السلام عليكم
الاعضاء الكرام
انا مش عارف حل ارجو المساعدة
انا عندي ذكر عمرة سنة ونصف...هجين اجنبي متعدد...منتخب كويس من حيث الاباء والامهات...
بيعشر كويس جدا.. صيف او شتا...والخلفة في البكر لا تقل عن 8 او تسعة في اول ولادة..وبتزيد بعد كدة....وخلفتة كلها كويسة..
ممكن يعشر الانثي عشر مرات ورا بعض ويريح 5 دقايق ويعشر تاني وهكذا وطول ما الانثي معاة مش عايز ياكل
كل ربع ساعة يعشر وكمان بالعافية حتي لو مش راضية لدرجة ان في نتاية من عند جاري جابها يعشرها سبتها معاة ليلة تاني يوم لقيت فتحة الحيا ملتهبة جدا من كتر التعشير...وقعدت اديها مضاد التهابات... وشغلانة....
وواحدة تانية كانت عصبية عشرها بالعافية بس سبب لها جروح في كل جسمها وقعدت اطهر الجروح لها واديها مضاد حيوي
حبيت اجرب دخلت له ارانب عمر شهر قعد ينط عليهم وعايز يعشرهم
ولما اخلية لوحدة يومين تلاتة من غير ونيس او جليس يجيلة اكتئاب
ويقل اكلة ويبدأ يخس واحس انة زعلان
لازم اخلي عندة اي ارنب او ارنبة صغير او كبير عشان يحس انة مش لوحدة..واول ما يشوفني يقعد يتنطط كتير ...ولو شلت نتاية من عندة بعد التعشير يهجم عليا ويمسك فيها بسنانة....ولما اشيلها يقعد يعض في اسلاك البطارية...وعايز يفرتكها...الي يبص علية يفتكر بني ادم مسجون عايز الحرية
انا مستغرب من حالتة دي
انا مش عارف اعمل معاة اية
ممكن في حاجة تهديه من غير ما تأثر علي الخصوبة؟؟؟؟؟
او اي حل...بجد مش عارف اعمل اية؟؟
الذكر دة حيجنني....ارجو المساعدة
منتدى الأرانب للجميع
أهلا وسهلا بك زائرنا الكريم ، في منتديات الأرانب للجميع .
المرجو منك أن تقوم بتسجـيل الدخول لتقوم بالمشاركة معنا. إن لم يكن لـديك حساب بعـد ، نتشرف بدعوتك لإنشائه بالتسجيل لديـنا . سنكون سعـداء جدا بانضمامك الي اسرة المنتدى . مع تحيات الإدارة
qeshtaالخميس يوليو 14, 2011 1:14 am