقدر يوفيه احيتاجاته فى اى وقت
غير المربى ابو نتايتين ودكر واللى بيبيع كل شهر مره وبتكون اعداد بسيطه
ولو المسأله أكبر شويه بتقدر تبيع بـ 19 جنيه لأنك بتبيع لوسيط بيجمع من عندك ومن عند غيرك لحد ما يجمع كميه كبيره وييجى التاجر يشيلها مره واحده بـ 20 جنيه او بـ 19.5 مثلا والوسيط بيكون مكسبه فى الجنيه الفرق ده مابين السعر عندك وبين السعر اللى التاجر بياخد بيه من عنده
أما أصحاب المزارع واللى بيقدروا يطلعوا بالـ 100 حته مره واحده ـ وده على اقل تقدير بيبيعوا بـ 20 جنيه
ورغم ان السعر اغلب من الناس بس التاجر ـ بصفه عامه ـ بيحب يتعامل معاهم لأنه بينزل على المزرعه ياخد منه الوجبه بتاعته على طول
300 كيلوا مثلا او اكتر ويرجع وده طبعا بيكون افضل بكتير من انه يلف على الناس اللى عندها حاجات بسيطه 30 حته او 40 حته ويجمع منهم طلبه
حتى لو كان السعر فى المزرعه اغلى بجنيه لأنه فى الحاله الأولى هايدفع أجره واحده للعربيه
لأنه هايرجع على طول وفى الحاله التانيه هايفضل يلف وأجره العربيه هاتزيد غير الأرانب اللى بتخس فى الطريق
ومع حسبه بسيطه هاتكون الفضليه للتاجر انه يشترى من المزرعه حتى لو كان السعر اغلى بجنيه
يعنى كل ما يكون عندك كميه كبيره كل ما تقدر تمسك فيهم سعر كويس
أرجو انى اكون قدرت اوصل المعلومه

تحليل سليم يا أستاذ محمد ولكن أحيانا صاحب المزرعة بيضطر يتنازل للتاجر شوية في الأيام الحالية لأن العرض كتير والأسعار مسمعه في كل مكان وهو عايز يخلص من الكمية اللي عنده مره واحده لأن تأخيرها هيكلفه كتير وعامة المزارع الكبيرة بيكون نسبة التكلفة فيها أقل من الأعداد الصغيرة

اليوم فى دمنهور انا بايع للتجار بــ18 جنيه

أبو مازن كتب:

تحليل سليم يا أستاذ محمد ولكن أحيانا صاحب المزرعة بيضطر يتنازل للتاجر شوية في الأيام الحالية لأن العرض كتير والأسعار مسمعه في كل مكان وهو عايز يخلص من الكمية اللي عنده مره واحده لأن تأخيرها هيكلفه كتير وعامة المزارع الكبيرة بيكون نسبة التكلفة فيها أقل من الأعداد الصغيرة

ده مش تحليل على قدر ما هو رؤيه شخصيه انا شوفتها بنفسى
وفى رأيى الشخصى ان صاحب المزرعه التقيل بيكون قادر على التحكم فى أسعاره الشخصيه
بس دى بتحتاج خبره طويله فى المعامله مع التجار وفى أمكانيه الرؤيه صاحب المزرعه للسوق
يعنى مثلا لو انا عندى مزرعه كبيره والتاجر بيشترى من عندى كل أسبوعين مثلا يعنى بيتصل مره يظبط الميعاد وبعدها بييجى يشترى
أما لو اتصل خلال الأسبوعين دول 4 أو 5 مرات هايبقى مفهوم انه مش لاقى ارانب وساعهتا هاعرف امسك فى السعر
وحاجات كتير من كده محتاجه كوبايتين شاى وقاعده كبيره مع بعض علشان نشرحها

محمد الصيري كتب:

جمييل تعليقك استاذ محمد وتحليل منطقي وفي رأيي كل ما كان المربي عنده طرق توزيع مختلفة كل ما استطاع التحكم في السعر لأنه مش مضطر يبيع بخسارة كبيرة عن غيره بمعنى تاني اللي هيسيبه التاجر هياخده غيره ،،

فعلا كلامك سليم
كل ما كان عندك سوق كبير ومتنوع كل ما كان البيع اسهل

19-20 العريش

اليوم 19.5 لتاجر الجملة بالعامرية - الأسكندرية

يا خسسارة
عندنا السعر 20 لاكن ارانب ما فيش
قليله كتير
رشيد البحيره

فعلا والشهر اللي جاي حيبقي اقل

السلام عليكم ورحمة الله وبركاته
انا من منية النصر وعندى حوالى 70 ك لحم بكام تشترى ؟
الاوزان من 2400 وحتى 1800

تليفونى 01066280061