اخيرا ارانيبي ابتدت تولد

هو انتي عندك الارانب علي بعضيها ولاكل واحده فعين؟<اصلك بتقولي اتفسحو فعين الي جنبهم>المفروض تبقي كل ام ف عين لوحدها/ احقني الام بعد الولاده بمضاد حيوي/متنسيش الا فوماك عشان الجرب لاقدر الله/ارضيه بيت الولده خليها حتة ابلكاشه

نسيت اقول ان الارانب بتاخد اد3ه يومين في الاسبوع و الاملاح يومين و السيلينيوم يومين و اليوم السابع بحط فيروسيدال تطهير لخطوط المياه

و كل يوم هيدريت عشن الحر

و لسه واخدين بروميكتين من عشر ايام بس لان كان ظهر جرب في الامهات و منهم الام اللي ولدت ارنب واح دي اكتر واحدة ظهر فيها جرب اصلا


و كمان اديتهم من 15 يوم تقريبا سلفا ديميدن لمدة خمس ايام و لما بيظهر عطس بحطلهم اينروفلوكساسن لمدة 3 ايام و ده حطيته مرتين خلال الشهر اللي فات

ده الجدول اللي ماشية عليه لو فيه حاجة احسن يا ريت تفيدوني

انا بالنسبة لل اد3ه و الاملاح و السلينيوم ماشية كل يوم نوع و بعيدهم تاني و هكذا

الامهات كل واحدة في عين بس الارانب الصغيرة عدت من السلك بتاع البطارية للعين اللي جنبهم اتساع السلك طلع كبير

احقنهم ايه مضاد حيوي عشان اروح اشتريه و بالنسبة لارضية بيوت الولاده هي ضيقة و اغلبها فيه اكتر من نصها الفتحات مسدودة اصلا

انت بتهرجى صح ؟؟؟ يعنى لو مش خايفة على فلوسك حرام عليكى الارواح دى دى فى ميزان سيائتك ان تركتيها تموت ،، فى حين يتمنى البعض بعض ماتملكين ،،

لازم تكونى عارفة الارنبة هتولد امتى وتعشرت امتى لو متعرفيش اتعلمى ولو مش عايزة ربى ارنبة او اتنين

او هاتى حد يجس الارانب طيب ؟؟

الامهات المتوقع ولادتها ولو ماتعرفيش تجسى شوفى اتلقحت يوم ايه وقبل هذا ب5 ايام رتبى بيت الاودة بالقش

او التبن قش لالالالا او نشارة الخشب ودعى قطعة سلك بلاستيك زى الى بنحتها على الشباك لو خروم البطارية الجانبية او الا رضية واسعة ،،، ياريت تقولى عندك كام ام ،، فى انتظار ردك

بالراحة بس عليا ربنا يكرمك

يا سيدي انا عارفة الارنبة اتعشرت امتى و عندي ريكورد بكل حاجة بتحصل بس اللي حصل ان الارانب الذكور في اول محاولة معملوش تلقيح صحيح و مكنش فيه منهم اي امل خالص و خصوصا ان الجو حر فعلا و بالنسبة للمجموعة اللي اتلقحت اول يوم دول 12 ام و ولد منهم النهاردة 3 بس و دول اتلقحو يوم 20 مايو

اما المجموعة التانية اتلقحت يوم 22 و ان شاء الله متوقع انهم يولدو بكرة او بعده على اقصى تقدير و دول اتلقحو بشكل افضل و اتقد حيكون انتاجهم اعلى


و دول 10 امهات


و الباقيين اتلقحو يوم 24


انا عندي 30 ام

و ست ذكور منهم واحد ملقحش اي واحدة للانه مش عارف يلقحهم اصلا و الباقيين يعتبرو شغالين كويس

الحرارة عندي دايما من 25 ل 30 و مش في ايدي اظبطها عن كده و عشان كده مكنش عندي امل كبير ان الامهات دي تعشر اصلا و خصوصا ان اكلهم ضعيف فعلا و مزدش خالص خلال الشهر ده مش بياكلو اكتر من 100 جم علف و ايام مش بيملوها اصلا ده غير ان كان فيه مجموعة جالها جرب على الرغم من اني حقنتهم ايفوماك اول ا جبتهم من شهر اتحقنوا يوم 20 مايو و اصلا انا جايباهم يوم 19


بالنسبة لارضية بيوت الولادة فهي لوح من شبكة بلاستك مربعة و الابعاد بتاعت المربعات متزيدش عن نص سم رفيعة مش بينزل منها اي حاجة بسهولة



