ليه التعقيد

والله يا بو علوه ليك واحشه..
دا أولا..
ثانيا..
اقتراحك جميل جدا.. ياريت المختصين - وخصوصا dr hdeer - dr hosam اللى بيجمعوا بين الخبرة والتخصص العلمى يفيدونا فى برنامج كله أدويه تضاف فى الماء..
ويا حبذا لو قدموا لنا الامراض التى تصيب الارانب وطرق علاجها بعيدا عن الحقن.
وجزيت خيرا على الموضوع الرائع

وربنا انت واحشني اكتر ياباشا ياريت بجد حد يفيدنا لان الموضوع ده هيفيد ناس كتيره

الحن اسرع وتركيزه اعلي لكن كل الادويه في بديل شرب عادي
اكتب نوع الدواء واقولك علي البديل

اذيك يا استاذ محمد انا بقول عاوزين نادرا مانستخدم الحقن اقصد نستخدمه ف الحالات المستعصيه انا اقصد (كل مرض نوضحه علاجه ايه بالحقن والبديل بالشرب /برنامج الام بعد الولاده /برامج الفطام .....)

اوعدك هاعمل برنامج وانزله في المنتدي

ياريت والله يبقي وفرت علي ناس كتير جدا ربنا معاك.

تسلم ياباشا وجزاك الله خيرا

الحقن اسرع بكتير من الشرب او التجريع الى هو عبارة عن شرب برضة بس اكثر تركيز هذا من ناحية

اضافة اللادوية فى المياة نافع فقط فى حالة الاصابة الجماعية لان الارنب بتشرب من خط مياة واحد ولكن ماالحل فى
اصابة ارنب ما او عدد قليل جدا بالبر د مثلا او الكوكسيدا او غير ،، لذلك من غير العملى او المجدى او الاقتصادى
اضافة الادوية الى الماء ماعدا فقط الاصابة الجماعية ،،،
من ناحية تانية الحقن تحت الجلد لا يحتاج اى مهارة مجرد مرة واحدة يوريك الصح ازاى وهذا مجرد راى المتواضع

السلام عليكم طبيعي الاكتشاف المبكر للارنب المريض والعزل اهم خطوه في العلاج بس انا بقول نخلي الحقن ده نادرا في الحالات المستعصيه كل الحكايه عايزين بديل للحقن زي الافوماك بقي شرب زي برنامج الام بعد الولاده ده كله حقن لما الارنبه شبعت حقن نخليه شرب والامراض نقول المرض والعلاج بالحقن والشراب البديل وياريت ياجماعه تتفاعلو مع الموضوع ده وياريت د حسام يرد علينا منتظرين رد حضرتك وجزاكم الله خيرا

والله يا اخي انا لا احبذ الادويه الكتير في الارانب لو ظبطت العوامل الاساسيه مثل النظافه العلف الجيد التهويه الرطوبه التحصينات في ميعادها مش ح تحتاج لادويه كتير و الحقن زي ما قال حسام في الحالات الفرديه الضروريه فقط لانه اقتصاديا مجدي عن العلاج الجماعي لو وافيش ضروره للعلاج الجماعي والتحصينات عباره عن حقن لابد منه وبعدين ايه حكايه الايفوماك شرب ده ؟ انا شوفت ايفوماك اقراص بشري اسمها ايفرمكتين و اللي عجببني قوي في معرض اجرينا ايفرمكتين طويل المفعول مدته تدوم 28 يوم

جزاك الله خيرا د حسام الايفرمكتين ده طريقة استخدامه ازاي وياريت تقولنا عن الجديد في معرض اجرينا

برنامج الوقاية والعلاج فقط للي محتاج
يا استاذ ابو علوة ارجو التواصل معي عالخاص لعمل برنامج شامل ومتكامل بعيد عن الحقن
علي فكرة اعجبني موضوعك

اليفيرككتين طويل المفل يحقن 1 سم تحت الجلد يمتد مفعوله ل 28 يوم اسمه التجاري promectin شركه UBM

جزاكم الله خيرا‎ ‎

وأنا بأيدك بقوه

ياجماعه حد يفيدنا في هذا الموضوع

كلامك صحيح يا استاذنا بس هل كل الناس بتعرف تحقن؟؟؟

يعني مثلا لاقدر الله اي حد عنده ارنب اصيب بمرض ما وهو مبيعرفش يحقن طبيعي هيضطر يروح لعياده بيطريه طب لو كان العلاج 3 او 5 ايام ودكتور العياده حقنله اول يوم هيفضل رايح جاي الايام الباقيه غير كده في ناس بتغلب اساسا لحد اما يجيب علاج مش لما يحقن مفيش عياده جنبه وفي ناس كتبو ف المنتدي بتشتكيو من كده . الوقايه خير من العلاج وبرنامج الوقايه والتهويه الجيده بأذن الله يقللو اي مرض بس حد يضمن انه ميجلوش اي مرض دي حاجات بتاعة ربنا
فانا بقول كل واحد في المنتدي يطرح جدول وقايه ويتم مناقشته ونستفيد كلنا
غير كده انا قريت ان تركيب جسم الارنب يشبه الي حد ما تركيب جسم الانسان طب اي انسان بيجيله مرض لاقدر الله لازم ياخد حقن اقصد الماده الفعاله بتاعة الحقن دي منحطهاش في علاج يكون شرب في الفم عشان يبقا تركيزها عالي او شرب<اصل الحقن اسرع وبيمشي في الدم___ وانا بقول منستغناش عن الحقن لو في حاله متأخره مثلا نستعمله يعني نادرا مانستعمله>مثلا لما نقرأ برنامج الأم بعد الولاده دي اخدت حقن كفيله انها تخلي جسمها غربال ياريت ياجماعه نسمع آرائكم في هذا الكلام وجزاكم الله خيرا

الوقاية بتكون ضد الامراض الوبائية فقط
اما الاصابات الاخري يلزم رفع المناعة فقط دوريا....عشان الشرب ينفع

في حالات كتير يكون الحقن فيها ضروري فا لافضل انك تتعلم الحقن الصح لانه ضروري انا عايز ارفق فيديو كويس عن الحقت بس مش عالرف ازاي

بسم الله
لا غنى عن تعلم الحقن وهو لا يحتاج طبيب بيطرى هناك التحصينات لابد ان تحقن بخلاف الامراض الشديدة تحتاج لحقن لسرعة العلاج

حقن تحت الجلد فى غاية البساطة فى منطقة القفا خلف الرأس تشد الجلد لاعلى وتدخل الابرة لتصل الى الفراغ بين الجلد واللحم ويتم الحقن ثم التدليك مكانه

الجس اكثر صعوبة من الحقن لكنه ضرورى ايضا