عندى ثلاثه ارانب اتنين نتى واحد دكر وزن كل واحد والى 2 كيلو هل افصلهم حاليا ولا ايه ارجو الافاده

لو بتربي تربيه ارضيه اعزلهم اول ما واحده فيهم تولد لانهم خطر علي المواليد
اما لو في بطاريات يفضل ان يكون كل ارنب في عين لوحده

انا اقصد ان النمو الجنسى ليهم التلاته يكون عند وزن كام تقريبا بحيس افصلهم عن بعض وبرده انا بخليهم مع بعض فى فترة النمو دى بحيس بيشجعوا بعض على الاكل


وشكرا جدا للافاده

المفروض تفصلهم قبل كده كمان لانهم لن يكفوا عن العراك مع بعضهم وممكن تشوف دم سايح كمان لكن الاناث ممكن يكونوا واخدين على بعض لكن اعزل الذكر فورا

كلام مظبو استاذ عمرو
المهم عزل الذكر
النتي امرهم سهل

عند عمر 3 شهور ليس بالوزن

بالنسبه للإناث حضرتك مش هاتكون مشكله خالص
ممكن تحط مثلا كل 3 اناث فى عين وهايستحملوا بعض
ويعيشوا مع بعض زى ما الإخوه الأفاضل ذكروا من قبل
أما الذكر مادام وصل عندك لوزن 2 كيلوا يبقى مصيره واحد من اتنين
إما البيع والذبح أو العزل للتربيه والإنتاج أو للبيع كسلاله
وكل ذكر فى عين منفصله طبعا
أنا النضج الجنسى فالكتب بتقول من سن 5 إلى 6 شهور ابدأ التلقيح حسب السلاله
أنا شخصيا أبدأ التلقيح للأنثى فى سن 4 شهور وشرط تكون التغذيه كويسه والوزن 3 كيلوا
وده طبعا رغم ان فيه ارهاق للأنثى بس فى كل الأحوال مفيش أنثى بتفضل عندى أكتر من سنه
غير إنى بطبيعه الحال لا أحكم على الأنثى من أول خلفه

يفضل فصلهم كل واحد في عين لسرعه نموهم