تجربتي مع هذا الدواء

علي فكرة يا استاذ ابو علوة انا كنت ناوي اطرح هذا الموضوع للنقاش بس انت سباق في الخير
نرجو التفاعل من الاعضاء

فين الناس الحلوه

البنسلين ستربتومايسين ممتاز مع الباسترلا

جزاك الله خيرا استاذ‎ OSO‏ فين باقي الاعضاء

يا اخي البنسلين لا يستخدم في الارانب اما عن سؤال الادويه فتابع المواضيع في المنتدي وانت تاخد خبره جيده لا اعتقد ان في واحد فاضي ح يقعد يقولك العلاجات و الادويه بسهوله الا اذا كان فاضي جدا

يا د حسام انا مغصبتش حد يشارك وانا عامل الموضوع ده مش عشاني عشان الناس تستفيد حضرتك تقول الناس مش فاضيه ده بدل ماتشجع الناس يشاركو وبعدين حضرتك مش اول مره تعلق تعليق ذي كده ع موضوعاتي لو مش عاجب حضرتك الموضوع بلاش تعلق بلاش كده ده بدل ماتفتحو نفسنا

د/حسام مبيحبش حد يعارضه لازم نسمع وبس

بصراحة انا زهقت
بجد زهقت
انا بستغرب كل يوم
موضوع البنسلين دة محير ناس كتيرة
في ناس كتيرة ممكن متبقاش عارفة التفريق بين الادوية وتركيزاتها وحساسية المرض لية ومدي مناعة الحيوان لاستقبال الدواء
انا مبقولش حاجة الا وانا مجربها بعد ما اتعلمتها
مثال:
الباسترلا يتم علاجها بالاستربتومايسين ممتاز
ولكن مع اعطاء بنسلين مع استربتومايسين بتكون النتيجة افضل وبتكون بمعدل 200 ملي جرام للارنب واحسبها بقي
او ممكن تحقن سلفاديازين او سلفاميثازين و سلفاديميدين بمعدل نصف سم للصغير و1سم للوسط و1ونصف للكبير ممتاز ايضا...
ولكن اعطاء سلفاديازين مع ترايميثوبريم بيعطي نتائج افضل.....مثل منتج بورجال..
طب اية السر....للتوضيح اكتر:
لما بنهجم بنوع مضاد حيوي واحد بيبدأ الميكروب يتحور ويكتسب مناعة ضد العلاج...
وعند اعطاء تركيبة دوائية يتم محاصرة المرض والقضاء علية بسرعة عالية....
بصورة بلدي....لما اهجم علي واحد لوحدي...مش زي لما اهجم علية انا واخويا.....
واي معلومات توضيحة اكثر يرجي المراسلة....او متابعة هذا الكتاب
the right way to keep rabbits__roy robinson__elliot right way books___kingwood,surry ..u.k.

احب اوضح ان ممنوع استخدام البنسلين البودرة في ماء الشرب
لانة ممكن يسبب تسمم معوي ولانة بقتل مش البكتريا الضارة بس والنافعة كمان والميكروفلورا
اما الحقن فهو ممتاز
وممكن التجربة ببنسلين منفصل من البشري
اسمة بنسلين بروكايين
والتجربة خير دليل....

الاخ الفاضل.. أبو علوه..
موضوعك جميل.. وفى مشاركه سابقه لى أطلقت عليك (عبقرينو المنتدى) دا لأنك فعلا بتطرح موضوعات جديده..
اخونا الكبير.. د/ حسام..
سبق أن قلت لك أنى احترم العلم والخبره فى شخص حضرتك.. لكن عذرا أخيا.. لقد أحرجت الرجل.. واعتقد انه يكفى ان يكتب المرء – إن أراد المشاركة – عباره واحده ( لو الأرنب حصله كذا .. إديله كذا..) ليجد فى الرد التالى ورده جميله بجوارها عبارة جزيت خيرا.. وأظن أن الكثير منا لديه مزيد من الوقت ليشارك برأيه بدليل أنك لو دخلت على المنتدى فى أى وقت تجد أعضاء يتصفحون المنتدى حتى لو بعد الفجر.. وإن كان الكثيرون ينظرون للأمر من منظور تجارى فكثير منا أصلا يربى للهوايه لا غير وموضوع كهذا يفيد كثير منا..