و اي استفسار تاني انا تحت امرك

معلوما هتفيدك لا تبدائى بمشروع ارانب بعد كبي ابدائى بعدد صغير

السلام عليكم ورحمة الله

بالنسبة للامهات عند تعشيرها اكتبى تاريخ التلقيح ،،، وعند 15 يوم جس ( مش بتعرفى طيب ) حاولى تلقحيها تانى بعد 5 ايام من التقيح الاولى عشان لومامسكتش من المرة الاولى تمسك التانية ان شاء الله

قبل موعد الولادة ب 5 ايام ضعى بيت الولادة وبه تبن او نشارة

وحقنى الام ب كالى دى ماج 2 سم ،،،،،،

بعد الولادة احقنى الام اسم مضاد حيوى ثم بعد 3 ايام احقنى الام 2 سام كال دي ماج و 1 اسم فيتامين هذا اختصارا،،،،

قد تلد الارانب على السلك بسبب انها اول مرة او سوء رعاية من الام وفى حالتك بسبب انها اول مرة

من تاريخ التلقيح ترجعى ترمى الانثى للذكر لو عملت هروب ولف داخل العين اعرفى انها

معذرة هذا ليس معيارا للتعشير المعيار الوحيد الجس

عدل سابقا من قبل HOUSAMMI في الخميس يونيو 23, 2011 11:55 am عدل 1 مرات

الف شكر لك اخي حسام و ان شاء الله احقنهم بكرة بالمضاد الحيوي و اجهز الكال دي ماج و الفيتامينات اللي هي اد3ه و لا حاجة تانية


و الحقن كله عضل ان شاء الله و لا فيه حاجة تحت الجلد و المضاد الحيوي نوع معين و لا ايه بالظبط


و شاكرة ليك صبرك و ردك عليا

و الحقن كله عضل ان شاء الله و لا فيه حاجة تحت الجلد و المضاد الحيوي نوع معين و لا ايه بالظبط
و شاكرة ليك صبرك و ردك عليا

الحقن كلها مش عضل تحت الجلد __ هام :affraid_ معظم الحقن بتبقى تحت الجلد البعض فقط عضل بس مش هتعرفى تديه عشان صعب وبيعمل اورام _ عشان كدة ممكن تدية تحت الجلد كل انواع الحقن //

المضاد الحيوى اى نوع طويل المفعول يفضل تيرامسين

جزاك الله خيرا واعانك عليهم ،، واعتذر ان كان ردى الاول اساء اليك :

الف شكر لردك و اكيد ردك لم سئ اي كفاية ان حضرتك رديت اصلا بس كل واحد و له ظروفه و عشان اقدر ابدأ كان لازم ابدأ بعدد كبير عشان يجيب همه و خصوصا اني بسافر يوميا عشان اراعي الارانب دي لوحدي بدون مساعدة

و سؤالي المرة دي هل اوكسي تيتراسيكلين 5% يمشي و لا ايه و بالنسبة للطلق الصناعي اعتقد ده بقى لازم يبقى عضل و عموما انا اضطريت ادي ام منهم النهاردة حقنة لانها من امبارح بتوولد واحد واحد و خلال يوم ولدت ثلاثة و اضطريت اديها اقل من نص سم سنتيسينون النهاردة عضل و الحمد لله نزلت كل اللي في بطناه خلال نص ساعة و ان كانو كلهم ميتين بس الام الحمد لله بخير


و بالنسبة للفيتامينات انا عندي اد3ه اللي بحطه في المياه احقنها منه و لا كفاية اللي بياخدوه في المياة 1\2 سم على الليتر مرتين في الاسبوع من يوم ما جبتهم

[quote="كريم العالم"]انا مستغرب على حضرتك
اية الى خلاكى تبدأى ب 30 ام ولسا مش بتعرفى تجسي الارنبة
المفروض كنتى جبتى عدد قليل تتعلمى فية
اما بالنسبة للأم الى بتولد على السلك برة بيت الولادة فاظن ان دى اول بطن ليهااا
انا هحاول اقولك شى يمكن اساعدك بردو

انا بقالى شهرين والحمد لله الوضع عندى مستقر
بس فية حجات ملتزم بيها بدون نقص او زيادة وهى

ان الارنبة الوالدة بحطها للذكر فى نفس يوم الولادة ( بعد 8 ساعات تقريبا ) ودة بيكون نسبة الاجابة عند الانثى عالية جدا عن اى وقت تانى

اما موضوع الجس فمش هقولك اتعلمى لا بس فية طريقة تعرفى بيها انك بعد عشر ايام من تاريخ التلقيح ترجعى ترمى الانثى للذكر لو عملت هروب ولف داخل العين اعرفى انها عشر واتاكدى اكتر بعد 5 ايام هتلاقى الحمل بان اوى فى بضنها لانة هيكون بقالو 15 يوم كدة " دة مؤقتا لحد متتعلمى الجس "


