سؤال

أخى الكريم يوجد علاج فعال باذن الله تعالى
أولا :يتم حقن محلول تليوفيت20%تحت الجلد بواقع نصف سم لمدة 4 أيام
ثانيا :يتم تنزيل الاهم وهو فيتامين أ ده3سى أجريفيت واحد سم /التر
ثالثا :يتم رش th4 بالمزرعة

وستكون النتائج أفضل بأذن الله



ياسر السيد 0141251586

يا استاذ ياسر الادويه دي بشريه ولا بيطريه ومحلول ‏TH4 ‎‏ ده اجيبه منين ولو رشيته مش غلط علي الارانب واحط كام منه علي اللتر وجزاك الله خيرا ياباشا

اعطى كل ارنب 1سم فلوكساد ( دواء بيطرى)عضل لمدة 3 او 5 ايام حسب شده الحاله عندك وتدى 1 سم فارولكس ب12 (دواء بشرى يحقن عضل) بعدها مش اقل من نص ساعة بين الحقنتين من الافضل والاهم اعرف سبب البرد ايه عندك وغالبا هتلاقى ى تيارات هوائيه او رطوبه فى المكان

يا ام عمر انا عندي اوضه فوق السطوح بابها بحري وانا فاتح في الباب نظام منور وف الناحيه القبليه قصاد المنور الي ف الباب منور برضه بس دول عاليين في نظرك دول يعملو تيارات هوائيه وجزاكم الله خيرا

انا كنت بربى فى غرفة والشباك فيها كان عالى ولكن كان بيدخل هواء بارد عليهم وخصوصا فى الايام اللى زى دلوقت ( الجو متقلب) واصيبوا بالتهاب رئوى الافضل تقفل الشبابيك وتترك الباب مفتوح للتهويه او تعمل من الشكاير زى ستائر وتحطها على الشبابيك والباب علشان تمنع التيارات المباشرة وفى نفس الوقت تضمن تهويه معقولة

مش فاهم حضرتك لو قفلت بشكاير مش هيدخل هوا اساسا ولو سبت الباب مفتوح هيدخلهم كل الهوا مش فاهم وجهة نظر حضرتك ياريت التوضيح

اعمل ستارة على الباب والشبابيك من الشكاير ودى هتقلل من تدفق الهواء المباشر عليهم وفى نفس الوقت هتسمح بالتهوية لكن لو الباب بيدخل هواء شديد يبقى احرص على قفلة باستمرار والامر يرجع لتقديرك فىشدة الهواء فى المكان

كلام ام عمر مظبوط جدا الفلوكساد رائع في البرد و ممكن تنزل في الماء streptomycin sulfate جرام علي اللتر لمده 5 ايام ز اهم شيء عالج السبب اللي ادي للالتهاب الرئوي زي ما قالت ام عمر

يعني تقصدو وقت لما احس ان الدنيا هوا اغطي بستاير من شكاير

ايوة لو الجو برد او فى هواء

السلام عليكم ................ اولا نعالج السبب زى ما الافاضل قالو ثانيا اعطاء تيلوزين حقن 1/2 سم تحت الجلد 3 ايام ثالثا وضع تيلوزين بودرة فى الماء لمدة 3 ايام وفى شى اناجربتة على اكتر من ارنب ادى ناتيجة 1/2سم زيت ثوم واثانى 1/2سم زيت بركة

زيت الثوم وزيت حبة البركة ازاى يتم استخدامهم ...........حقن والا عن طريق الفم

زيت الثوم وزيت البركة عن طريق الفم

انت مجرب الحاجات دي

جاجات ايه بالظبط

انا اقصد علي الوصفه اللي قالها الاخ التوم هل هو مجرب و جاب نتيجه كويسه ولا ايه؟انا شخصيا بانصح باستخدام فلوكساد حقن لانه جيد في حالات البرد بس الحقن يكون من 3-5 ايام و ياريت يكون في العضل بسرنجه اطفال رضع

التوم جاب نتيجه في الاسهال كنت بدفي المايه ع النار واحط فيها 3فصوص توم ونص لمونه لمدة ساعتين والحمد لله نتيجته فعاله وانا دلوقتي بعمل كده مره في الاسبوع كوقايه

بالنسبة للزكام المعدى او الذى قد وصل عندك الى التهاب رئوي فيجب اولا ذكر ما الادوية التى قمت باستعمالها ولم تاتى لك بنتيجه

ثانيا لايصح استخدام ادوية تحتوي على مضادات حيوية بدون مراعاة التفاعلات الدوائية فقد يفسد كل مضاد الاخر

ثالثا : اذا الارنب غذائه ضعيف وعلفه سيئ فلن يجدى اي مضاد حيوي بل سيضعف الارنب ويؤدى للضعف ثم النفوق

رابعا : الامايسن حقن تحت الجلد .5 سم 4 الى 5 ايام نتيجته جيدة

خامسا : مهما عالجت الارانب يجب الحماية من التيارات الهوائه المباشرة وارتفاع الرطوبة والامونيا في العنبر والا لن يجدى كل ما تفعل

وربنا يعينك انشاء الله وتقضى على البرد مع العلم ان البرد في العنابر الكبيرة يستحيل القضاء عليه تماما فهو دائم الظهور

يا استاذ عمار انا بنضف كل يوم وفي تهويه جيده وبرضه في ريحة امونيا