المهم..
الأخ أبو علوه إليك تجاربى البسيطه..

1- الاسهال..
يعطى الأرنب نصف سم سلفا ديميدين (المعد للحقن) فى الفم لوقف الاسهال فورا.. ويحقن يوميا نصف سم تحت الجلد لمة 3 أيام.
** هذه وصفة أخونا محمد الروبى جزاه الله كل خير وجربتها تمام تمام.

2- الخراج..
أ- إذا كان الخراج ناضج (وصفة أخونا الكبير د/ حسام وجربتها أنا وهى جيده جدا)..
يتم فتح الخراج وتنظيف ما بداخله بقطنه ثم يوضع عليه ماء أكسوجين للتنظيف وقتل الميكوبات ثم يوضع عليه صبغة يود ويدهن مضاد حيوى (جنتاميسين مثلا ودا بشرى) ويحقن الارنب نصف سم بنسلين طويل المفعول ويكرر الحقن 3 أيام (دا مخالف لرأى د/ حسام) ويكرر يوميا تنظيف الخراج ودهانه حتى يجف.. ويمكن حقن الارنب (بنسلين ستربتوميسين) 1 سم لمدة 3 أيام وهو بودره فى عبوه واحده يتم اضافة ماء عليها والحقن منها وجربت الاثنين وممتازين جدا.
ب- إذا كان الخراج غير ناضج.. احقن أى من نوعى البنسلين السابقين ويفضل طويل المفعول.. فلهم تأثير عجيب فى تجفيف الخراج ومنعه من النضج وجربت ذلك فى حوالى 9 أرانب عندى.

3- جرب الأذن..
يتم ازالة القشور البنيه التى فى داخل الأذن بملقاط ثم تضع ماء دافىء أو ماء أكسوجين فى الأذن وتنظفها جيدا ثم تضع فى كل أذن 2 سم بنزيل بنزوات وتمسك الأذن بيدك كى لا بنفذها الأرنب وتدلكها لتتشرب الماده وكرر البنزيل لمدة 3 أيام مع طبعا حقن نصف سم ايفوماك مره واحده تحت الجلد ويفضل تجنب حقن الام العشار والاكتفاء بالمعالجة الظاهريه .

4- جرب الأطراف (الاقدام والانف والاذن من الخارج)..
يتم حقن نصف سم ايفوماك تحت الجلد ثم تدهن المناطق المصابه ببنزيل بنزوات (من الصيدليه البشرى) ويكرر الدهان حتى يزول الجرب.. أو عن تغسل المناطق المصابه ب (بيوتكس) بعد تخفيفه بمعدل 1 سم / لتر ماء.
وللوقايه يتم رش الارانب والبطاريات كل 10 ايام بيوتكس مخفف كما سبق.

5- لو الأرنب جرح نفسه.. أحيانا قد يجرح رقبته مستخدما قدمه..
يتم تنظيف الجرح باستخدام ماء اكسوجين وصبغة يود ويدهن مرهم مضاد حيوى (جنتاميسين) ويحقن اسم تيراميسين طويل المفعول تحت الجلد .. ويكرر التنظيف والدهان حتى يجف الجرح.

دا اللى حضر فى ذهنى حاليا وإن شاء الله نكمل.. بس ياريت أخونا محمد الروبى وياسر السيد يشاركوا بتجاربهم.