الام الوالدة عندى بعطيها فى نفس اليوم الاتى
نصرومتكين نص سنتميتر تحت الجلد
ميفكس 2 سنتميتر عضل ودة لزيادة اللبن فى الام
اما فوتمين ا د ه 3 بحطة كل يوم اول يوم فى الشهر
اما الاملاح كل تلت شهور بالتحديد يوم 9 علشان طبعا مينفعش يتجمع هو والفاتمين مع بعض او ورا بعض لازم يكون فى دور مياة خالى من اى شى بين الاتنين

الوصفة دى ماشية معاية كويس الحمد لله وانا واخدها من واحد معاه مزرعة كبيرة جدا ربنا يزيدة وبيشتغل فى الارانب بقالو تلت سنين


والسلام عليكم[/quote
حضرتك بالنسبه لمنع او قله الاكل الاتي
فيتامين ج جرام علي لتر مياه مرتين اسبوعيا ده للاجهاد الحراري
وبعدين عندك علي مدار الاسبوع حجات كتير في الميه مش عارف ليه

الف شكر لك استاذ حسام

بالنسبة لاضافات الماء زي ما قلت لحضرتك المهندس اللي اشتريت منه الارانب هو اللي ادالي الجدول بالطريققة دي فهل حضرتك شايف اني اغيره و لا ايه

و بحط يوميا حاجة اسمها هيدريت على الماء

بس عموما الارانب من يوم ما جت و حالتها الصحية في تحسن

بالنسبة للمضاد الحيوي انا مش مشكلة عندي موضوع السعر المهم عندي الفاعلية و بصراحة انا ملقيتش في الصيدلية غيرالاوكسيتيتراسيكلين 5% و خطيبي صيدليته في اسكندرية و ان شاء الله حيجيبلي الادوية اللي ححتاجها و هو جاي بعد عشر ايام انا بمشي اموري عشان مفيش صديلية بيطرية قريبة مني


بالنسبة للطلق انا عارفة هو بيتاخد في حالة التأخر لمدة 33 يوم بس الام اللي حقنتها كان بقالها تقريبا 30 ساعة بتولد كل عشر ساعات كده ارنب واحد و هكذا و كانت ابتدت تتعب فعلا و كان لازم اعمل اي حاجة

و بالنسبة للحقنة دي انا حقنتها عضل لان المهندس اكد عليا انها لازم عضل و انا عارفة انها ممكن كده او كده

و بالنسبة لموضوع ان الام تقبل التلقيح و هي عشر فده من ضمن الحاجات اللي خدعتني في الامهات عندي لانها قبلت التلقيح كلها على 15 يوم من التلقيح الاول اللي ولدو على تاريخه الاسبوع ده و واحدة منهم بس نزفت بعد ما قبلت التلقيح و انا اعتبرتها كان عشر و اجهضت


و بالنسبة للجس انا مش بعرف فيه كويس بس بخاف عليهم لان الجس بغباء ممكن يجهض الام فعلا و انا مش بحب افتي في حاجة مش متأكده منها


الف شكر للجميع على اهتمامهم و ردهم و كمان تعليقاتهم و ان كنت افضل اني مردش على اي تعليق مهما كان جارح

صلي علي رسول الله وتحت امر حضرتك

عليه الصلاة و السلام

HOUSAMMI كتب:

masrawaya كتب:

الف شكر لردك و اكيد ردك لم سئ اي كفاية ان حضرتك رديت اصلا بس كل واحد و له ظروفه و عشان اقدر ابدأ كان لازم ابدأ بعدد كبير عشان يجيب همه و خصوصا اني بسافر يوميا عشان اراعي الارانب دي لوحدي بدون مساعدة
و سؤالي المرة دي هل اوكسي تيتراسيكلين 5% يمشي و لا ايه و بالنسبة للطلق الصناعي اعتقد ده بقى لازم يبقى عضل و عموما انا اضطريت ادي ام منهم النهاردة حقنة لانها من امبارح بتوولد واحد واحد و خلال يوم ولدت ثلاثة و اضطريت اديها اقل من نص سم سنتيسينون النهاردة عضل و الحمد لله نزلت كل اللي في بطناه خلال نص ساعة و ان كانو كلهم ميتين بس الام الحمد لله بخير
و بالنسبة للفيتامينات انا عندي اد3ه اللي بحطه في المياه احقنها منه و لا كفاية اللي بياخدوه في المياة 1\2 سم على الليتر مرتين في الاسبوع من يوم ما جبتهم

* ربنا يوفقك ان شاء الله بنالنسبة لموضوع سفرك كل يوم خلى بالك من نفسك

@ الاوكسى تتراسكلين ينفع وكمان ارخص بس ياريت التركيز الاعلى 20%

@ الطلق الصناعى بعد اليوم 33 - اسم ثم انتظرى ساعة اذا لم تلد اسم كمان _ وعلى فكرة كما اوضحت لك كلها تحت الجلد مش عضل