وجزى الله الجميع خيرا

يا اخ ابو علوه انا لا اقصد ابدا احراجك او الاساءه اليك ارجوك لا تفهم غلط و عذرا عن سؤ التفاهك انا اكن كل احترام و تقدير للجميع بس انا احب الكلام العلمي الصحيح لان في ناس كتير ممكن تتبع الكلام ده وتتاثر بيه الاخ الفاضل روبي انا مش دكتاتور لازم تسمع و بس انت ليه بتقول كده علي اي اساس مش فاهم يا اخي انا احترم الصغير و الكبير و كلنا نتعاون للوصول للصح اللي ممكن يساعد الناس و خصوصا الاخوه المبتدئين الاخ sos موضوع انك بتحارب باتنين افضل من واحد مش عارف اقولك ايه بس الادويه تختلف لان في مضادات حيويه تتعارض مع بعض واخري تتجانس مع بعض والا كنا استعملنا 3 او 4 مضاد حيوي لو مشينا علي نفس المبدا علي اي حال انا اسف جدا اذا جعلت اي حد يسيء فهمي انا لا اقصد ابدا اي اساءه لاي شخص وانا لست مستبد براي دكتور روبي و انا اسف للجميع مره تانيه و خصوصا الاخ ابو علوه

بين اند ستريب مش بيتعارض لان الي بتنتجه شركه هولندي
انا اسف لانك في مكانه اخ كبير د حسام وكل اعضاء المنتدي اخوه وتحت امرهم في اي سوال
وسوف اشارك براي لاحقا

منور د محمد وكل التحيه د حسام وحقك عليا
بالنسبه لتصمغ الاذن كنت عامل تركيبه وكانت كويسه جدا
بعد كده استعملت ليسيدبشري بتاع الشعر ب5ج
3نقط بالاذن مرتين وانسي اكرر اسفي للجميع

شكر خاص لاستاذ عمرو
شكرا للتوضيح والمشاركة
وشكرا ل د.محمد علي للافادة عن منتج بين ستريب الهولاندي الجميل...
ونرجو المزيد من المساهمات

عادي يا د حسام حضرتك اخويا الكبير جزاك الله خيرا

جزاكم الله خيرا نرجو المزيد من المساهمات

اقوي علاج لجميع الامراض
علف مظبوط
تهويه سليمه
نظافه جيده
وباذن الله خلال اسبوع هالغي كل الادويه من عندي معادا الفيتامين والاملاح

علي فكرة لو علفك سليم زي ما بتقول
يبقي الاولي تلغي الفيتامينات والاملاح

[quote="oso"]علي فكرة لو علفك سليم زي ما بتقول
يبقي الاولي تلغي الفيتامينات والاملاح[/quot
البريمكس الي علي العلف بيفقد ولا ايه

المشكلة ان في ادوية ومضادات وفيتامينات واملاح بتتأثر بعملية صنع العلف المحبب الخاص بالارانب لانة بيمر بالفرن
واخيرا
دلوقتي في كل حاجة وتتعامل حراريا عادي
زي مثلا مضاد السموم الكابرين أ
امريكي الصنع
ممتاز
لا يتأثر باي معاملات حرارية او اي اضافات دوائية
وكمان نظام مفعولة وقتي لحظي يعني يزيل السموم من العلف ومن الارنب من الامعاء مباشرة

وكمان تراكمي
فكل نظام ولية بديل

الأخ ابو علوة والإخوة جميعا .......الدواء من الأشياء التى يجب ان نتعامل معها بحرص لأنها عبارة عن سموم كما هو متعارف عليه فى المراجع العالمية وهناك مايسمى بالسمية المنتقاة selective toxicity ومن يقوم به هو الطبيب المعالج بعد التشخيص للمرض ........وسوء استعمال الدواء دون خلفية علمية ودون قيد يضر أكثر مما ينفع وممكن يحصل تسمم دوائى يؤدى للموت ويظن المربى انه من المرض وهناك مايسمى بالتداخل الدوائى لابد للمعالج ان يكون على دراية جيدة به لذلك انصح المربين بعدم استعمال الدواء بشكل عشوائى.....

والله الموفق للخير

احب اضيف ان لو المرض اتعود علي دوا معين
بيحصل تحور
ويصعب علاجة

شكرا على الإضافة sos والميكروب هو الذى يتحور .......وفقكم الله للخير