@ اد3ه الذى يتم وضعه فى الماء لا يحقن وكذلك بالنسبة لكل اضافات الماء ده حاجة وده حاجة ،،،، ،،، من ناحية تانية الذى يتم حقنة بيكون تركيزة اعلى وكمان فائدة اسرع وافضل ولا يغنى عن اضافات الماء ،،، طريقة الاضافة كل 15 يوم ضعية لمدة 3 ايام يعنى مثلا يوم 16-17-18 ثم مياة نقية ثم حاجة تانية زى الاملاح مثلا 19-20-21 وهكذا


ا / محمد مع ااحترامى المتزايد لحضرتك : بس اختلف معاك

رجعى ترمى الانثى للذكر لو عملت هروب ولف داخل العين اعرفى انها عشر

الانثى قد تقبل الذكر وهى عشر وقد لا تقبله وهى فاضية وهذا معروف والمصدق على كلامى اننا نعانى الامرين فى الاناث التى لا تقبل الذكر رغم خلوها ،، ونلجا الى التلقيح الاجبارى

كما ان وضع الانثى بعد 8 ساعات للذكر بغض النظر عن اى شيئ مثل صحة الام وعدد النتاج يؤدى الى اهدار الامهات وكذلك الى ضعف الفطام وزيادة النافق ،، لك منى جزيل الشكر جعل الله عملك فى ميزان حسناتك والسلام

ده كان اقتباس مش كلامي يا ا/ حسام انا اتكلمت عن فيتامين ج

ده كان اقتباس مش كلامي يا ا/ حسام انا اتكلمت عن فيتامين ج

عينى عليك كنت هزعل منك اوى

الجديد بقى يا جماعة الخير

ان فيه ارنوبة ماتت النهاردة ودي اللي كان عندها عسر ولادة من يوم ما ولدت و هي مش بتاكل و النهاردة ماتت للاسف

و كمان كل ما القح اي ام من اللي ولددو بتنزف مباشرة بعد التلقيح او بعدها بكام ساعة

الموضوع طبعا محيرني و قلت اسأل اهل المشورة

انا جربت امهات بعد 24 ساعة و امهات تانية بعد يومين و اخريات بعد 3 ايام كلهم بينزفو بمجرد التلقيح و اللي منزفتش لاقيتها نازفة بالليل

ما فيش مشكله يا اخت اي واحد في الاول بيتعلم بس انا ملحوظاتي ان انت بتعطي ادويه كتير جدا جدا اولا السلفا ديميدين بتاثر علي العشر و ممكن تسقط وكذلك التتراسيكلين وممكن انت تعرفي ده لانك طبيبه ثانيا لا يفضل تماما حقن الايفوماك في الارانب العشار ارضيه بيت الولد مافيهاش مشكله خالص البلاستيك كويس بس ابقي حطي تبن او نشاره او قطن افضل قبل الولاده و ممكن تحقني بعد الو لاده ايفوماك و تيراميسين طويل المفعول في سرنجه واحده و ياريت تاكلي علف جيد و بلاش الادويه الكتير قوي دي و حاولي تهتمي بتجنب الجرب بالنظافه المستمره و الرش الدوري للبيوتكس الفيروسيدال جيد جدا هايل بس ياريت ترشي منه في الجو و العتبر كله هو مطهر قوي جدا و اهتمي قوي بالسجلات ولو احتاجتي اي حاجه تحت امرك كلنا في خدمتك

الف شكر لحضرتك يا دكتور حسام و جزاك الله كل خير

انا الارضية عندي سيراميك و بمسحها يوميا بمايه نظيفة و بعدها بفنيك و الفيروسيدال بطهر بيه ببخاخة كل اسبوع برش بيه كل حاجة حتى الارانب و بحط منه في خطوط المياه

و اللي ارجوه من حضرتك تديني برنامج ادوية تشوفه مناسب بس رجاء ميكونش فيه حقن كتير عشا اخويا اللي بيساعدني بيخاف يمسك الارانب و لو اتحركت بيسيبها و مقدرش اجي خطيبي كل شوية من اسكندرية يحقن معايا


و بالنسبة للايفوماك هو احنا حقناه اول ما الارانب جت و بعدها بعشرين يوم تقريبا لما ظهرت حالات جرب فعلا و مكنتش اعرف ان الامهات عشر اصلا

و عموما بشكل موضعي انا جبت من الصيدليه حاجة اسمها افريزين لوسيون و ده ايفرميكتين 1% و حطيته على الاماكن المصابة بالجرب و جاب نتيجة كويسة الحمد لله بس الموضوع اختفي مع الحقن


الف شكر لكم جميعا و ربنا يقدرني على رد جميلكم معايا و دمتم بخير